അഗസ്ത വെസ്റ്റ്‌ലാന്‍ഡ് കേസിലെ മുഖ്യ ഇടനിലക്കാരന്‍ ക്രിസ്റ്റ്യന്‍ മിഷേലിനെ സിബിഐ ആസ്ഥാനത്ത് ചോദ്യം ചെയ്യുന്നു

Wed,Dec 05,2018


ന്യൂഡല്‍ഹി: അഗസ്ത വെസ്റ്റ്‌ലാന്‍ഡ് ഹെലികോപ്ടര്‍ ഇടാപാട് കേസിലെ മുഖ്യ ഇടനിലക്കാരന്‍ ക്രിസ്റ്റ്യന്‍ മിഷേലിനെ സിബിഐ ആസ്ഥാനത്ത് ചോദ്യം ചെയ്യുന്നു.
ഉച്ചക്ക് ശേഷം മിഷേലിനെ ഡല്‍ഹി പട്യാല ഹൗസ് കോടതിയില്‍ ഹാജരാക്കും. സിബിഐ പ്രത്യേക കോടതി ജഡ്ജ് അരവിന്ദ് കുമാറിന് മുന്നിലായിരിക്കും ഹാജരാക്കുക. വിശദമായ ചോദ്യം ചെയ്യലിന് മിഷേലിനെ കസ്റ്റിഡിയില്‍ വിട്ട് കിട്ടുന്നതിനുള്ള അപേക്ഷയും സിബിഐ കോടതിയില്‍ നല്‍കും.
അഗസ്റ്റ വെസ്റ്റ ലാന്‍ഡ് ഹെലികോപ്ടര്‍ ഇടപാട് കേസില്‍ കഴിഞ്ഞ ആറ് വര്‍ഷമായി ഇന്ത്യ തേടുന്ന ആയുധ ഇടപാടുകാരനാണ് ബ്രിട്ടീഷ് പൌരനായ ക്രിസ്റ്റ്യന്‍ മിഷേല്‍. മൂന്ന് വര്‍ഷം നീണ്ട നിയമ- നയതന്ത്ര ഇടപെടലുകള്‍ക്കൊടുവില്‍ ഇന്നലെ രാത്രിയോടെ ദുബൈ സര്‍ക്കാര്‍ മിഷേലിനെ ഇന്ത്യക്ക് കൈമാറി. രാത്രി പതിനൊന്ന് മണിയോടെ ഡല്‍ഹിയില്‍ വിമാനമിറങ്ങിയ ഉടനെ മിഷേലിന്റെ അറസ്റ്റ് സിബിഐ രേഖപ്പെടുത്തി. തുടര്‍ന്ന് സിബിഐ ആസ്ഥാനത്ത് എത്തിച്ച മിഷേലിനെ ഇന്നലെ രാത്രി തന്നെ ചോദ്യം ചെയ്യല്‍ ആരംഭിച്ചിരുന്നു. ചോദ്യം ചെയ്യല്‍ ഇപ്പോഴും തുടരന്നതായാണ് വിവരം.
ഉച്ചക്ക് 2.30 ഓടെ ഡല്‍ഹി പട്യാലാ ഹൗസിലുള്ള പ്രത്യേക സിബിഐ കോടതിയില്‍ മിഷേലിനെ ഹാജരാക്കും. വിശദമായ ചോദ്യം ചെയ്യലിന് വേണ്ടി കസ്റ്റഡിയില്‍ വിട്ട് കിട്ടുന്നതിനുള്ള അപേക്ഷയും സിബിഐ കോടതിയില്‍ സമര്‍പ്പിക്കും. കഴിഞ്ഞ യുപിഎ സര്‍ക്കാരിന്റെ കാലത്താണ് 12 വിവിഐപി ഹെലിക്കോപ്ടറുകള്‍ വാങ്ങുന്നതിനുള്ള കരാര്‍ അഗസ്റ്റ വെസ്റ്റ്‌ലാന്‍ഡ് കമ്പനിക്ക് നല്‍കിയത്. കരാര്‍ നേടിയെടുക്കുന്നതിന് എയര്‌ഫോഴ്‌സ് ഉദ്യോഗസ്ഥര്‍ക്കുള്‍പ്പെടേ കോഴ നല്‍കിയത് ഇടനിലക്കാരനായ ക്രിസ്റ്റ്യന്‍ മിഷേലാണെന്നാണ് സിബിഐയുടെ കണ്ടെത്തല്‍.
ഇടപാടിലെ രാഷ്ട്രീയ ബന്ധം അനാവരണം ചെയ്യാന്‍ മിഷേലിനെ ചോദ്യം ചെയ്യുന്നതിലൂടെ കഴിയുമെന്ന പ്രതീക്ഷയും അന്വേഷണ ഉദ്യോഗസ്ഥര്‍ക്കുണ്ട്.

Other News

  • കശ്മീരില്‍ സൈനികരുമായുള്ള ഏറ്റമുട്ടലില്‍ മൂന്ന് ഭീകരര്‍ കൊല്ലപ്പെട്ടു
  • മണിപ്പൂര്‍ വ്യാജ ഏറ്റുമുട്ടലില്‍ സൈനിക അര്‍ധ സൈനിക ഉദ്യോഗസ്ഥര്‍ക്കെതിരെ സിബിഐ എഫ്ഐആര്‍ രജിസ്റ്റര്‍ ചെയ്തു
  • കാണാതായ രത്‌ന വ്യാപാരിയെ വനത്തിനുള്ളില്‍ കൊല്ലപ്പെട്ട നിലയില്‍ കണ്ടെത്തിയ സംഭവവുമായി ബന്ധപ്പെട്ട് മുന്‍ ബി.ജെ.പി നേതാവ് അറസ്റ്റില്‍
  • വിദേശപ്പണത്തിന്റെ കാര്യത്തില്‍ ഇന്ത്യ ഒന്നാം സ്ഥാനം നിലനിറുത്തി; 2018 ല്‍ പ്രവാസികള്‍ രാജ്യത്ത് എത്തിച്ചത് 80 ബില്യണ്‍ ഡോളര്‍
  • മുംബൈ ഭീകരാക്രമണം: ഉത്ഭവം പാക് മണ്ണിലെന്ന് സമ്മതിച്ച് ഇമ്രാന്‍ഖാന്‍
  • സാമ്പത്തിക പ്രതിസന്ധിയില്‍ വലയുന്ന ജെറ്റ് എയര്‍വേസിന്റെ രക്ഷകനായി ഒരു മലയാളി വന്നേക്കുമെന്ന് സൂചന
  • കേന്ദ്രമന്ത്രി നിതിന്‍ ഗഡ്കരി പൊതു പരിപാടിക്കിടെ വേദിയില്‍ കുഴഞ്ഞുവീണു
  • കുടിക്കാനായി ഉപയോഗിച്ചിരുന്ന തടാകത്തില്‍ എച്ച്ഐവി ബാധിതയുടെ ജഢം കണ്ടെത്തി; നാട്ടുകാര്‍ തടാകം വറ്റിച്ചു
  • തിരക്കിട്ടും ചട്ടം ലംഘിച്ചും സിബിഐ ഡയറക്ടറെ മാറ്റിയതെന്തിന്? കേന്ദ്ര സര്‍ക്കാരിനെതിരെ സുപ്രീംകോടതിയുടെ രൂക്ഷ വിമര്‍ശനം
  • ബി.ജെ.പി വിഭാഗീയത സൃഷ്ടിക്കുന്നുവെന്ന് ആരോപിച്ച് ഉത്തര്‍പ്രദേശിലെ എം.പി പാര്‍ട്ടി വിട്ടു
  • സി.ബി.ഐ കേസില്‍ കേന്ദ്ര സര്‍ക്കാരിനും സി.വി.സി ക്കും സുപ്രീംകോടതിയുടെ വിമര്‍ശനം
  • Write A Comment

     
    Reload Image
    Add code here