ഇന്ത്യക്ക് കോമണ്‍വെല്‍ത്തില്‍ 23 സ്വര്‍ണം; മെഡല്‍ കുതിപ്പ് തുടരുന്നു

Sat,Apr 14,2018


ഗോള്‍ഡ്‌കോസ്റ്റ്: കോമണ്‍വെല്‍ത്ത് ഗെയിംസില്‍ ഇന്ന് ഇന്ത്യയ്ക്ക് ആവേശകരമായ മെഡല്‍ നേട്ടം. അഞ്ചു സ്വര്‍ണമാണ് ഇന്ത്യ ഇന്ന് നേടിയത്.
പുരുഷ - വനിത ഗുസ്തിയിലാണ് ഇന്ത്യയുടെ മെഡല്‍ പട്ടിക ഉയര്‍ന്നത്. വനിതകളുടെ 50 കിലോ ഫ്രീസ്‌റ്റൈല്‍ നോര്‍ഡിക് ഗുസ്തിയില്‍ വിനേഷ് ഫോഗാട്ട് സ്വര്‍ണം നേടി. നേരത്തെ പുരുഷന്മാരുടെ ഗുസ്തി 125 കിലോ വിഭാഗത്തില്‍ ഇന്ത്യയുടെ സുമിത് മാലിക് സ്വര്‍ണവും വനിതാ ഗുസ്തി 62 കിലോയില്‍ സാക്ഷി മാലിക് വെങ്കലവും നേടിയിരുന്നു. 62 കിലോ നോഡ്രിക് വിഭാഗത്തിലാണ് സാക്ഷി മാലിക്കിന്റെ മെഡല്‍ നേട്ടം.
2014 ല്‍ 58 കിലോ ഫ്രീസ്‌റ്റൈലില്‍ സാക്ഷി വെള്ളിയും 2016 ലെ റിയോ ഒളിംപിക്‌സില്‍ വെങ്കലവും നേടിയിട്ടുണ്ട്.
ജാവലിന്‍ ത്രോയില്‍ ഇന്ത്യയുടെ നീരജ് ചോപ്രയാണ് സ്വര്‍ണം കരസ്ഥമാക്കിയത്. 86.47 മീറ്റര്‍ ദൂരം എറിഞ്ഞാണു നീരജിന്റെ സ്വര്‍ണനേട്ടം. ജൂനിയര്‍ ലോക ചാംപ്യനാണു നീരജ്. ഇതോടെ ഇന്നുമാത്രം ഇന്ത്യ സ്വന്തമാക്കിയത് അഞ്ചു സ്വര്‍ണമാണ്. നേരത്തെ ബോക്‌സിങ്ങിലും ഷൂട്ടിങ്ങിലും ഇന്ത്യന്‍ താരങ്ങള്‍ സ്വര്‍ണം നേടിയിരുന്നു. ബോക്‌സിങ്ങില്‍ മേരി കോമും ഗൗരവ് സോളങ്കിയും ഷൂട്ടിങ്ങില്‍ സഞ്ജീവ് രജ്പുത്തുമാണ് സ്വര്‍ണം കരസ്ഥമാക്കിയത്.
വനിതകളുടെ 45-48 കിലോ വിഭാഗം ബോക്‌സിങ്ങിലൂടെ ഇന്ത്യയുടെ മേരി കോമാണ് ആദ്യ സ്വര്‍ണം സമ്മാനിച്ചത്.
പിന്നാലെ പുരുഷന്മാരുടെ 52 കിലോ വിഭാഗത്തില്‍ ഗൗരവ് സോളങ്കി സ്വര്‍ണം നേടി. ഷൂട്ടിങ്ങില്‍ 50 എംഎം റൈഫിള്‍ ത്രീ പൊസിഷന്‍ വിഭാഗത്തിലാണ് സഞ്ജീവ് രജ്പുത് മെഡല്‍ നേടിയത്. ഗെയിംസ് റെക്കോര്‍ഡോടെയാണു സഞ്ജീവിന്റെ സ്വര്‍ണനേട്ടം.
കൂടാതെ ബോക്‌സിങ് പുരുഷ 46-49 കിലോ വിഭാഗത്തിലും 60 കിലോ വിഭാഗത്തിലും ഇന്ത്യന്‍ താരങ്ങള്‍ വെള്ളിയും നേടിയിട്ടുണ്ട്. അമിത്, മനീഷ് കൗശിക് എന്നിവരാണ് വെള്ളി സ്വന്തമാക്കിയത്.
ഇതോടെ 23 സ്വര്‍ണവും 13 വെള്ളിയും 16 വെങ്കലവുമടക്കം 52 മെഡലുകളുമായി ഇന്ത്യ മെഡല്‍പട്ടികയില്‍ മൂന്നാം സ്ഥാനത്താണ്.

Other News

  • ബെംഗളൂരുവിന് ഐ.എസ്.എല്ലില്‍ കന്നിക്കിരീടം
  • തിരിച്ചടികളില്‍ നിന്ന് കരകയറാന്‍ കേരള ബ്ലാസ്റ്റേഴ്‌സ്
  • ഐ.സി.സിയുടെ തര്‍ക്ക പരിഹാര സമിതിയില്‍ സമര്‍പ്പിച്ച കേസ് തോറ്റു; ബി.സി.സി.ഐക്ക് നഷ്ടപരിഹാരത്തുക നല്‍കാന്‍ നിര്‍ബന്ധിതരായി പാക്‌ ക്രിക്കറ്റ് ബോര്‍ഡ്
  • ഭീകരാക്രമണത്തില്‍ നിന്നും തലനാരിഴയ്ക്ക് രക്ഷപ്പെട്ട്‌ ബംഗ്ലാദേശ് ക്രിക്കറ്റ് ടീം നാട്ടിലേക്ക്
  • ഓസ്ട്രേലിയന്‍ മുന്‍ നായകന്‍ സ്റ്റീവന്‍ സ്മിത്തും ഉപനായകന്‍ ഡേവിഡ് വാര്‍ണറും വീണ്ടും കളിക്കളത്തിലേക്ക്...
  • ബംഗ്ലാദേശ് പ്രധാനമന്ത്രിയെ വിമർശിച്ച ഫിഫ ഉദ്യോഗസ്ഥ അറസ്റ്റില്‍
  • ജെ.പി ഡുമിനി ഏകദിന ക്രിക്കറ്റില്‍ നിന്നും വിരമിക്കാനൊരുങ്ങുന്നു
  • ഏഷ്യന്‍ യൂത്ത് അത്‌ലറ്റിക് ചാമ്പ്യന്‍ഷിപ്പില്‍ സ്വര്‍ണത്തിളക്കവുമായി മലയാളി അബ്ദുള്‍ റസാഖ്‌
  • 'ബിസിസിഐയില്‍ പൂര്‍ണ വിശ്വാസം, കളിക്കളത്തിലേക്ക് തിരിച്ചുവരും'-ശ്രീശാന്ത്
  • ശ്രീശാന്തിന്റെ ആജീവനാന്ത വിലക്ക് സുപ്രീംകോടതി നീക്കം ചെയ്തു
  • സച്ചിന്‍, ലാറ, ബ്രാഡ്മാന്‍ എന്നിവരേക്കാള്‍ മികച്ചവനാണ് കോലി'; മൈക്കല്‍ വോണ്‍
  • Write A Comment

     
    Reload Image
    Add code here