സര്‍ഫിംഗിനിടെ അപകടത്തില്‍ പെട്ട് ക്രിക്കറ്റ് താരം മാത്യു ഹെയ്ഡന് ഗുരുതര പരിക്ക്

Mon,Oct 08,2018


സിഡ്‌നി: സര്‍ഫിംഗിനിടെ അപകടത്തില്‍ പെട്ട് മുന്‍ ഓസ്‌ട്രേലിയന്‍ ക്രിക്കറ്റ് താരം മാത്യു ഹെയ്ഡന് ഗുരുതര പരിക്ക്. ജീവന് ഭീഷണിയില്ല. താരം തന്നെയാണ് ട്വിറ്ററിലൂടെ അപകടം പറ്റിയ വിവരം ആരാധകരെ അറിയിച്ചത്. തലയ്ക്കും നട്ടെല്ലിനും ഗുരുതരമായ പരിക്കേറ്റ ഹെയ്ഡന്‍ ആശുപത്രിയില്‍ ചികിത്സയിലാണ്.

ക്യൂന്‍സ്‌ലാന്‍ഡില്‍ കുടുംബത്തോടൊപ്പം അവധിക്കാലം ആഘോഷിക്കുന്നതിനിടെ വെള്ളിയാഴ്ച്ചയാണ് സംഭവം. മകന്‍ ജോഷിനോടൊപ്പം സ്റ്റ്രാഡ്‌ബ്രോക്ക് ദ്വീപില്‍ സര്‍ഫിങ്ങിനിടെ വീണ് പരിക്കേല്‍ക്കുകയായിരുന്നു. ഉടന്‍ തന്നെ ആശുപത്രിയിലെത്തിച്ചതിനാല്‍ രക്ഷപ്പെട്ടുവെന്നാണ് റിപ്പോര്‍ട്ടുകള്‍.കഴുത്തിലെ മൂന്ന് ഞരമ്പുകള്‍ക്കും നട്ടെല്ലിനും പരിക്കേറ്റിണ്ടുട്ട്. പിന്നീട് ഹെയ്ഡന്‍ തന്നെ പരിക്കേറ്റ വിവരം ഇന്‍സ്റ്റഗ്രാമിലൂടെ പങ്കുവച്ചു 'കുറച്ച് ദിവസത്തേക്ക് കളി നിര്‍ത്തിവെച്ചു' എന്ന കുറിപ്പോടെയായിരുന്നു ഈ പോസ്റ്റ്.

ഒരു ബുള്ളറ്റില്‍ നിന്ന് നിമിഷങ്ങളുടെ വ്യത്യാസത്തില്‍ ഒഴിഞ്ഞുമാറിയത് പോലെയാണ് ഇപ്പോള്‍ തോന്നുന്നത്. എന്നെ ആശുപത്രിയിലെത്തിച്ച, സഹായിച്ച എല്ലാവരോടും നന്ദി പറയുന്നു. എത്രയും പെട്ടെന്ന് പരിക്ക് ഭേദമാകുമെന്നാണ് പ്രതീക്ഷ. ഹെയ്ഡന്‍ കൂട്ടിച്ചേര്‍ത്തു. നാല്‍പ്പത്തിയാറുകാരനായ ഹെയ്ഡന്‍ ഓസ്‌ട്രേലിയക്കായി നൂറിലധികം ടെസ്റ്റ് കളിച്ചിട്ടുണ്ട്. 30 സെഞ്ചുറിയും 29 അര്‍ദ്ധ സെഞ്ചുറിയുമടക്കം 8625 റണ്‍സാണ് ഈ ഓപ്പണിങ് ബാറ്റ്‌സ്മാന്‍ ടെസ്റ്റില്‍ അടിച്ചെടുത്തത്. 161 ഏകദിനവും ഒമ്പത് ടിട്വന്റിയും കളിച്ചു. ഏകദിനത്തില്‍ പത്ത് സെഞ്ചുറിയടക്കം 6133 റണ്‍സ് നേടി.

ഫോര്‍മുല വണ്‍ ഇതിഹാസം മൈക്കില്‍ ഷൂമാക്കര്‍ ഇത്തരത്തില്‍ സ്‌ക്കീയിംഗിനിടെ പരിക്കേറ്റ് വര്‍ഷങ്ങളായി ഗുരുതരാവസ്ഥയിലാണ്. അദ്ദേഹത്തിനും മകന്റെ സാന്നിധ്യത്തിലാണ് പരിക്കേറ്റത്.

Other News

  • 265 പെണ്‍കുട്ടികളെ ചൂഷണം ചെയ്ത കേസില്‍ യു.എസ് ജിംനാസ്റ്റിക്സ് ടീം ഡോക്ടര്‍ക്ക് 300 വര്‍ഷത്തെ തടവ്
  • ഓസീസ് ബാറ്റ്‌സ്മാന്‍മാര്‍ ആക്രമണോത്സുകത നിയന്ത്രിക്കണമെന്ന് ജസ്റ്റിന്‍ ലാംഗര്‍
  • കോലിക്ക് റെക്കോഡ്
  • പെര്‍ത്തിലെ വാക്കയില്‍ കാര്യങ്ങള്‍ ഓസീസിന് അനുകൂലമെന്ന് പോണ്ടിങ്
  • അഡ്‌ലെയ്ഡില്‍ ഋഷഭിന് ലോക റെക്കോഡ്
  • ചരിത്രമെഴുതി ഇന്ത്യ; പത്ത് വര്‍ഷത്തിന് ശേഷം ഓസീസ് മണ്ണില്‍ ടെസ്റ്റ് വിജയം
  • ലിവര്‍പൂളിന് വിജയം, ചെല്‍സിക്ക് തോല്‍വി; ആഴ്‌സണലിനെതിരെ യുണൈറ്റഡിന് സമനില
  • ധോണിയുമായി യാതൊരുവിധ പ്രശ്‌നങ്ങളുമുണ്ടായിരുന്നില്ലെന്ന് ഗൗതം ഗംഭീര്‍
  • ശിഖര്‍ ധവാനും എം.എസ് ധോനിയും ആഭ്യന്തര ക്രിക്കറ്റില്‍ കളിക്കാത്തതിനെ ചോദ്യം ചെയ്ത് സുനില്‍ ഗവാസ്‌കര്‍
  • ക്രിസ്റ്റ്യാനോയ്ക്ക് ബാലണ്‍ ദ്യോര്‍ കിട്ടിയില്ല; ദേഷ്യം പ്രകടിപ്പിച്ച് സഹോദരിമാര്‍
  • ബാലണ്‍ദ്യോര്‍ ലൂക്ക മോഡ്രിച്ചിന്
  • Write A Comment

     
    Reload Image
    Add code here