മുന്നോക്ക സംവരണം: ദലിത് സംഘടകള്‍ സുപ്രീംകോടതിയിലേക്ക്; 200 ഓളം ദലിത് സംഘടനകളുടെ യോഗം ശനിയാഴ്ച തിരുവനന്തപുരത്ത്

Fri,Jan 11,2019


കൊച്ചി: മുന്നോക്കവിഭാഗങ്ങളിലെ സാമ്പത്തികമായി പിന്നാക്കം നില്‍ക്കുന്നവര്‍ക്ക് സര്‍ക്കാര്‍ നിയമനങ്ങളിലും ഉന്നതവിദ്യാഭ്യാസ മേഖലയിലും 10 ശതമാനം സംവരണം ഏര്‍പ്പെടുത്താനുള്ള കേന്ദ്ര നീക്കത്തിനെതിരെ ദലിത് പിന്നോക്ക സംഘടകള്‍ സുപ്രീം കോടതിയെ സമീപിക്കാനൊരുങ്ങുന്നു.
വിവിധ വിഭാഗങ്ങളില്‍പ്പെട്ടവര്‍ക്ക് നിലവിലുള്ള 50 ശതമാനം സംവരണത്തിനു പുറമെയാണ് മുന്നോക്ക വിഭാഗങ്ങളലെ സാമ്പത്തിക പിന്നാക്ക വിഭാഗക്കാര്‍ക്ക് സംവരണം നല്‍കാന്‍ കേന്ദ്ര സര്‍ക്കാര്‍ തീരുമാനിച്ചത്. കോണ്‍ഗ്രസും സിപിഎമ്മും അടക്കമുള്ള രാഷ്ട്രീയ പാര്‍ട്ടികള്‍ ബിജെപി സര്‍ക്കാര്‍ കൊണ്ടുവന്ന ഈ തീരുമാനത്തോട് യോജിപ്പ് പ്രകടിപ്പിക്കുകയും പാര്‍ലമെന്റിന്റെ ഇരുസഭകളിലും അനുകൂലമായ നിലപാട് എടുക്കുകയും ചെയ്തിരുന്നു. ഭരണഘടനയുടെ 15,16 വകുപ്പുകള്‍ ഭേദഗതി ചെയ്തുകൊണ്ടാണ് പുതിയ സംവരണം ഏര്‍പ്പെടുത്തുന്നത്. നിലവില്‍ ദലിത് പിന്നാക്ക വിഭാഗങ്ങള്‍ക്ക് ലഭിച്ചുകൊണ്ടിരിക്കുന്ന സംവരണം അട്ടിമറിക്കപ്പെടുമെന്ന ആശങ്കയാണ് ദലിത് സംഘടനകള്‍ക്കുള്ളത്.
നിയമ നടപടികളെക്കുറിച്ച് ആലോചിക്കുന്നതിനായി നാളെ (ശനിയാഴ്ച) തിരുവനന്തപുരത്ത് സ്‌പെന്‍സര്‍ ജംങ്ഷനില്‍ ദലിത് സംഘടന നേതാക്കളുടെ യോഗം ചേരും. 200 ഓലം ദലിത് സംഘടനകളെയാണ് യോഗത്തിന് ക്ഷണിച്ചിട്ടുള്ളത്. കെപിഎംഎസ് ജനറല്‍ സെക്രട്ടറി പുന്നല ശ്രീകുമാര്‍ ഉള്‍പ്പെടെയുള്ള നേതാക്കളുടെ നേതൃത്വത്തിലാണ് ശനിയാഴ്ച യോഗം ചേരുന്നത്. നിയമ നടപടി, ജനകീയ പ്രക്ഷോഭം തുടങ്ങിയ കാര്യങ്ങള്‍ സംബന്ധിച്ച് ഈ യോഗത്തില്‍ തീരുമാനമുണ്ടാകുമെന്നാണ് സൂചന.
സുപ്രീംകോടതി വിധിയെ മറികടന്ന് സംവരണം 60 ശതമാനമാക്കി ഉയര്‍ത്തി, മുന്നോക്ക സാമ്പത്തിക സംവരണം ഉറപ്പാക്കിയ എന്‍ഡിഎ സര്‍ക്കാറിന്റെ നീക്കത്തെ ചോദ്യം ചെയ്ത് സുപ്രീംകോടതിയില്‍ നേരത്തെ യൂത്ത് ഫോര്‍ ഇക്വാലിറ്റി എന്ന സംഘടന ഹര്‍ജി നല്‍കിയിരുന്നു. സര്‍ക്കാര്‍ തീരുമാനം സുപ്രീംകോടതി വിധിക്ക് എതിരാണെന്നാണ് ഹര്‍ജിക്കാര്‍ കോടതിയെ അറിയിച്ചത്.

Other News

  • കേരളത്തില്‍ ബിജെപി 14 സീറ്റിലും ബിഡിജെഎസ് അഞ്ച് സീറ്റിലും മത്സരിക്കും; കോട്ടയത്ത് പിസി തോമസ്
  • ഓച്ചിറയില്‍ 13 കാരിയെ തട്ടിക്കൊണ്ടുപോയത് ബെംഗളുരുവിലേക്കെന്ന് പോലീസ് ; പ്രതിയെ സംരക്ഷിക്കില്ലെന്ന് പിതാവ്
  • ബാങ്ക് അക്കൗണ്ടില്‍ നിന്ന് പണം നഷ്ടപ്പെട്ടാല്‍ നഷ്ടപരിഹാരം നല്‍കാനുള്ള ബാധ്യത ബാങ്കിനുണ്ടെന്ന് ഹൈക്കോടതി
  • കലാഭവന്‍ മണിയുടെ മരണം: ഏഴു പേരെ നുണപരിശോധനയ്ക്ക് വിധേയരാക്കുന്നു
  • കേരളത്തില്‍ ഒമ്പത് സിറ്റിംഗ് എം.എല്‍.എ മാര്‍ മത്സരത്തിന്; സംസ്ഥാനത്തെ ലോക്‌സഭാ തെരഞ്ഞെടുപ്പു ചരിത്രം തിരുത്തിക്കുറിക്കുന്നു, കാത്തിരിക്കുന്നത് അധിക സാമ്പത്തിക ബാധ്യത
  • മഹാരാഷ്ട്രയില്‍ പ്രതിപക്ഷ നേതാവും മുതിര്‍ന്ന കോണ്‍ഗ്രസ് നേതാവുമായ രാധാകൃഷ്ണ വിഖേ പാട്ടീല്‍ രാജിവെച്ചു; മകനു പിന്നാലെ ബിജെപിയിലേക്കെന്ന് സൂചന
  • വടകരയില്‍ കെ മുരളീധരന്‍ യുഡിഎഫ് സ്ഥാനാര്‍ത്ഥി; പോരാട്ടം പൊടിപാറും
  • മാതാപിതാക്കളെ മര്‍ദ്ദിച്ച് അവശരാക്കിയ ശേഷം 13 കാരിയെ തട്ടിക്കൊണ്ടുപോയി; നാലംഗ സംഘത്തെ പോലീസ് തിരയുന്നു
  • കൊല്ലത്ത് ആരെയും പരിചയമില്ല; തൃശൂരോ പത്തനംതിട്ടയിലോ കോട്ടയത്തോ മത്സരിക്കാം: അല്‍ഫോന്‍സ് കണ്ണന്താനം
  • വയനാട് ഐ ഗ്രൂപ്പില്‍ നിന്ന് എ ഗ്രൂപ്പ് പിടിച്ചു; മേല്‍ക്കൈ നഷ്ടപ്പെട്ട പ്രതിഷേധത്തോടെ ചെന്നിത്തല മടങ്ങി; വടകരയില്‍ അനിശ്ചിതത്വം തുടരുന്നു
  • തുഷാര്‍ വെള്ളാപ്പള്ളി തൃശൂര്‍ ഉറപ്പിച്ചു; ബിഡിജെഎസ് അഞ്ചു സീറ്റുകളില്‍ മത്സരിക്കും
  • Write A Comment

     
    Reload Image
    Add code here