വിംഗ് കമാന്‍ഡര്‍ അഭിനന്ദിനെ വിട്ടയക്കുന്ന കാര്യത്തില്‍ അമേരിക്ക നിര്‍ണായക പങ്കു വഹിച്ചു

Thu,Mar 14,2019


ന്യൂഡല്‍ഹി: പാക്കിസ്ഥാന്റെ പിടിയില്‍ അകപ്പെട്ട ഇന്ത്യന്‍ പോര്‍ വിമാന പൈലറ്റ് വിംഗ് കമാന്‍ഡര്‍ അഭിനന്ദര്‍ വര്‍ത്തമാനിനെ കാലതാമസമൊന്നും കൂടാതെ വിട്ടയച്ചത് അവര്‍ ഇന്ത്യയെ പേടിച്ചതു കൊണ്ടാണെന്നു കരുതരുത്. ഇക്കാര്യത്തില്‍ അമേരിക്ക നടത്തിയ നിര്‍ണായക ഇടപെടലാണ് അഭിനന്ദിന്റെ പെട്ടെന്നുള്ള മോചനത്തിന് വഴിതുറന്നത്. ഇരു രാജ്യങ്ങളും തമ്മിലുള്ള സംഘര്‍ഷത്തില്‍ അയവു വരുത്തുന്നതിന് ഇതാണ് ഏറ്റവും അഭികാമ്യമായ മാര്‍ഗമെന്ന് ഉന്നത മിലിട്ടറി ചാനല്‍ വഴി പാക് പട്ടാളത്തെ അമേരിക്ക ധരിപ്പിക്കുകയായിരുന്നു. അമേരിക്കന്‍ സെന്‍ട്രല്‍ കമാന്‍ഡിന്റെ മേധാവി ജനറല്‍ ജോസഫ് വോട്ടല്‍ ഇതു സംബന്ധിച്ച് പാക്കിസ്ഥാന്‍ കരസേനാ മേധാവി ജനറല്‍ ക്വമര്‍ ജാവദ് ബജ്വയുമായി സംഭാഷണം നടത്തിയെന്ന് ഇക്കമോമിക് ടൈംസ് റിപ്പോര്‍ട്ട് ചെയ്തു.
പാക്കിസ്ഥാനിലെയും, അഫ്ഗാനിസ്ഥാനിലെയും ഓപ്പേറേഷനുകളുടെ ചുമതല വഹിക്കുന്ന സെന്‍ട്രല്‍ കമാന്‍ഡാന്റാണ് താലിബാനുമായുള്ള നയതന്ത്ര ചര്‍ച്ചയ്ക്ക് കളമൊരുക്കുന്നത്. അതുകൊണ്ടു തന്നെ പാക്കിസ്ഥാനിലെ ഉന്നത സൈനിക നേതൃത്വവുമായി അവര്‍ക്ക് അടുത്ത ബന്ധമുണ്ട്. പാക് പട്ടാള നേതൃത്വത്തില്‍ സ്വാധീനുമുള്ള ബ്രിട്ടനും ഇക്കാര്യത്തില്‍ ഇടപെടല്‍ നടത്തിയിരുന്നു. പുല്‍വാമ ഭീകാരക്രമണത്തിനു തിരിച്ചടിയായി ഇന്ത്യ ബലാക്കോട്ട് നടത്തിയ ബോംബാക്രമണത്തിനു തിരിച്ചടി നടത്താന്‍ പാക്കിസ്ഥാന്‍ നടത്തിയ ശ്രമങ്ങള്‍ സംഘര്‍ഷം വര്‍ധിപ്പിക്കുന്നതാണെന്ന് ചൂണ്ടിക്കാട്ടി അമേരിക്കയുടെ സംയുക്ത സൈനിക തലവന്‍ ജനറല്‍ ജോസഫ് ഡുന്‍ഫോര്‍ഡ്, പാക്കിസ്ഥാനില്‍ ഇതേ സ്ഥാനം വഹിക്കുന്ന ജനറല്‍ സുബൈര്‍ മഹ്മൂദുമായി സംസാരിച്ചിരുന്നു.
യുദ്ധ സമാനമായ സാഹചര്യത്തില്‍ പിടികൂടാന്‍ കഴിഞ്ഞ പൈലറ്റിനെ വിട്ടയക്കരുതെന്നും, അദ്ദേഹത്തെ വച്ച് വിലപേശല്‍ നടത്തണമെന്നും പാക്കിസ്ഥാനകത്ത് വലയി സമ്മര്‍ദമുണ്ടായിരുന്നു. എന്നാല്‍, ജനറല്‍ വോട്ടല്‍ ഇക്കാര്യത്തില്‍ ഇടപെടല്‍ നടത്തിയ ശേഷം പല ചാനലുകളിലൂടെയും അഭിനന്ദിനെ എത്രയും വേഗം വിട്ടയക്കണമെന്ന സന്ദേശം പാക്കിസ്ഥാനില്‍ എത്തിക്കൊണ്ടിരുന്നു. അമേരിക്കന്‍ ദേശീയ സുരക്ഷാ ഉപദേഷ്ടാവ് ജോണ്‍ ബോള്‍ട്ടനും ഇക്കാര്യത്തില്‍ ഇടപെടല്‍ നടത്തിയിരുന്നു. ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവലുമായി നിരന്തരം സമ്പര്‍ക്കം പുലര്‍ത്തിയിരുന്ന ബോള്‍ട്ടന്‍ , പാക്കിസ്ഥാന്‍ പട്ടാളവുമായി ചര്‍ച്ച നടത്തി തീരുമാനിമെടുക്കുന്ന ചുമതല ജനറല്‍ വോട്ടലിനു വിട്ടുനല്‍കുകയായിരുന്നു. അഭിനന്ദിനെ വിട്ടയച്ച ദിവസത്തില്‍ ചില നിയമപരമായ തടസങ്ങള്‍ ചൂണ്ടിക്കാട്ടി തീരുമാനം വൈകിപ്പിക്കാന്‍ ചില ശ്രമങ്ങള്‍ നടന്നപ്പോഴും അമേരിക്ക അതിനെതിരേ ശക്തമായ താക്കീതുമായി രംഗത്തു വരികയായിരുന്നു.

Other News

  • സിഖുകാരനെ ആക്രമിച്ച യുവാവിന് ലഭിച്ച ശിക്ഷ സിഖ് മതത്തെക്കുറിച്ചുള്ള പഠനവും മൂന്നുവര്‍ഷത്തെ തടവും
  • ഒക്‌ലഹോമയില്‍ ടൊര്‍ണാഡോ; രണ്ടു പേര്‍ കൊല്ലപ്പെട്ടു, വന്‍ നാശം
  • അതിര്‍ത്തി മതില്‍ നിര്‍മിക്കാന്‍ പ്രതിരോധ വകുപ്പിന്റെ ഫണ്ട് വകമാറ്റിയ ട്രമ്പിന്റെ നടപടി കോടതി തടഞ്ഞു
  • സുഷമ സ്വരാജിന്റെ യാത്രയ്ക്ക് പാക്കിസ്ഥാന്‍ വ്യോമപാത തുറന്നു കൊടുത്തു
  • ഉത്തരകൊറിയയുടെ മിസൈല്‍ പരീക്ഷണങ്ങളെ നിസാരവല്‍ക്കരിച്ച് ട്രമ്പ്; അവര്‍ നിര്‍മിച്ചത് ചെറിയ ആയുധങ്ങളെന്ന്
  • കര്‍ണാടകയില്‍ അട്ടിമറി നീക്കം സജീവം: ഓപ്പറേഷന്‍ താമര; രണ്ട് കോണ്‍ഗ്രസ് എംഎല്‍എമാര്‍ ബിജെപി നേതാക്കളെ കണ്ടു
  • ഇറാന്‍ ഭീഷണി: കോണ്‍ഗ്രസിനെ മറികടന്ന് സൗദിക്ക് എട്ടു ബില്യണ്‍ ഡോളറിന്റെ ആയുധങ്ങള്‍ വില്‍ക്കാന്‍ ട്രമ്പിന്റെ പച്ചക്കൊടി
  • ലോകത്തിലെ ഏറ്റവും വില കൂടിയ മരുന്ന് വിപണിയിലേക്ക്; വില 2.15 മില്യണ്‍ ഡോളര്‍
  • പശ്ചിമേഷ്യയിലേക്ക്​ 10,000 സൈനികരെ അയക്കാൻ പെന്റഗണ്‍
  • നിയമാനുസൃത കുടിയേറ്റക്കാര്‍ക്ക് ഉണ്ടാകുന്ന മെഡിക്കല്‍ ഉള്‍പ്പെടെയുള്ള എല്ലാ സാമൂഹ്യക്ഷേമ ചെലവുകളും ഇനി മുതല്‍ സ്‌പോണ്‍സര്‍ തിരിച്ചടയ്ക്കണം
  • വി​ക്കി​ലീ​ക്​​സ്​ സ്​​ഥാ​പ​ക​ൻ ജൂ​ലി​യ​ൻ അ​സാ​ൻ​ജി​നെ​തി​രെ യു.​എ​സ്​ കു​റ്റം​ചു​മ​ത്തി
  • Write A Comment

     
    Reload Image
    Add code here