അനുസ്മരണാ പ്രസംഗത്തില്‍ വിതുമ്പി ബുഷ് ജൂണിയര്‍; സീനിയര്‍ ബുഷിന് ആദരമര്‍പ്പിക്കാന്‍ ജീവിച്ചിരിക്കുന്ന എല്ലാ യു.എസ് പ്രസിഡന്റുമാരും എത്തി

Wed,Dec 05,2018


വാഷിംഗ്ടണ്‍ ഡി സി: നാഷണല്‍ കത്തീഡ്രലില്‍ പിതാവിന് വിട നല്‍കിക്കൊണ്ട് പ്രസംഗിക്കുമ്പോള്‍ ജൂണിയര്‍ ബുഷിന്റെ വാക്കുകള്‍ പലപ്പോഴും ഇടറി. കഴിഞ്ഞ ദിവസം അന്തരിച്ച മുന്‍ പ്രസിഡന്റ് ജോര്ഡജ് എച്ച് ഡബ്ലു ബുഷിന് രാഷ്ട്രത്തിന്റെ ആദരമര്‍പ്പിച്ച ചടങ്ങില്‍ ഇപ്പോള്‍ ജീവിച്ചിരിക്കുന്ന അമേരിക്കന്‍ പ്രസിഡന്റുമാരെല്ലാം സന്നിഹിതരായിരുന്നു. മുന്‍ പ്രസിഡന്റിന് അനുശോചന പ്രസംഗം നടത്തിയത് മറ്റൊരു മുന്‍ പ്രസിഡന്റായിരുന്നു എന്നതും പ്രത്യേകതയായി.
പൊതുസേവനം കുലീനത്വം നിറഞ്ഞതും ആവശ്യവുമാണെന്ന് പിതാവ് തങ്ങളെ പഠിപ്പിച്ചിരുന്നുവെന്നും, പരാജയങ്ങള്‍ ഒരു സമ്പൂര്‍ണ ജീവിതത്തിന്റെ ഭാഗമാണെന്ന് അംഗീകരിച്ചിരുന്നുവെന്നും ജൂണിയര്‍ ബുഷ് പ്രസംഗത്തില്‍ പറഞ്ഞു. പരാജയങ്ങളില്‍ തളരരുതെന്നും, തിരിച്ചടികളിലൂടെ കരുത്തു നേടണമെന്നും അദ്ദേഹം ഓര്‍മിപ്പിച്ചിരുന്നു. ഞങ്ങളുടെ കണ്ണുനീര്‍ ഞങ്ങള്‍ എത്രമാത്രം അങ്ങയെ സ്‌നേഹിച്ചിരുന്നുവെന്ന് വിളിച്ചോതുന്നു. ഒരു മകനോ മകള്‍ക്കോ ലഭിക്കാവുന്ന ഏറ്റവും നല്ല പിതാവാണെന്നു പറയുമ്പോഴേക്കും ജൂണിയര്‍ ബുഷിന്റെ കണ്ഠം ഇടറിയിരുന്നു.
കത്തീഡ്രലില്‍ പ്രസിഡന്റ് ഡോണള്‍ഡ് ട്രമ്പിനു പുറമ മുന്‍ പ്രസിഡന്റുമാരായാ ബരാക് ഒബാമ, ബിന്‍ ക്ലിന്റണ്‍, ജിമ്മി കാര്‍ട്ടര്‍ എന്നിവര്‍ മുന്‍നിരയില്‍ അടുത്തടുത്തായി ഇരുന്നു. ജര്‍മന്‍ ചാന്‍സലര്‍ ആംഗല മെര്‍ക്കല്‍, ജോര്‍ദാനിലെ അബ്ദുള്ള രാജാവ്, മുന്‍ ബ്രിട്ടീഷ് പ്രധാനമന്ത്രി ജോണ്‍ മേജര്‍ തുടങ്ങി വിവധ ലോക നേതാക്കള്‍ സീനിയര്‍ ബുഷിന് ആദരമര്‍പ്പിക്കാന്‍ എത്തിയിരുന്നു. ദേശീയ പതാകയില്‍ പൊതിഞ്ഞ സീനിയര്‍ ബുഷിന്റെ ശവമഞ്ചം ടെക്‌സാസില്‍ തിരികെ കൊണ്ടുവന്ന ശേഷം വ്യാഴാഴ്ച ജോര്‍ജ് എച്ച് ഡബ്ലു ബുഷ് പബ്ലിക് ലൈബ്രറിയില്‍ സംസ്‌കാരിക്കുന്നതാണ്. സീനിയര്‍ ബുഷിന്റെ ബഹുമാനാര്‍ഥം പേരു നല്‍കിയ ബുഷ് 4141 എന്ന ട്രെയിനിലാവും അന്ത്യവിശ്രമ സ്ഥലത്തേക്ക് ശവമഞ്ചം എത്തിക്കുക.

Other News

  • തന്നെ വീണ്ടും പ്രസിഡന്റാക്കുന്നില്ലെങ്കില്‍ അമേരിക്കന്‍ ഓഹരി വിപണി തകര്‍ന്ന് തരിപ്പണമാവുമെന്ന് ഡോണള്‍ഡ് ട്രംപ് ;ചൊവ്വാഴ്ച ഫ്ളോറിഡയിലെ ഓര്‍ലാന്റോയില്‍ വച്ചാണ് ട്രംപിന്റെ ഔദ്യോഗിക സ്ഥാനാര്‍ഥി പ്രഖ്യാപനം
  • ഇന്ത്യക്കാരായ നാലുപേര്‍ അമേരിക്കയില്‍ വീടിനുള്ളില്‍ വെടിയേറ്റു മരിച്ചു
  • ഹോളി ഫാമിലി ക്‌നാനായ പള്ളി ദശാബ്ദി ആഘോഷിക്കുന്നു
  • ഷിക്കാഗോ മലയാളി അസോസിയേഷന്‍ യൂത്ത് വിംഗ് ഉദ്ഘാടനം
  • കെ എച്ച് എന്‍ എ: പ്രളയ പുനരുദ്ധാരണ പദ്ധതിയുടെ ഉദ്ഘാടനം ജൂണ്‍ 18 ന് പാലക്കാട്
  • വെസ്റ്റ് ചെസ്റ്റര്‍ മലയാളി അസോസിയേഷന്റെ ഈ വര്‍ഷത്തെ ഓണഘോഷം സെപ്റ്റംബര്‍ 7 ശനിയാഴ്ച.
  • മെക്‌സിക്കോ അതിര്‍ത്തിയില്‍ ഇന്ത്യക്കാരിയായ ആറുവയസ്സുകാരിയ്ക്ക് ദാരുണ അന്ത്യം
  • വൈ​റ്റ്​​ഹൗ​സ്​ വ​ക്​​താ​വ്​ സാ​റ സാ​ൻ​ഡേ​ഴ്​​സ്​ സ്​​ഥാ​ന​മൊ​ഴി​യു​ന്നു
  • അ​സാ​ൻ​ജി​നെ യു.​എ​സി​ലേ​ക്ക്​ നാ​ടു​ക​ട​ത്തും; ഉ​ത്ത​ര​വി​ൽ ബ്രി​ട്ടീ​ഷ്​ ആ​ഭ്യ​ന്ത​ര സെ​ക്ര​ട്ട​റി ഒ​പ്പു​വെ​ച്ചു
  • അഭിവന്ദ്യകര്‍ദ്ദിനാള്‍ ലിയനാര്‍ഡോ സാന്‍ഡ്രിയ്ക്ക് എയര്‍പോര്‍ട്ടില്‍ സ്വീകരണം നല്‍കി
  • കേരളകോണ്‍ഗ്രസ് ചെയര്‍മാനായി സി.എഫ് തോമസ് എംഎല്‍എ വരുന്നതില്‍ എതിര്‍പ്പില്ലെന്ന് പിജെ ജോസഫ്
  • Write A Comment

     
    Reload Image
    Add code here