സിറിയയിലെ അവസാന ഇറാന്‍ ശേഷിപ്പും പുറത്താക്കുമെന്ന് അമേരിക്ക; സേനാ പിന്മാറ്റം വൈകുമെന്നു സൂചന

Thu,Jan 10,2019


കെയ്‌റോ: സിറിയയിലുള്ള അവസാന ഇറാനിയന്‍ ശേഷിപ്പും പുറത്താകുന്നുവെന്ന് അമേരിക്കയും സഖ്യകക്ഷികളും ഉറപ്പുവരുത്തുമെന്ന് യു.എസ് സ്റ്റേറ്റ് സെക്രട്ടറി മൈക്ക് പോമ്പിയോ.സിറിയന്‍ പ്രസിഡന്റ് ആസാദിന്റെ നിയന്ത്രണത്തിലുള്ള മേഖലകലില്‍ അമേരിക്കന്‍ പുനരുദ്ധാരണ സഹായം ലഭിക്കണമെങ്കില്‍ അവിടെയുളള ഇറാന്‍കാരും അവരുട പ്രോക്‌സികളും പുറത്തായി കഴിഞ്ഞുവെന്ന് ഉറപ്പു വരുത്തുമെന്ന് പോമ്പിയോ വ്യക്തമാക്കി. മിഡില്‍ ഈസ്റ്റ് നയത്തില്‍ മുന്‍ പ്രസിഡന്റ് തെറ്റാല പല കണക്കുകൂട്ടലുകളും നടത്തിയരുന്നുവെന്ന് പോമ്പിയോ വിമര്‍ശിച്ചു.
സഖ്യകക്ഷികളെയും, അമേരിക്കന്‍ പ്രതിരോധ വിഭാഗത്തെയും അമ്പരപ്പിച്ചു കൊണ്ട് സിറിയയില്‍ നിന്ന് അമേരിക്കന്‍ സേനയെ ഉടന്‍ പിന്‍വലിക്കുകയാണെന്ന് പ്രസിഡന്റ് ട്രമ്പ് പ്രഖ്യാപനം നടത്തി മൂന്നാഴ്ച പിന്നിടുന്ന അവസരത്തില്‍ കെയ്‌റോയിലെത്തിയ അവസരത്തിലാണ് പോമ്പിയോ ഇക്കാര്യങ്ങള്‍ പരാമര്‍ശിച്ചത്. അമേരിക്കന്‍ സേനാ പിന്മാറ്റം കൂടുതല്‍ വൈകുമെന്ന സൂചനയാണ് പോമ്പിയോയുടെ പരാമര്‍ശങ്ങളില്‍ നിഴലിക്കുന്നത്. ഭീകരതയ്‌ക്കെതിരായ യുദ്ധം അവസാനിക്കാതെ അമേരിക്ക പിന്മാറില്ലെന്നും, ഞങ്ങളുടെയും നിങ്ങളുടെയും സുരക്ഷയ്ക്ക് ഭീഷണി ഉയര്‍ത്തുന്ന ഐ.എസ്, അല്‍ ക്വയ്ദ് തുടങ്ങിയ ഭീകര സംഘടനകളെ ഉന്മൂലനം ചെയ്യാന്‍ അമേരിക്ക വിശ്രമമില്ലാതെ നിങ്ങള്‍ക്കൊപ്പം പോരാട്ടം തുടരുമെന്നും പോമ്പിയോ പറഞ്ഞു.
സിറിയന്‍ ആഭ്യന്തര യുദ്ധത്തില്‍ പ്രസിഡന്റ് ആസാദിന് ആയുധങ്ങളും, സൈനക ഉപേശവും, പോരാട്ട വിഭാഗങ്ങളെയും നല്‍കി റഷ്യയും, ഇറാനും സഹായിച്ചു വരികയാണ്. മിഡില്‍ ഈസ്റ്റിലെ ഇറാന്റെ ഇടപെടലുകളെ അമേരിക്ക സംശയത്തോടെയാണ് കാണുന്നത്. ഇറാനെ ശത്രുപക്ഷത്തു കാണുന്ന ഇസ്രയേല്‍. സൗദി എന്നീ രാജ്യങ്ങളുടെ സഖ്യശക്തി കൂടിയാമ് അമേരിക്ക. ഈ മേഖലയിലും ലോകത്തിന്റെ ഇതര ഭാഗത്തും സ്വാധീനം വളര്‍ത്താനുള്ള ഇറാന്റെ ശ്രമങ്ങള്‍ തടയുമെന്ന് പോമ്പിയോ വ്യക്തമാക്കി. ഇറാനെതിരേ ഏര്‍പ്പെടുത്തിയിട്ടുള്ള ഉപരോധം ചരിത്രത്തിലെ ഏറ്റവും ശക്തമായ ഒന്നാണെന്നും അദ്ദേഹം കൂട്ടിച്ചേര്‍ത്തു. പോമ്പിയോയ്ക്കുള്ള മറുപടിയായി, അമേരിക്ക ഇടപെടുന്ന സ്ഥലങ്ങളാണ് പിന്നീട് പ്രശ്‌നബാധിത മേഖലയായി മാറുന്നതെന്ന് ഇറാന്‍ വിദേശകാര്യ മന്ത്രി ജാവദ് സരിഫി തിരിച്ചടിച്ചു.

Other News

  • ഈജിപ്ഷ്യന്‍ മുന്‍ പ്രസിഡന്റ് മുഹമ്മദ് മുര്‍സി കോടതി മുറിയില്‍ കുഴഞ്ഞുവീണു മരിച്ചു
  • എണ്ണ ടാങ്കറുകള്‍ക്കുനേരെയുണ്ടായ ആക്രമണം: പിന്നില്‍ ഇറാനെന്ന അമേരിക്കന്‍ ആരോപണം ആവര്‍ത്തിച്ച് സൗദിയും
  • കുറ്റവാളികളെ ചൈനയ്ക്ക് കൈമാറാനുള്ള വിവാദ ബില്‍ ഹോങ്കോങ് താല്‍ക്കാലികമായി നിര്‍ത്തിവെച്ചു
  • കുറ്റവാളി കൈമാറ്റ നിയമത്തിനെതിരെ ഹോങ്കോങ്ങില്‍ പ്രക്ഷോഭം: പ്രക്ഷോഭകര്‍ക്കുനേരെ പോലീസ് റബ്ബര്‍ ബുള്ളറ്റ് പ്രയോഗിച്ചു. 22 പേര്‍ക്ക് പരിക്കേറ്റു
  • സൗദി വിമാനത്താവളത്തിനുനേരെ ഹൂത്തി വിമതരുടെ മിസൈല്‍ ആക്രമണം; 26 പേര്‍ക്ക് പരിക്ക്
  • പാക്കിസ്ഥാന്‍ മുന്‍ പ്രസിഡന്റ് ആസിഫ് അലി സര്‍ദാരി സാമ്പത്തിക തിരിമറി കേസില്‍ അറസ്റ്റില്‍
  • തെ​രേ​സ മേ ക​ൺ​സ​ർ​വേ​റ്റി​വ്​ പാ​ർ​ട്ടി​യു​ടെ നേ​തൃ​സ്​​ഥാ​നം രാ​ജി​വെ​ച്ചു
  • തെക്കന്‍ സ്വീഡനിലെ ലിന്‍ശോപിംങ് നഗരത്തില്‍ സ്‌ഫോടനം: 25 പേര്‍ക്ക് പരിക്കേറ്റു
  • ഓട്ടിസത്തിനു കാരണം മാതാപിതാക്കളുടെ ജീവിതശൈലിയെന്ന് കുറ്റപ്പെടുത്തല്‍; ധ്യാനം നടത്താന്‍ ഫാ. ഡൊമിനിക് വാളന്മനാലിനു നല്‍കിയ ക്ഷണം റദ്ദാക്കണമെന്ന് ഡബ്ലിന്‍ ആര്‍ച്ച് ബിഷപ്
  • ഇന്ത്യയിലും ചൈനയിലും ചില നഗരങ്ങളില്‍ ശ്വാസവായു പോലും അശുദ്ധമെന്ന് ട്രംപ്
  • ഒ.ഐ.സി ഉച്ചകോടി കാഷ്മീരിന് പ്രത്യേക പ്രതിനിധിയെ നിയമിച്ചു; പ്രതിഷേധം ഉയര്‍ത്തി ഇന്ത്യ
  • Write A Comment

     
    Reload Image
    Add code here