റയലിനും ചെല്‍സിക്കും ജയം

Thu,Aug 09,2018


ന്യൂയോര്‍ക്ക്: പ്രീ സീസണ്‍ ടൂര്‍ണമെന്റായ ഇന്റര്‍നാഷണല്‍ ചാമ്പ്യന്‍സ്‌കപ്പ് ഫുട്ബോളില്‍ സ്പാനിഷ് ക്ലബ്ബ് റയല്‍ മഡ്രിഡിനും പ്രീമിയര്‍ ലീഗ് ക്ലബ്ബ് ചെല്‍സിക്കും ജയം. തുടര്‍ച്ചയായ രണ്ടാം മല്‍സരത്തിലും ഗോള്‍ കണ്ടെത്തിയ ഗാരത് ബെയ്ലിന്റെ മികവില്‍ ഇറ്റാലിയന്‍ ക്ലബ്ബ് എ.എസ് റോമയെയാണ് റയല്‍ തോല്‍പ്പിച്ചത് (2-1). റയലിനായി രണ്ടാം മിനിറ്റില്‍ തന്നെ മാര്‍ക്കോ അസെന്‍സിയോ സ്‌കോര്‍ ചെയ്തു. 15-ാം മിനിറ്റിലായിരുന്നു ബെയ്‌ലിന്റെ ഗോള്‍. ഇറ്റാലിയന്‍ ക്ലബ്ബിന്റെ ആശ്വാസ ഗോള്‍ കെവിന്‍ സ്ട്രൂട്ട്മാന്റെ വകയായിരുന്നു (83). അസെന്‍സിയോയുടെ ആദ്യ ഗോളിനു വഴിയൊരുക്കിയതും ബെയ്‌ലായിരുന്നു. മികച്ചൊരു മുന്നേറ്റത്തിനൊടുവില്‍ ബെയ്ല്‍ നല്‍കിയ പാസിന് കാലുവയ്‌ക്കേണ്ട കാര്യമേ അസെന്‍സിയോക്ക് ഉണ്ടായിരുന്നുള്ളൂ. അതേസമയം ടൂര്‍ണമെന്റിലെ മറ്റൊരു മത്സരത്തില്‍ ചെല്‍സി പെനാല്‍ട്ടി ഷൂട്ടൗട്ടില്‍ ഫ്രഞ്ച് ടീം ലിയോണിനെ മറികടന്നു (5-4). നിശ്ചിത സമയത്ത് ഇരുടീമുകളും ഗോള്‍രഹിത സമനില പാലിക്കുകയായിരുന്നു. ഏദന്‍ ഹസാര്‍ഡ്, ഒളിവര്‍ ജിറൂദ്, എന്‍ഗോളോ കാന്റെ, ഗാരി കാഹില്‍ എന്നിവരില്ലാതെയാണ് മൗറീസിലോ സാറി ആദ്യ ഇലവനെ അറക്കിയത്. എന്നാല്‍ രണ്ടാം പകുതിയില്‍ ഇവരെ ഇറക്കിയെങ്കിലും ചെല്‍സിക്ക് ലിയോണിന്റെ പ്രതിരോധം ഭേദിക്കാനായില്ല. ഇതിനിടെ വില്ലിയന്റെ ഒരു ഷോട്ട് ക്രോസ്ബാറില്‍ ഇടിച്ച് മടങ്ങുകയും ചെയ്തു.

Other News

  • കേന്ദ്ര സര്‍ക്കാര്‍ ആവശ്യപ്പെട്ടാല്‍ ഇന്ത്യ പാക്കിസ്ഥാനെതിരെ ലോകകപ്പില്‍ കളിക്കില്ല
  • ക്രിസ് ഗെയ്ല്‍ വിരമിക്കുന്നു
  • ഉത്തേജക മരുന്ന് പരിശോധനയിൽ പരാജയപ്പെട്ട ആദ്യ ഇന്ത്യൻ ടെന്നീസ് താരമായി പതിനാറുകാരൻ
  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • Write A Comment

     
    Reload Image
    Add code here