യൂത്ത്‌ ഫുട്‌ബോള്‍ ചാമ്പ്യന്‍ഷിപ്പ്‌ : ഇന്ത്യന്‍ അണ്ടര്‍ 16 ടീം ഇറാഖിനെ വീഴ്‌ത്തി

Mon,Aug 06,2018


അമ്മാന്‍: ജോര്‍ദാനില്‍ നടക്കുന്ന യൂത്ത്‌ ഫുട്‌ബോള്‍ ടൂര്‍ണമെന്റില്‍ ഇന്ത്യന്‍ അണ്ടര്‍ 16 കുട്ടികള്‍ കരുത്തരായ ഇറാഖിനെ എതിരില്ലാത്ത ഒരു ഗോളിന്‌ തോല്‍പ്പിച്ചു. നിലവിലെ അണ്ടര്‍ 16 ഏഷ്യന്‍ ചാമ്പ്യന്‍ന്മാരാണ്‌ ഇറാഖ്‌. മികച്ച പ്രതിരോധവുമായി ഇറാഖിനെ തടഞ്ഞു നിര്‍ത്തിയ ഇന്ത്യ 89ാം മിനിറ്റില്‍ ഭുവനേശ്‌ നേടിയ ഗോളിലാണ്‌ വിജയം കണ്ടത്. ടൂര്‍ണമെന്റില്‍ ഇതുവരെ മികച്ച പ്രകടനമാണ്‌ ഇന്ത്യ കാഴ്‌ച വച്ചത്‌. ആദ്യ മത്സരത്തില്‍ ആതിഥേയരായ ജോര്‍ദാനെ എതിരില്ലാത്ത നാലു ഗോളുകള്‍ക്കു തോല്‍പിച്ച ഇന്ത്യ രണ്ടാം മത്സരത്തില്‍ കരുത്തരായ ജപ്പാനോടു പൊരുതിത്തോറ്റിരുന്നു. ഒരു ഗോളിന്‌ മുന്നിട്ട്‌ നിന്ന ശേഷം ആയിരുന്നു അന്ന്‌ 2-1ന്റെ തോല്‍വി ഏറ്റുവാങ്ങിയത്‌.

മികച്ച ഫോമിലായിരുന്നെങ്കിലും ഇന്ത്യ പക്ഷെ ഇറാഖിനെ പരാജയപ്പെടുത്തുമെന്ന്‌ ആരും പ്രവചിച്ചിരുന്നില്ല. ജപ്പാനെതിരെ നടത്തിയതിനേക്കാള്‍ മികച്ച പ്രകടനമായിരുന്നു ഇന്ത്യ ഇന്നലെ പുലര്‍ച്ചെ ഇറാഖിനെതിരേ പുറത്തെടുത്തത്‌. കിക്കോഫ്‌ മുതല്‍ മത്സരത്തില്‍ ആധിപത്യം പുലര്‍ത്തിയ ഇന്ത്യ ഒരവസരത്തിലും എതിരാളികള്‍ക്ക്‌ അവസരം നല്‍കിയില്ല. ശാരീരിക ക്ഷമതയില്‍ ഏറെ മുന്നിലുള്ള ഇറാഖി സ്‌െ്രെടെ്രെടക്കര്‍മാരെ ഇടം വലം വിടാതെ മാര്‍ക്ക്‌ ചെയ്‌തു പിടിച്ചു കെട്ടിയ പ്രതിരോധ നിരയാണ്‌ വിജയത്തില്‍ മുഖ്യ പങ്കുവഹിച്ചത്‌. ആദ്യന്തം ഇറാഖി പ്രതിരോധത്തെ വിറപ്പിച്ച ആക്രമണ നിരയും മോശമാക്കിയില്ല. മത്സരത്തിലാകമാനം 16 ഷോട്ടുകളാണ്‌ ഇറാഖ്‌ പോസ്‌റ്റിലേക്ക്‌ ഇന്ത്യ തൊടുത്തത്‌.

ഇതില്‍ ഒന്നു വലയില്‍ കയറിയപ്പോള്‍ അഞ്ചെണ്ണം ഇറാഖ്‌ ഗോള്‍കീപ്പര്‍ പണിപ്പെട്ടു രക്ഷിച്ചെടുത്തു. പത്തെണ്ണം ലക്ഷ്യം തെറ്റി. മികച്ച പാസിങ്ങ്‌ ഗെയിമുമായി കളം നിറഞ്ഞ ഇന്ത്യ മത്സരം സമനിലയില്‍ കലാശിക്കുമെന്ന്‌ തോന്നിച്ചപ്പോഴാണ്‌ ലക്ഷ്യം കണ്ടത്‌. വലതു വിങ്ങിലൂടെ ആരംഭിച്ച നീക്കത്തിനൊടുവില്‍ ബോക്‌സിലേക്കു വന്ന ക്രോസ്‌ ഭുവനേശ്‌ വലയിലേക്ക്‌ ഹെഡ്‌ ചെയ്‌തിടുകയായിരുന്നു. അപ്രതീക്ഷിത ഗോളില്‍ നടുങ്ങിപ്പോയ ഇറാഖിനു മറുപടി നല്‍കാനുള്ള സമയം ശേഷിച്ചിരുന്നില്ല.

Other News

  • ഐ.സി.സിയുടെ തര്‍ക്ക പരിഹാര സമിതിയില്‍ സമര്‍പ്പിച്ച കേസ് തോറ്റു; ബി.സി.സി.ഐക്ക് നഷ്ടപരിഹാരത്തുക നല്‍കാന്‍ നിര്‍ബന്ധിതരായി പാക്‌ ക്രിക്കറ്റ് ബോര്‍ഡ്
  • ഭീകരാക്രമണത്തില്‍ നിന്നും തലനാരിഴയ്ക്ക് രക്ഷപ്പെട്ട്‌ ബംഗ്ലാദേശ് ക്രിക്കറ്റ് ടീം നാട്ടിലേക്ക്
  • ഓസ്ട്രേലിയന്‍ മുന്‍ നായകന്‍ സ്റ്റീവന്‍ സ്മിത്തും ഉപനായകന്‍ ഡേവിഡ് വാര്‍ണറും വീണ്ടും കളിക്കളത്തിലേക്ക്...
  • ബംഗ്ലാദേശ് പ്രധാനമന്ത്രിയെ വിമർശിച്ച ഫിഫ ഉദ്യോഗസ്ഥ അറസ്റ്റില്‍
  • ജെ.പി ഡുമിനി ഏകദിന ക്രിക്കറ്റില്‍ നിന്നും വിരമിക്കാനൊരുങ്ങുന്നു
  • ഏഷ്യന്‍ യൂത്ത് അത്‌ലറ്റിക് ചാമ്പ്യന്‍ഷിപ്പില്‍ സ്വര്‍ണത്തിളക്കവുമായി മലയാളി അബ്ദുള്‍ റസാഖ്‌
  • 'ബിസിസിഐയില്‍ പൂര്‍ണ വിശ്വാസം, കളിക്കളത്തിലേക്ക് തിരിച്ചുവരും'-ശ്രീശാന്ത്
  • ശ്രീശാന്തിന്റെ ആജീവനാന്ത വിലക്ക് സുപ്രീംകോടതി നീക്കം ചെയ്തു
  • സച്ചിന്‍, ലാറ, ബ്രാഡ്മാന്‍ എന്നിവരേക്കാള്‍ മികച്ചവനാണ് കോലി'; മൈക്കല്‍ വോണ്‍
  • മൂന്ന് ക്യൂബന്‍ കുട്ടികളുടെ അച്ഛനാണ് താനെന്ന് ഫുട്ബോള്‍ ഇതിഹാസം ഡീഗോ മാറഡോണയുടെ ഏറ്റുപറച്ചില്‍
  • തോളിനേറ്റ പരിക്ക്; കെയ്ന്‍ വില്യംസണ് സ്‌കാനിങ്
  • Write A Comment

     
    Reload Image
    Add code here