ചാമ്പ്യന്‍സ് ലീഗ് ക്വാര്‍ട്ടര്‍ കാണാതെ മാഞ്ചസ്റ്റര്‍ യുണൈറ്റഡ് പുറത്ത്

Wed,Mar 14,2018


ലണ്ടന്‍: സെവിയ്യയോട് തോറ്റ് മാഞ്ചസ്റ്റര്‍ യുണൈറ്റഡ് ചാമ്പ്യന്‍സ് ലീഗിന്റെ ക്വാര്ട്ടര്‍ കാണാതെ പുറത്തേക്ക്. രണ്ടാം പകുതിയില്‍ നാലു മിനിറ്റിനിടെ പിറന്ന രണ്ടു ഗോളുകള്‍ ഓള്‍ഡ് ട്രോഫോഡിനെ നിശബദ്മാക്കുകയായിരുന്നു. 2-1നായിരുന്നു സെവിയ്യയുടെ വിജയം. സ്‌പെയ്‌നില്‍ നടന്ന ആദ്യപാദം ഗോള്‍രഹിതമായിരുന്നു. ഇംഗ്ലീഷ് പ്രീമിയര്‍ ലീഗില്‍ ലിവര്‍പൂളിനെ തോല്‍പ്പിച്ചതിന്റെ ആത്മവിശ്വാസവുമായാണ് മാഞ്ചസ്റ്റര്‍ കളത്തിലിറങ്ങിയത്. എന്നാല്‍ സ്പാനിഷ് ടീമായ സെവിയ്യക്ക് മുന്നില്‍ മാഞ്ചസ്റ്ററിന് പിടിച്ചുനില്‍ക്കാനായില്ല. ആദ്യ പകുതിയില്‍ തന്നെ സെവിയ്യയുടെ ആധിപത്യം കണ്ടു. 74-ാം മിനിറ്റില്‍ വിസാം ബെന്‍ യെഡറിലൂടെ സെവിയ്യ മുന്നിലെത്തി. നാലു മിനിറ്റിനുള്ളില്‍ യെഡര്‍ വീണ്ടും ലക്ഷ്യം കണ്ടു. പിന്നീട് കളി തീരാന്‍ ആറു മിനിറ്റ് ശേഷിക്കെ റൊമേലു ലുക്കാക്കുവിലൂടെ ഒരു മാഞ്ചസ്റ്റര്‍ യുണൈറ്റഡ് തിരിച്ചടിച്ചെങ്കിലും വിജയം അകലെയായിരുന്നു. ഇനി സീസണില്‍ യുണൈറ്റഡിന്റെ കിരീടപ്രതീക്ഷയായി അവശേഷിക്കുന്നത് എഫ്.എ കപ്പ് മാത്രമാണ്.

Other News

  • കോലിക്കെതിരേ നസറുദ്ദീന്‍ ഷാ
  • പെര്‍ത്തില്‍ ഇന്ത്യ തകര്‍ന്നടിഞ്ഞു ; ഓസീസിന്റെ ജയം 146 റണ്‍സിന്
  • കളിക്കളത്തില്‍ ഉരസിയ കോലിക്കും പെയ്‌നിനും അമ്പയറുടെ താക്കീത്
  • മെസ്സി മാജിക്കില്‍ ബാഴ്‌സലോണയ്ക്ക് വിജയം
  • ബിഡബ്ല്യുഎഫ് വേള്‍ഡ് ടൂര്‍ണമെന്റില്‍ പി.വി. സിന്ധുവിന് സൂപ്പര്‍ സീരീസ് കിരീടം
  • ഇഷാന്തിന്റെ ഒരോവറിലെ ആറു പന്തും നോ ബോള്‍; ഇന്ത്യയുടെ വിജയം ചോദ്യം ചെയ്ത് ഫോക്‌സ് സ്‌പോര്‍ട്‌സ്
  • രചനോക് ഇന്റാനോണിനെ തോല്‍പ്പിച്ച് സിന്ധു വേള്‍ഡ് ടൂര്‍ ഫൈനല്‍സിന്റെ ഫൈനലില്‍
  • രഞ്ജി ട്രോഫി; കേരളം തകര്‍ച്ചയില്‍ നിന്ന് കരകയറുന്നു
  • ആദ്യ ദിനം ഓസ്‌ട്രേലിയ ആറു വിക്കറ്റിന് 277 റണ്‍സ്
  • 265 പെണ്‍കുട്ടികളെ ചൂഷണം ചെയ്ത കേസില്‍ യു.എസ് ജിംനാസ്റ്റിക്സ് ടീം ഡോക്ടര്‍ക്ക് 300 വര്‍ഷത്തെ തടവ്
  • ഓസീസ് ബാറ്റ്‌സ്മാന്‍മാര്‍ ആക്രമണോത്സുകത നിയന്ത്രിക്കണമെന്ന് ജസ്റ്റിന്‍ ലാംഗര്‍
  • Write A Comment

     
    Reload Image
    Add code here