രാഹുല്‍ ഗാന്ധിക്ക് ദുബായില്‍ ആവേശകരമായ സ്വീകരണം; പല കാര്യങ്ങളിലും വിഭജിതമായ ഇന്ത്യയെ വീണ്ടും ഒന്നിപ്പിക്കാന്‍ ആഹ്വാനം

Fri,Jan 11,2019


ദുബായ്: ദ്വിദിന സന്ദര്‍ശനത്തിന്റെ ഭാഗമായി ദുബായില്‍ എത്തിയ കോണ്‍ഗ്രസ് പ്രസിഡന്റ് രാഹുല്‍ ഗാന്ധിക്ക് ആവേശകരമായ സ്വീകരണം. ദുബായ് ഇന്റര്‍നാഷണല്‍ ക്രിക്കറ്റ് സ്റ്റേഡിയത്തില്‍ കാല്‍ ലക്ഷത്തിലധികം പ്രവസികളാണ് രാഹുലിനെ ശ്രവിക്കാന്‍ എത്തിയത്. യു.എ.ഇ സഹിഷ്ണുതയുടെ വര്‍ഷം ആഘോഷിക്കുമ്പോള്‍ നമ്മുടെ മാതൃരാജ്യം നാലര വര്‍ഷമായി അസഹിഷ്ണുതയുടെ പിടിയിലാണെന്ന് രാഹുല്‍ പറഞ്ഞു.
ഇന്ത്യ ഇപ്പോള്‍ പല കാര്യങ്ങളിലും വിഭജിക്കപ്പെട്ടിരിക്കുന്നു. രാഷ്ട്രീയ നേട്ടങ്ങള്‍ക്കു വേണ്ടിയും, മതപരമായുമൊക്കെ നമ്മള്‍ വിഭജിതരായിരിക്കുന്നു. ഇന്ത്യയെ നമുക്ക് വീണ്ടും ഒരുമയുടെ പാതയിലേക്ക് കൊണ്ടുവരിക എന്നതാണ് പ്രഥമ ദൗത്യം. നമ്മള്‍ പരസ്പരം പോരടിക്കുകയും, അസഭ്യ വര്‍ഷം നടത്തുകയാണ്. ഇതുകൊണ്ട് എന്തു നേട്ടമാണ് ഉണ്ടാകുന്നത്. മരിക്കുന്നതു വരെ എന്റെ വാതിലുകളും, ഹൃദയവും, കാതുകളും നിങ്ങള്‍ക്കായി തുറന്നിരിക്കും. കോണ്‍ഗ്രസ് വിമുക്ത ഭാരതമാണ് ചില്‍ ആഗ്രഹിക്കുന്നത്. ബി.ജെ.പി വിമുക്ത ഭാരതം താന്‍ ആഗ്രഹിക്കുന്നില്ലെന്നും രാഹുല്‍ വ്യക്തമാക്കി.
കോണ്‍ഗ്രസ് പ്രസിഡന്റ് എന്ന നിലയിലാണ് രാഹുല്‍ ഗാന്ധി ഇപ്പോള്‍ ഇവിടെ വന്നിരിക്കുന്നതെന്നും, അടുത്ത തവണ അദ്ദേഹം ഇവിടെ ഇന്ത്യന്‍ പ്രധാനമന്ത്രി എന്ന നിലയിലാണ് വരിക എന്നും ചടങ്ങില്‍ പ്രസംഗിച്ച മുന്‍ കേരള മുഖ്യമന്ത്രി ഉമ്മന്‍ചാണ്ടി കരഘോഷങ്ങള്‍ക്കിടെ പറഞ്ഞു. കോണ്‍ഗ്രസ് നേതാവ് സാം പിട്രോഡ, മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടി തുടങ്ങിയവും ചടങ്ങില്‍ പങ്കെടുത്തു. യു.എ.ഇ പ്രധാനമന്ത്രിയും, ദുബായ് ഭരണാധികാരയുമായ ഷേഖ് മുഹമ്മദ് ബിന്‍ റഷീദ് അല്‍ മക്തൂമിനെ സന്ദര്‍ശിച്ച് രാഹുല്‍ ചര്‍ച്ച നടത്തുകയുണ്ടായി.

Other News

  • എണ്ണ ടാങ്കറുകള്‍ക്കുനേരെയുണ്ടായ ആക്രമണം: പിന്നില്‍ ഇറാനെന്ന അമേരിക്കന്‍ ആരോപണം ആവര്‍ത്തിച്ച് സൗദിയും
  • കുറ്റവാളികളെ ചൈനയ്ക്ക് കൈമാറാനുള്ള വിവാദ ബില്‍ ഹോങ്കോങ് താല്‍ക്കാലികമായി നിര്‍ത്തിവെച്ചു
  • കുറ്റവാളി കൈമാറ്റ നിയമത്തിനെതിരെ ഹോങ്കോങ്ങില്‍ പ്രക്ഷോഭം: പ്രക്ഷോഭകര്‍ക്കുനേരെ പോലീസ് റബ്ബര്‍ ബുള്ളറ്റ് പ്രയോഗിച്ചു. 22 പേര്‍ക്ക് പരിക്കേറ്റു
  • സൗദി വിമാനത്താവളത്തിനുനേരെ ഹൂത്തി വിമതരുടെ മിസൈല്‍ ആക്രമണം; 26 പേര്‍ക്ക് പരിക്ക്
  • പാക്കിസ്ഥാന്‍ മുന്‍ പ്രസിഡന്റ് ആസിഫ് അലി സര്‍ദാരി സാമ്പത്തിക തിരിമറി കേസില്‍ അറസ്റ്റില്‍
  • തെ​രേ​സ മേ ക​ൺ​സ​ർ​വേ​റ്റി​വ്​ പാ​ർ​ട്ടി​യു​ടെ നേ​തൃ​സ്​​ഥാ​നം രാ​ജി​വെ​ച്ചു
  • തെക്കന്‍ സ്വീഡനിലെ ലിന്‍ശോപിംങ് നഗരത്തില്‍ സ്‌ഫോടനം: 25 പേര്‍ക്ക് പരിക്കേറ്റു
  • ഓട്ടിസത്തിനു കാരണം മാതാപിതാക്കളുടെ ജീവിതശൈലിയെന്ന് കുറ്റപ്പെടുത്തല്‍; ധ്യാനം നടത്താന്‍ ഫാ. ഡൊമിനിക് വാളന്മനാലിനു നല്‍കിയ ക്ഷണം റദ്ദാക്കണമെന്ന് ഡബ്ലിന്‍ ആര്‍ച്ച് ബിഷപ്
  • ഇന്ത്യയിലും ചൈനയിലും ചില നഗരങ്ങളില്‍ ശ്വാസവായു പോലും അശുദ്ധമെന്ന് ട്രംപ്
  • ഒ.ഐ.സി ഉച്ചകോടി കാഷ്മീരിന് പ്രത്യേക പ്രതിനിധിയെ നിയമിച്ചു; പ്രതിഷേധം ഉയര്‍ത്തി ഇന്ത്യ
  • ജപ്പാനിലെ ടോരിഷിമ ദ്വീപില്‍ ഭൂചലനം; 6.1 തീവ്രത രേഖപ്പെടുത്തി
  • Write A Comment

     
    Reload Image
    Add code here