ക്രിസ്റ്റ്യാനോയ്ക്ക് ബാലണ്‍ ദ്യോര്‍ കിട്ടിയില്ല; ദേഷ്യം പ്രകടിപ്പിച്ച് സഹോദരിമാര്‍

Wed,Dec 05,2018


പാരിസ്: ലൂക്കാ മോഡ്രിച്ചിന് ബാലണ്‍ ദ്യോര്‍ പുരസ്‌കാരം നല്‍കിയതിനെ വിമര്‍ശിച്ചും പരിഹസിച്ചും ക്രിസ്റ്റ്യാനൊ റൊണാള്‍ഡോയുടെ സഹോദരിമാരായ എല്‍മയും കാത്തിയ അവെയ്‌റോയും. ക്രിസ്റ്റിയാനൊ ബാലണ്‍ ദ്യോര്‍ പുരസ്‌കാരവുമായി നില്‍ക്കുന്ന ചിത്രം ട്വീറ്റ് ചെയ്ത എല്‍മ സഹോദരന് പുരസ്‌കാരം ലഭിക്കാത്തതിന് പിന്നില്‍ മാഫിയ ആണെന്നാണ് ആരോപിക്കുന്നത്. നിര്‍ഭാഗ്യവശാല്‍ നമ്മള്‍ ജീവിക്കുന്നത് മാഫിയകളും പണവും കാരണം കെട്ടുപോയ ഒരു ലോകത്താണ്. പക്ഷേ എല്ലാത്തിനേക്കാളും വലുതാണ് ദൈവത്തിന്റെ ശക്തി. ദൈവം സമയമെടുക്കുമെങ്കിലും ഒരിക്കലും പരാജയപ്പെടില്ല- ഇന്‍സ്റ്റഗ്രാമില്‍ പങ്കുവെച്ച കുറിപ്പില്‍ എല്‍മ പറയുന്നു. രണ്ടാമത്തെ സഹോദരിയും പോപ്പ് ഗായികയുമായ കാത്തിയ അവെയ്‌റോയും ഇതേ ചിത്രം തന്നെ പോസ്റ്റ് ചെയ്തിട്ടുണ്ട്. ലോകത്തെ ഏറ്റവും മികച്ച താരമാണ് ക്രിസ്റ്റിയാനോയെന്നും ഫുട്‌ബോള്‍ മനസ്സിലാകുന്നവര്‍ക്ക് മാത്രമേ അത് തിരിച്ചറിയാനാകൂ എന്നുമാണ് ചിത്രത്തിനൊപ്പം കാത്തിയയുടെ കുറിപ്പ്. കഴിഞ്ഞ പത്ത് വര്‍ഷക്കാലം ക്രിസ്റ്റിയാനോയും മെസ്സിയും മാറിമാറി കൈവശം വെച്ച പുരസ്‌കാരമാണ് ഇത്തവണ ക്രൊയേഷ്യന്‍ താരം മോഡ്രിച്ചിന് ലഭിച്ചത്. ഫിഫയുടെ ലോക ഫുട്ബോളര്‍ പുരസ്‌കാരത്തിനു പിന്നാലെയാണ് മോഡ്രിച്ച് ബാലണ്‍ ദ്യോര്‍ പുരസ്‌കാരവും അക്കൗണ്ടിലെത്തിച്ചത്. വോട്ടെടുപ്പില്‍ മോഡ്രിച്ചിന് 753 പോയിന്റ് ലഭിച്ചപ്പോള്‍ രണ്ടാമതെത്തിയ ക്രിസ്റ്റിയാനോയ്ക്ക് 476 പോയിന്റാണ് സ്വന്തമാക്കാനായത്. മൂന്നാമതെത്തിയ അന്റോയ്ന്‍ ഗ്രീസ്മാന്‍ 414 പോയിന്റും നേടി. ഫ്രാന്‍സ് താരം കിലിയന്‍ എംബാപെയാണ് നാലാമത്. മെസ്സിക്ക് അഞ്ചാം സ്ഥാനം കൊണ്ട് തൃപ്തിപ്പെടേണ്ടി വന്നു.

Other News

  • കേന്ദ്ര സര്‍ക്കാര്‍ ആവശ്യപ്പെട്ടാല്‍ ഇന്ത്യ പാക്കിസ്ഥാനെതിരെ ലോകകപ്പില്‍ കളിക്കില്ല
  • ക്രിസ് ഗെയ്ല്‍ വിരമിക്കുന്നു
  • ഉത്തേജക മരുന്ന് പരിശോധനയിൽ പരാജയപ്പെട്ട ആദ്യ ഇന്ത്യൻ ടെന്നീസ് താരമായി പതിനാറുകാരൻ
  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • Write A Comment

     
    Reload Image
    Add code here