കെ. സുരേന്ദ്രന് കര്‍ശന വ്യവസ്ഥകളോടെ ജാമ്യം അനുവദിച്ചു; പത്തനംതിട്ട ജില്ലയില്‍ പ്രവേശിക്കരുത്

Fri,Dec 07,2018


പത്തനംതിട്ട: ഇരുപത്തി ഒന്നു ദിവസത്തെ ജയില്‍ വാസത്തിനൊടുവില്‍ ബി.ജെ.പി സംസ്ഥാന ജനറല്‍ സെക്രട്ടറി കെ സുരേന്ദ്രന് ഹൈക്കോടതി ജാമ്യം അനുവദിച്ചു.
ശബരിമലയിലെ ചിത്തിര ആട്ടവിളക്ക് ഉത്സവത്തിനോടനുബന്ധിച്ച് സന്നിധാനത്ത് ദര്‍ശനത്തിനെത്തിയ സ്ത്രീയെ വധിക്കാന്‍ ഗൂഢാലോചന നടത്തിയെന്ന കേസിലാണ് ഇപ്പോള്‍ ജാമ്യം ലഭിച്ചിരിക്കുന്നത്. കര്‍ശന ഉപാധികളോടെയാണ് ജാമ്യം.
പത്തനംതിട്ട ജില്ലയില്‍ പ്രവേശിക്കരുതെന്ന് ഹൈക്കോടതി നിര്‍ദേശിച്ചിട്ടുണ്ട്. രണ്ട് പേരുടെ ആള്‍ ജാമ്യം വേണം. പുറമെ രണ്ട് ലക്ഷത്തിന്റ ബോണ്ടും പാസ്‌പോര്‍ട്ടും കെട്ടിവയ്ക്കണം. സമാനമായ കുറ്റകൃത്യത്തില്‍ ഏര്‍പ്പെടാന്‍ പാടില്ലെന്നും കോടതി താക്കീത് നല്‍കിയിട്ടുണ്ട്.
കഴിഞ്ഞ 21 ദിവസമായി സുരേന്ദ്രന്‍ ജയിലിലാണ്. വ്യാഴാഴ്ച കേസില്‍ വാദം കേട്ട കോടതി സുരേന്ദ്രനെ രൂക്ഷമായി വിമര്‍ശിച്ചിരുന്നു. ശബരിമലയില്‍ എത്തുന്ന സ്ത്രീകളുടെ പ്രായം പരിശോധിക്കാന്‍ സുരേന്ദ്രന് എന്ത് അധികാരമാണ് ഉള്ളതെന്ന് കോടതി ചോദിച്ചു. ശബരിമലയില്‍ ചിത്തിര ആട്ട വിളക്ക് സമയത്ത് പ്രശ്‌നമുണ്ടാക്കാന്‍ പോയ സുരേന്ദ്രന്റെ നടപടി ന്യായീകരിക്കാനാകില്ലെന്നായിരുന്നു ഹൈക്കോടതിയുടെ പരാമാര്‍ശം.
ജാമ്യം ലഭിച്ചതിനാല്‍ കെ സുരേന്ദ്രന്‍ വെള്ളിയാഴ്ച ജയില്‍ മോചിതനാകും. മറ്റ് കേസുകളില്‍ ജാമ്യം ലഭിച്ചുവെങ്കിലും ഈ കേസില്‍ ജാമ്യം ലഭിക്കാഞ്ഞതിനാല്‍ ജയിലില്‍ കഴിയേണ്ടി വരികയായിരുന്നു.
ജാമ്യാപേക്ഷ കോടതി പരിഗണിച്ചപ്പോള്‍ തന്നെ ശക്തമായ എതിര്‍പ്പ് സര്‍ക്കാരിന്റെ ഭാഗത്ത് നിന്നുണ്ടായി. സുരേന്ദ്രന്‍ ജാമ്യത്തിലിറങ്ങിയാല്‍ ശബരിമലയില്‍ കലാപത്തിന് ശ്രമിക്കുമെന്ന് സര്‍ക്കാര്‍ അഭിഭാഷകന്‍ വാദിച്ചു. എങ്കിലും ഉപാധികളോടെ ജാമ്യം നല്‍കാം എന്ന് ഹൈക്കോടതി തീരുമാനിക്കുകയായിരുന്നു. തുടര്‍ന്ന് എന്തൊക്കെ ഉപാധികള്‍ ഉള്‍പ്പെടുത്തണം എന്ന് അഭിപ്രായം ആരാഞ്ഞപ്പോഴാണ് പത്തനംതിട്ട ജില്ലയില്‍ പ്രവേശിക്കരുത് എന്ന വ്യവസ്ഥ സര്‍ക്കാര്‍ ആവശ്യപ്പെട്ടത്.
കോടതി അത് അംഗീകരിക്കുകയും ചെയ്തു. രണ്ട് ലക്ഷം രൂപയുടെ ജാമ്യത്തുകയും സുരേന്ദ്രന്‍ കെട്ടിവയ്ക്കണം. ഹൈക്കോടതി ഉപാധിയോടെ ശബരിമല ദര്‍ശനം സുരേന്ദ്രന് സാധ്യമാകില്ലെന്ന് ഉറപ്പായി.

Other News

  • ആലുവ കൂട്ടക്കൊല കേസില്‍ പ്രതി ആന്റണിക്ക് ഹൈക്കോടതി വിധിച്ച വധശിക്ഷ, സുപ്രീംകോടതി ജീവപര്യന്തമാക്കി ഇളവ് ചെയതു
  • ബിജെപി മാര്‍ച്ചില്‍ സംഘര്‍ഷം; പോലീസിനെ കല്ലെറിഞ്ഞ പ്രവര്‍ത്തകര്‍ക്ക് ലാത്തിയടി; ചൊവ്വാഴ്ച തിരുവനന്തപുരത്ത് ഹര്‍ത്താല്‍
  • ശബരിമലയില്‍ ഇപ്പോള്‍ സമാധാന അന്തരീക്ഷമാണെന്ന് ഹൈക്കോടതി; ആര്‍ക്കുംപോയി ദര്‍ശനം നടത്താവുന്ന സാഹചര്യം
  • മുഖ്യമന്ത്രിയുടേയും സിപിഎം നേതാക്കളുടേയും വിമാനയാത്ര വിവാദത്തിലേക്ക്; വിമാനക്കൂലിക്കായി സര്‍ക്കാര്‍ ഏജന്‍സിയായ ഒഡാപെക് ചെലവിട്ടത് 2.28 ലക്ഷം രൂപ
  • കണ്ണൂരില്‍ നിന്ന് ദിവസവും നിരവധി രാജ്യാന്തര സര്‍വീസുകള്‍; റിയാദിലേക്കും ഷാര്‍ജയിലേക്കും ദോഹയിലേക്കുമാണ് അന്താരാഷ്ട്ര സര്‍വ്വീസുകള്‍
  • പളളിത്തര്‍ക്കത്തെ തുടര്‍ന്ന് പിറവത്ത് സംഘടിച്ചവരെ നീക്കാന്‍ പൊലീസ് ശ്രമം; വിശ്വാസികള്‍ ആത്മഹത്യാ ഭീഷണി മുഴക്കി
  • ദീപാ നിശാന്ത് മാര്‍ക്കിട്ട സംസ്ഥാന സ്‌കൂള്‍ കലോത്സവ മത്സര വിധി റദ്ദാക്കി
  • കൊച്ചി വാട്ടര്‍ മെട്രോ പദ്ധതിക്ക് 940 കോടിയുടെ ജര്‍മന്‍ സഹായം
  • ചരിത്രം രചിച്ച് കണ്ണൂര്‍ വിമാനത്താവളത്തില്‍ നിന്ന് ആദ്യ വിമാന സര്‍വീസ് ആരംഭിച്ചു; അബുദാബിയിലേക്ക് ആദ്യ സര്‍വീസ്
  • മെഡിക്കല്‍ ഷോപ്പുകളിലേക്ക് വാട്ട്‌സ് ആപ്പ് വഴി മരുന്നു വിവരം അയക്കാന്‍ ഡോക്ടര്‍മാര്‍ക്ക് അനുമതി
  • മുന്‍മുഖ്യമന്ത്രിമാര്‍ക്കു ക്ഷണമില്ല; കണ്ണൂര്‍ വിമാനത്താവളത്തിന്റെ ഉത്ഘാടന ചടങ്ങ് ബഹിഷ്‌ക്കരിക്കുമെന്ന് പ്രതിപക്ഷം
  • Write A Comment

     
    Reload Image
    Add code here