കടക്കെണി; സിയേഴ്‌സ് പാപ്പര്‍ ഹര്‍ജി നല്‍കുന്നു

Thu,Oct 11,2018


ഷിക്കാഗോ: കടക്കെണിയില്‍ അകപ്പെട്ടതിനെ തുടര്‍ന്ന് അമേരിക്കയിലെ പ്രമുഖ റീട്ടെയില്‍ വ്യാപാര ശൃംഖലയായ സിയേഴ്‌സ് ഹോള്‍ഡിംഗ് കോര്‍പറേഷന്‍ പാപ്പര്‍ ഹര്‍ജി നല്‍കുന്നു. കഴിഞ്ഞ ഏതാനും ആഴ്ചകളായി ഹോഫ്മാന്‍ എസ്റ്റേറ്റ്‌സിലുള്ള അവരുടെ ഹെഡ്ക്വാര്‍ട്ടേഴ്‌സില്‍ പാപ്പര്‍ ഹര്‍ജി തയാറാക്കുന്നതില്‍ വിദഗ്ധരായ എം 3 പാര്‍ട്ടണേഴ്‌സില്‍ നിന്നുള്ള ഉദ്യോഗസ്ഥര്‍ ഇതുസംബന്ധിച്ച പേപ്പര്‍ വര്‍ക്കുകള്‍ നടത്തി വരികയാണ്.
അടുത്ത തിങ്കളാഴ്ച 134 മില്യണ്‍ ഡോളറിന്റെ കട ബാധ്യത സിയേഴ്‌സിന് തീര്‍ക്കേണ്ടതായുണ്ട്. ഇത് സാധ്യമാകുമെന്ന് കരുതുന്നില്ലാത്തതു കൊണ്ടാണ് പാപ്പര്‍ ഹര്‍ജിക്ക് കമ്പനി ഒരുങ്ങുന്നത്. അവസാന നിമിഷം കമ്പനി ചെയര്‍മാനും, സി.ഇ.ഒ യുമായ എഡ്വേര്‍ഡ് രക്ഷയ്ക്ക് എത്തുമെന്ന് ചിലരെങ്കിലും കരുതുന്നുണ്ട്. മുമ്പ് പല അവസരങ്ങളിലും കമ്പനിയുടെ ഏറ്റവും വലിയ ഓഹരി ഉടമ കൂടിയായ എഡ്വേര്‍ഡ് കടക്കെണിയില്‍ നിന്ന് കരകയറാന്‍ പണമിറക്കിയിരുന്നു.
പക്ഷേ, ഇത്തവണ അതുണ്ടാകില്ലെന്നും കമ്പനി ഉടച്ചു വാര്‍ക്കാന്‍ എഡ്വേര്‍ഡും ആലോചിക്കുകയാണെന്നും റിപ്പോര്‍ട്ടുകളുണ്ട്. സിയേഴ്‌സിന്റെ മൊത്തമുള്ള കടബാധ്യതയായ 5.5 ബില്യണ്‍ ഡോളറില്‍ ഒരു ബില്യണ്‍ ഡോളറെങ്കിലും കുറവു വരുത്തുന്ന നടപടികളാണ് പരിഗണനയിലുള്ളത്. ഇതിനു പുറമേ 1.5 ബില്യണ്‍ ഡോളറിന്റെ റിയല്‍ എസ്റ്റേറ്റ് വില്‍പനയും, 1.75 ബില്യണ്‍ ഡോളറിന്റെ ആസ്തിയില്‍ വൈവിധ്യവത്കരണവും ലക്ഷ്യമിടുന്നു. എന്നാല്‍, കമ്പനിയുടെ മോശമായ സാമ്പത്തിക നിലയെ തുടര്‍ന്ന് വായ്പാ ദാതാക്കളുടെ പിന്തുണ ആര്‍ജിക്കാന്‍ കഴിഞ്ഞിട്ടില്ല. കഴിഞ്ഞ ഏതാനും വര്‍ഷങ്ങള്‍ക്കുള്ളില്‍ കമ്പനിയുടെ നൂറു കണക്കിന് സ്റ്റോറുകള്‍ക്ക് താഴു വീഴുകയുണ്ടായി.

Other News

  • പ്രളയ ദുരിതാശ്വാസം: 'നന്മ' യുടെ ഒന്നാംഘട്ട പ്രവര്‍ത്തനങ്ങള്‍ പൂര്‍ത്തിയായി
  • പോള്‍ ജോണ്‍ ഫോമ ട്രഷറര്‍ സ്ഥാനാര്‍ഥി
  • വെസ്റ്റ്‌ചെസ്റ്റര്‍ മലയാളി അസോ. പ്രളയ ദുരിതാശ്വാസ നിധി ധനമന്ത്രിയെ ഏല്പിക്കുന്നു
  • കീന്‍ അവാര്‍ഡുകള്‍ ദിലീപ് വര്‍ഗീസിനും, ജോണ്‍ടൈറ്റസിനും
  • ഡാളസ് , ഫിലഡല്‍ഫിയാ ഫൊറോനകളില്‍ സീറോ മലബാര്‍ കണ്‍വന്‍ഷന്‍ കിക്കോഫ്
  • താമ്പ സേക്രഡ് ഹാര്‍ട്ട് പള്ളിയില്‍ ഏലക്ക മാല ലേലം നടത്തി
  • പ്രവീണ്‍ വധക്കേസ്; ജഡ്ജിയുടെ നടപടിക്ക് എതിരേ തിങ്കളാഴ്ച സുപ്രീംകോടതിയില്‍ അപ്പീല്‍ നല്‍കും
  • 'മൈക്കല്‍' ചുഴലി കൊടുങ്കാറ്റ് വന്‍ നാശം വിതച്ചു; 14 മരണം, മെക്‌സിക്കോ ബീച്ച് തരിപ്പണമായി
  • യു.എന്നിന്റെ മനുഷ്യാവകാശ കൗണ്‍സിലിലേക്ക് ഇന്ത്യ വീണ്ടും തെരഞ്ഞെടുക്കപ്പെട്ടു; ഏറ്റവു കൂടുതല്‍ വോട്ടുകളോടെ
  • സൗദി പത്രപ്രവര്‍ത്തകനെ ടര്‍ക്കിയിലെ സൗദി കോണ്‍സുലേറ്റില്‍ 'കാണാതായ' സംഭവം; അന്വേഷണം ആവശ്യപ്പെട്ട് യു.എസ് സെനറ്റര്‍മാര്‍ രംഗത്ത്
  • ഹൂസ്റ്റണില്‍ ഇന്ത്യന്‍ വംശജരായ സ്ഥാനാര്‍ഥികളുടെ പ്രചാരണം സജീവമായി
  • Write A Comment

     
    Reload Image
    Add code here