ഷമി ഫോണിലൂടെ ഭീഷണിപ്പെടുത്തുന്നു; പോലീസ് സുരക്ഷ വേണമെന്ന് ഹസിന്‍

Wed,Mar 14,2018


കൊല്‍ക്കത്ത: മുഹമ്മദ് ഷമിക്കെതിരെ ഗുരുതരമായ ആരോപണങ്ങള്‍ ഉന്നയിച്ചതിന് പിന്നാലെ ഭാര്യ ഹസിന്‍ ജഹാന് ഭീഷണി ഫോണ്‍കോള്‍. തിങ്കളാഴ്ച്ച രാത്രിയാണ് ഹസിനെ ഭീഷണിപ്പെടുത്തി ഒരു അജ്ഞാത നമ്പറില്‍ നിന്ന് കോള്‍ വന്നത്. ഭര്‍ത്താവ് ഷമി തന്നെയാണ് അതിന് പിന്നിലെന്ന് ഹസിന്‍ ആരോപിക്കുന്നു. 'ഫോണിലൂടെ ഷമി എന്നെ ഭീഷണിപ്പെടുത്തുകയാണ്. എനിക്കറിയാത്ത ഏതോ നമ്പറില്‍ നിന്നാണ് വിളിച്ചത്. ഞാന്‍ കാരണം അയാളുടെ കരിയര്‍ നശിക്കുകയാണത്രേ. ഒത്തുതീര്‍പ്പിന് സമ്മതിച്ചില്ലെങ്കില്‍ ഞാന്‍ കുഴപ്പത്തിലകുമെന്നും അയാള്‍ പറഞ്ഞു.' ജഹാന്‍ വ്യക്തമാക്കി. അവസാനം വരെ പോരാടുമെന്നും കരിയര്‍ രക്ഷപ്പെടുത്താനാണ് അയാള്‍ ശ്രമിക്കുന്നതെന്നും അതിനായി ഒത്തുതീര്‍പ്പിന് സമ്മതിക്കില്ലെന്നും ഹസിന്‍ വ്യക്തമാക്കി. ഷമി മാത്രമല്ല, അയാളുടെ കുടുംബാംഗങ്ങളും എന്നെ ഭീഷണിപ്പെടുത്തുന്നുണ്ട്. മകളോട് സംസാരിക്കണമെന്ന് പറഞ്ഞ് ഷമി മെസ്സേജ് അയച്ചിരുന്നു. പിന്നീടാണ് ഭീഷണിപ്പെടുത്തി ഫോണ്‍ വിളിച്ചത്. കൊല്‍ക്കത്ത പോലീസിനോട് എനിക്ക് സുരക്ഷ ഏര്‍പ്പെടുത്താന്‍ ആവശ്യപ്പെട്ടിട്ടുണ്ട്-ജഹാന്‍ കൂട്ടിച്ചേര്‍ത്തു. നേരത്തെ മാധ്യമങ്ങളോട് നിയന്ത്രണം വിട്ട് ഹസിന്‍ പെരുമാറിയിരുന്നു. നിയന്ത്രണം വിട്ട ഹസന്‍ മാധ്യമ പ്രവര്‍ത്തകരോട് തട്ടിക്കയറുകയും ക്യാമറ തകര്‍ക്കുകയും ചെയ്തിരുന്നു. കൊല്‍ക്കത്ത സെന്റ് സെബാസ്റ്റ്യന്‍സ് സ്‌കൂളിലാണ് സംഭവം. മാധ്യമ പ്രവര്‍ത്തകര്‍ മോശമായി പെരുമാറിയതുകൊണ്ടാണ് ഹസിന് നിയന്ത്രം വിട്ടതെന്ന് അവരുടെ അഭിഭാഷകന്‍ പിന്നീട് വിശദീകരിച്ചു. തന്റെ വ്യക്തിജീവിതത്തില്‍ മാധ്യമപ്രവര്‍ത്തകര്‍ ഇടപെടുന്നതാണ് ഹസിനെ ക്ഷുഭിതയാക്കിയതെന്നും അദ്ദേഹം പറഞ്ഞു.

Other News

  • അഫ്ഗാനെ ചുരുട്ടികെട്ടി ഇന്ത്യ; ജയം ഇന്നിങ്‌സിനും 262 റണ്‍സിനും
  • ക്രിസ്റ്റ്യാനോയ്ക്ക് തടവും പിഴയും
  • സലാ ഇല്ലാത്ത ഈജിപ്ത് ലാസ്റ്റ് മിനിറ്റില്‍ ഉറുഗ്വേയോട് കീഴടങ്ങി
  • പോര്‍ച്ചുഗല്‍- സ്‌പെയിന്‍ പോരാട്ടം സമനിലയില്‍
  • പാപ്പര്‍ ഹര്‍ജി നടപടി മറികടക്കാന്‍ ആഫ്രിക്കന്‍ രാജ്യത്തിന്റെ നയതന്ത്ര പരിരക്ഷ തേടി ബോറിസ് ബെക്കര്‍
  • കൊച്ചുമകനോടൊപ്പം ഫുട്‌ബോള്‍ തട്ടുന്ന ചിത്രം ഫെയ്‌സ്ബുക്ക് കവറാക്കി മുഖ്യമന്ത്രി
  • ലോകകപ്പ് ഫുട്‌ബോള്‍: ആദ്യമത്സരത്തില്‍ റഷ്യ
  • ഫ്രഞ്ച് ഓപ്പണ്‍: റാഫേല്‍ നദാലിനും സിമോണ ഹാലെപ്പിനും കിരീടം
  • സുനില്‍ ഛേത്രിയുടെ മികവില്‍ ഇന്ത്യയ്ക്ക്‌ ഇന്റര്‍ കോണ്ടിനെന്റല്‍ ഫുട്‌ബോള്‍ കിരീടം ചൂടി
  • ഇംഗ്ലണ്ടിനെതിരെ സ്‌ക്കോട്ട്‌ലന്റിന് അട്ടിമറിജയം
  • ലോകകപ്പ് ഉദ്ഘാടന ചടങ്ങില്‍ റൊണാള്‍ഡൊ, ഐഡ ഗരിഫുളിന, റോബീ വില്യംസ് എന്നിവര്‍ പങ്കെടുക്കും
  • Write A Comment

     
    Reload Image
    Add code here