പി.എസ്.ജിക്കായി 13 മിനിറ്റിനിടെ എംബാപ്പെ അടിച്ചുകൂട്ടിയത് നാലു ഗോളുകള്‍

Mon,Oct 08,2018


പാരിസ്: റഷ്യന്‍ ലോകകപ്പിലെ അത്ഭുത പ്രകടനത്തിന് പിറകെ ഫ്രഞ്ച് ലീഗിലും പത്തൊമ്പതുകാരന്‍ എംബാപ്പെയുടെ അവിസ്മരണീയ പ്രകടനം. ഞായറാഴ്ച്ച നടന്ന ലിയോണിനെതിരായ മത്സരത്തില്‍ പി.എസ്.ജിയ്ക്കായി 13 മിനിറ്റിനിടെ എംബാപ്പെ നേടിയത് നാല് ഗോളുകളാണ്. സൂപ്പര്‍ താരം നെയ്മറെ സാക്ഷിയാക്കിയായിരുന്നു ഫ്രഞ്ച് താരത്തിന്റെ ഈ റെക്കോഡ് പ്രകടനം. മത്സരത്തില്‍ എതിരില്ലാത്ത അഞ്ച് ഗോളിന് പി.എസ്.ജി വിജയിക്കുകയും ചെയ്തു. മത്സരത്തിന്റെ ഒമ്പതാം മിനിറ്റില്‍ തന്നെ നെയ്മര്‍ പെനാല്‍റ്റിയിലൂടെ പി.എസ്.ജിയെ മുന്നിലെത്തിച്ചു. എന്നാല്‍ ആദ്യ പകുതിയില്‍ തന്നെ രണ്ട് ചുവപ്പ് കാകാര്‍ഡുകള്‍ പിറന്നത് ടീമുകളെ സമ്മര്‍ദ്ദത്തിലാക്കി. 32-ം മിനിറ്റില്‍ പി.എസ്.ജിയുടെ കിമ്പെമ്പെയും 45-ാം മിനിറ്റില്‍ ലിയോണിന്റെ ടൗസാര്‍ടും ചുവപ്പ് കണ്ടു.

പിന്നീട് രണ്ടാം പകുതിയിലായിരുന്നു എംബാപ്പെ നിറഞ്ഞാടിയത്. 61-ാം മിനിറ്റില്‍ ആദ്യ ഗോള്‍ നേടിയ യുവതാരം 74 മിനിറ്റാകുന്നതിനിടെ നാല് തവണ ലിയോണിന്റെ വല ചലിപ്പിച്ചു. കരിയറില്‍ ആദ്യമായാണ് ഒരു മത്സരത്തില്‍ എംബാപ്പെ നാല് ഗോളുകളടിക്കുന്നത്. ലീഗില്‍ ഇതുവരെ അഞ്ച് കളികളില്‍ എട്ടു ഗോളുകളാണ് എംബാപ്പെയുടെ സമ്പാദ്യം. റഷ്യന്‍ ലോകകപ്പില്‍ ഏറ്റവും മികച്ച യുവതാരത്തിനുള്ള പുരസ്‌കാരം നേടിയത് പത്തൊമ്പതുകാരനായ എംബാപ്പെയായിരുന്നു.

Other News

  • വെസ്റ്റ് ഇന്‍ഡീസിനെതിരെ ബംഗ്ലാദേശിന് വിജയം, ഷക്കീബുല്‍ ഹസന് റെക്കോര്‍ഡ്
  • ലോകകപ്പില്‍ പാക്കിസ്ഥാനെതിരെ ഇന്ത്യയ്ക്ക് വിജയം
  • കൊറിയയെ തോല്‍പ്പിച്ച് യുക്രൈന് അണ്ടര്‍20 ലോകകപ്പ് കിരീടം
  • വെസ്റ്റ് ഇന്‍ഡീസിനെതിരെ ഇംഗ്ലണ്ടിന് എട്ട് വിക്കറ്റ് ജയം
  • ബ്രസീല്‍ ബോളീവിയയെ എതിരില്ലാത്ത മൂന്ന് ഗോളുകള്‍ക്ക് തോല്‍പ്പിച്ചു
  • തിരിച്ചെത്തിയാലും ധവാന് ഫീല്‍ഡ് ചെയ്യാന്‍ കഴിയില്ലെന്ന് കോച്ച്
  • മഴഭീഷണി: ലോകകപ്പിനെ ട്രോളില്‍ മുക്കി സോഷ്യല്‍ മീഡിയ
  • ഓസ്‌ട്രേലിയക്കെതിരേ കറുത്ത ആം ബാന്‍ഡ് ധരിച്ച് പാകിസ്ഥാന്‍
  • ശിഖര്‍ ധവാന്‍ പരിക്കേറ്റ് പുറത്ത്, മുഴുവന്‍ ലോകകപ്പ് മത്സരങ്ങളും നഷ്ടമാകും
  • തന്നെ ആസൂത്രിതമായി നീക്കിയെന്ന വെളിപെടുത്തലുമായി അഫ്ഗാന്‍ താരം
  • പോര്‍ച്ചുഗലിന് പ്രഥമ യുവേഫ നാഷന്‍സ് ലീഗ് കിരീടം
  • Write A Comment

     
    Reload Image
    Add code here