ശ്രീലങ്കയ്‌ക്കെതിരേ ഇന്ത്യക്ക്‌ ആറു വിക്കറ്റ്‌ വിജയം

Mon,Mar 12,2018


കൊളംബോ: നിദാഹാസ്‌ ട്രോഫി ത്രിരാഷ്‌ട്ര ട്വന്റി20 ക്രിക്കറ്റ്‌ ടൂര്‍ണമെന്റില്‍ ശ്രീലങ്കയ്‌ക്കെതിരേ ഇന്ത്യക്ക്‌ ആറു വിക്കറ്റ്‌ വിജയം. പ്രേമദാസ സ്‌റ്റേഡിയത്തില്‍ ആദ്യം ബാറ്റ്‌ ചെയ്‌ത ലങ്ക ഒന്‍പത്‌ വിക്കറ്റ്‌ നഷ്‌ടത്തില്‍ 152 റണ്ണെടുത്തു. മറുപടി ബാറ്റിങ്ങിനിറങ്ങിയ ഇന്ത്യ നാലു വിക്കറ്റ്‌ നഷ്‌ടത്തില്‍ ഒന്‍പതു ബോളുകള്‍ അവശേഷിക്കെ വിജയം കൈപ്പിടിയിലൊതുക്കി. മികച്ച തുടക്കം ലഭിച്ചെങ്കിലും ഇന്ത്യ തിരിച്ചടിച്ചതോടെയാണു ലങ്ക ഒതുങ്ങിയത്‌. 27 റണ്‍ വഴങ്ങി നാലു വിക്കറ്റെടുത്ത പേസര്‍ ശാര്‍ദൂല്‍ ഠാക്കൂറാണ്‌ ഇന്ത്യക്കാരില്‍ തിളങ്ങിയത്‌. വാഷിങ്‌ടണ്‍ സുന്ദര്‍ രണ്ട്‌ വിക്കറ്റും ജയദേവ്‌ ഉനാത്‌കട്ട്‌, യുസ്‌വേന്ദ്ര ചാഹാല്‍, വിജയ്‌ ശങ്കര്‍ എന്നിവര്‍ ഒരു വിക്കറ്റ്‌ വീതവുമെടുത്തു. 38 പന്തില്‍ മൂന്ന്‌ സിക്‌സറും മൂന്നു ഫോറുമടക്കം 55 റണ്ണെടുത്ത ഓപ്പണര്‍ കുശല്‍ മെന്‍ഡിസാണു ലങ്കയുടെ ടോപ്‌ സ്‌കോറര്‍. മഴ മൂലം വൈകി ആരംഭിച്ച മത്സരം 19 ഓവര്‍ വീതമാക്കി ചുരുക്കിയിരുന്നു. ഉപുല്‍ തരംഗ (24 പന്തില്‍ 22), ധനുഷ്‌ക ഗുണതിലകെ (എട്ട്‌ പന്തില്‍ 17), നായകന്‍ തിസാര പെരേര (ആറ്‌ പന്തില്‍ 15), ശനക (16 പന്തില്‍ 19) എന്നിവരും മികച്ച പ്രകടനം പുറത്തെടുത്തു. നോട്ടൗട്ടായി മനീഷ്‌ പാണ്ഡേയും (31 പന്തില്‍ 42 ), ദിനേഷ്‌ കാര്‍ത്തിക്‌ (25 പന്തില്‍ 39) നടത്തിയ മികച്ച പ്രകടനമാണ്‌ ഇന്ത്യന്‍ ഇന്നിങ്ങ്‌സിന്‌ തുണയായത്‌. ആദ്യ രണ്ട്‌ മത്സരങ്ങളില്‍ നിറംമങ്ങിയ ഋഷഭ്‌ പന്തിനു പകരം ലോകേഷ്‌ രാഹുലാണ്‌ ഇന്ത്യക്കു വേണ്ടി കളിച്ചത്‌. കുറഞ്ഞ ഓവര്‍ നിരക്കിനു ശിക്ഷിക്കപ്പെട്ട നായകന്‍ ദിനേഷ്‌ ചാന്‍ഡിമലിനെ ലങ്കയ്‌ക്ക് ഒഴിവാക്കേണ്ടി വന്നു. തിസാര പെരേരയാണ്‌ അടുത്ത രണ്ട്‌ മത്സരങ്ങളില്‍ ലങ്കയെ നയിക്കുക. ബംഗ്ലാദേശിനോട്‌ അഞ്ചു വിക്കറ്റിനു തോറ്റതിന്റെ ക്ഷീണത്തിലാണു ലങ്ക കളിക്കാനിറങ്ങിയത്‌. ഇന്ത്യ ആദ്യ മത്സരത്തില്‍ ശ്രീലങ്കയോട്‌ അഞ്ചു വിക്കറ്റിനു തോറ്റിരുന്നു. ബംഗ്ലാദേശിനെ ആറു വിക്കറ്റിനു തോല്‍പ്പിച്ചാണ്‌ ഇന്ത്യ മത്സരത്തിലേക്കു തിരിച്ചുവന്നത്‌. എം.എസ്‌. ധോണിയുടെ പിന്‍ഗാമിയായി വിലയിരുത്തുന്ന ഋഷഭ്‌ പന്ത്‌ കഴിഞ്ഞ മത്സരങ്ങളില്‍ പരാജയമായിരുന്നു. മൂന്നു ടീമുകളും ഓരോ മത്സരങ്ങള്‍ ജയിച്ചതോടെ ടൂര്‍ണമെന്റ്‌ ആവേശകരമായി.

Other News

  • ബിഡബ്ല്യുഎഫ് വേള്‍ഡ് ടൂര്‍ണമെന്റില്‍ പി.വി. സിന്ധുവിന് സൂപ്പര്‍ സീരീസ് കിരീടം
  • ഇഷാന്തിന്റെ ഒരോവറിലെ ആറു പന്തും നോ ബോള്‍; ഇന്ത്യയുടെ വിജയം ചോദ്യം ചെയ്ത് ഫോക്‌സ് സ്‌പോര്‍ട്‌സ്
  • രചനോക് ഇന്റാനോണിനെ തോല്‍പ്പിച്ച് സിന്ധു വേള്‍ഡ് ടൂര്‍ ഫൈനല്‍സിന്റെ ഫൈനലില്‍
  • രഞ്ജി ട്രോഫി; കേരളം തകര്‍ച്ചയില്‍ നിന്ന് കരകയറുന്നു
  • ആദ്യ ദിനം ഓസ്‌ട്രേലിയ ആറു വിക്കറ്റിന് 277 റണ്‍സ്
  • 265 പെണ്‍കുട്ടികളെ ചൂഷണം ചെയ്ത കേസില്‍ യു.എസ് ജിംനാസ്റ്റിക്സ് ടീം ഡോക്ടര്‍ക്ക് 300 വര്‍ഷത്തെ തടവ്
  • ഓസീസ് ബാറ്റ്‌സ്മാന്‍മാര്‍ ആക്രമണോത്സുകത നിയന്ത്രിക്കണമെന്ന് ജസ്റ്റിന്‍ ലാംഗര്‍
  • കോലിക്ക് റെക്കോഡ്
  • പെര്‍ത്തിലെ വാക്കയില്‍ കാര്യങ്ങള്‍ ഓസീസിന് അനുകൂലമെന്ന് പോണ്ടിങ്
  • അഡ്‌ലെയ്ഡില്‍ ഋഷഭിന് ലോക റെക്കോഡ്
  • ചരിത്രമെഴുതി ഇന്ത്യ; പത്ത് വര്‍ഷത്തിന് ശേഷം ഓസീസ് മണ്ണില്‍ ടെസ്റ്റ് വിജയം
  • Write A Comment

     
    Reload Image
    Add code here