ശ്രീകാന്തിന് ഫൈനലില്‍ തോല്‍വി; സ്‌ക്വാഷ് ഡബിള്‍സിലും വെള്ളി

Sun,Apr 15,2018


ഗോള്‍ഡ് കോസ്റ്റ്: വനിതാ സിംഗിള്‍സ് ബാഡ്മിന്റണില്‍ സൈന നേവാളിന്റെ സ്വര്‍ണനേട്ടത്തിന് പിന്നാലെ പുരുഷ സിംഗിളില്‍ ഇന്ത്യക്ക് നിരാശ. ലോകറാങ്കിങ്ങില്‍ ഒന്നാം സ്ഥാനത്തുള്ള കിദംബി ശ്രീകാന്ത് ഫൈനലില്‍ പരാജയപ്പെട്ടു. മലേഷ്യയുടെ ലീ ചോങ് വെയിയാണ് ഇന്ത്യന്‍ താരത്തെ പരാജയപ്പെടുത്തിയത്. ആദ്യ ഗെയിം നേടിയ ശേഷമായിരുന്നു ശ്രീകാന്തിന്റെ പരാജയം. സ്‌കോര്‍: 21-14, 14-21, 14-21. 2006, 2010 വര്‍ഷങ്ങളിലും ലീ ചോങ് വെയിക്കു തന്നെയായിരുന്നു സ്വര്‍ണം. 2014ല്‍ പരിക്ക് കാരണം മലേഷ്യന്‍ താരം കളിച്ചിരുന്നില്ല. അതേസമയം വനിതാ സ്‌ക്വാഷ് ഡബിള്‍സിലും ഇന്ത്യ വെള്ളിയിലൊതുങ്ങി. ഇന്ത്യയുടെ ദീപിക പള്ളിക്കല്‍-ജോഷ്‌ന ചിന്നപ്പ സഖ്യം ന്യൂസിലന്‍ഡിന്റെ ജോയെല്‍ കിങ്-അമാന്‍ഡ ലാന്‍ഡേഴ്‌സ് മര്‍ഫി ജോഡിയോട് പരാജയപ്പെടുകയായിരുന്നു. സ്‌കോര്‍: 11-9, 11-8. ടേബിള്‍ ടെന്നീസ് പുരുഷ സിംഗിള്‍സിലും മിക്‌സഡ് ഡബിള്‍സിലും ഇന്ത്യ വെങ്കലം നേടി. പുരുഷ സിംഗിള്‍സില്‍ ശരത് അജന്തയാണ് വെങ്കല മത്സരത്തില്‍ വിജയിച്ചത്. മൗമ ദാസിനൊപ്പം മിക്‌സഡ് ഡബിള്‍സിലും അജന്ത വെങ്കലം നേടി.

Other News

  • ബെംഗളൂരുവിന് ഐ.എസ്.എല്ലില്‍ കന്നിക്കിരീടം
  • തിരിച്ചടികളില്‍ നിന്ന് കരകയറാന്‍ കേരള ബ്ലാസ്റ്റേഴ്‌സ്
  • ഐ.സി.സിയുടെ തര്‍ക്ക പരിഹാര സമിതിയില്‍ സമര്‍പ്പിച്ച കേസ് തോറ്റു; ബി.സി.സി.ഐക്ക് നഷ്ടപരിഹാരത്തുക നല്‍കാന്‍ നിര്‍ബന്ധിതരായി പാക്‌ ക്രിക്കറ്റ് ബോര്‍ഡ്
  • ഭീകരാക്രമണത്തില്‍ നിന്നും തലനാരിഴയ്ക്ക് രക്ഷപ്പെട്ട്‌ ബംഗ്ലാദേശ് ക്രിക്കറ്റ് ടീം നാട്ടിലേക്ക്
  • ഓസ്ട്രേലിയന്‍ മുന്‍ നായകന്‍ സ്റ്റീവന്‍ സ്മിത്തും ഉപനായകന്‍ ഡേവിഡ് വാര്‍ണറും വീണ്ടും കളിക്കളത്തിലേക്ക്...
  • ബംഗ്ലാദേശ് പ്രധാനമന്ത്രിയെ വിമർശിച്ച ഫിഫ ഉദ്യോഗസ്ഥ അറസ്റ്റില്‍
  • ജെ.പി ഡുമിനി ഏകദിന ക്രിക്കറ്റില്‍ നിന്നും വിരമിക്കാനൊരുങ്ങുന്നു
  • ഏഷ്യന്‍ യൂത്ത് അത്‌ലറ്റിക് ചാമ്പ്യന്‍ഷിപ്പില്‍ സ്വര്‍ണത്തിളക്കവുമായി മലയാളി അബ്ദുള്‍ റസാഖ്‌
  • 'ബിസിസിഐയില്‍ പൂര്‍ണ വിശ്വാസം, കളിക്കളത്തിലേക്ക് തിരിച്ചുവരും'-ശ്രീശാന്ത്
  • ശ്രീശാന്തിന്റെ ആജീവനാന്ത വിലക്ക് സുപ്രീംകോടതി നീക്കം ചെയ്തു
  • സച്ചിന്‍, ലാറ, ബ്രാഡ്മാന്‍ എന്നിവരേക്കാള്‍ മികച്ചവനാണ് കോലി'; മൈക്കല്‍ വോണ്‍
  • Write A Comment

     
    Reload Image
    Add code here