ക്രിക്കറ്റ് ഓസ്‌ട്രേലിയ തെരഞ്ഞെടുത്ത ഏകദിന ടീമിന്റെ ക്യാപ്റ്റനും കോലി

Mon,Dec 31,2018


സമാനതകളില്ലാത്ത പ്രകടനങ്ങളുമായി ജൈത്രയാത്ര തുടരുന്ന ഇന്ത്യന്‍ ക്യാപ്റ്റന്‍ വിരാട് കോലിയുടെ തൊപ്പിയില്‍ മറ്റൊരു തൂവല്‍. ക്രിക്കറ്റ് ഓസ്‌ട്രേലിയ ഈവര്‍ഷത്തെ ഏകദിന ടീമിനെ തെരഞ്ഞെടുത്തപ്പോള്‍ ക്യാപ്റ്റനായത് കോലിയാണ്.ക്രിക്കറ്റിന്റെ എല്ലാ ഫോര്‍മാറ്റിലും തന്റെ മികവ് തുടരുന്ന കോലി, അന്താരാഷ്ട്ര ക്രിക്കറ്റില്‍ ഏറ്റവും കൂടുതല്‍ റണ്‍സടിച്ച താരമെന്ന റെക്കോഡ് തുടര്‍ച്ചയായ മൂന്നാം വര്‍ഷവും സ്വന്തമാക്കി. 2018-ലെ 14 ഏകദിനങ്ങളില്‍ നിന്ന് 133.55 റണ്‍സ് ശരാശരിയില്‍ 1,200 റണ്‍സാണ് കോലി അടിച്ചെടുത്തിട്ടുള്ളത്. ആറു സെഞ്ചുറിയും മൂന്ന് അര്‍ധ സെഞ്ചുറിയും ഇതില്‍ ഉള്‍പ്പെടും.

ക്രിക്കറ്റ് ഓസ്‌ട്രേലിയയുടെ 2018-ലെ ഏകദിന ടീമിന്റെ ഓപ്പണറും ഇന്ത്യക്കാരന്‍ തന്നെയാണ്, രോഹിത് ശര്‍മ. ചൈനാമാന്‍ ബൗളർ കുല്‍ദീപ് യാദവും ടെസ്റ്റില്‍ ഓസീസിനെ വിറപ്പിച്ച ജസ്പ്രീത് ബുംറയും ടീമില്‍ ഇടംപിടിച്ചിട്ടുണ്ട്.

ക്രിക്കറ്റ് ഓസ്‌ട്രേലിയ തിരഞ്ഞെടുത്ത ടീം: രോഹിത് ശര്‍മ (ഇന്ത്യ), ജോണി ബെയര്‍സ്‌റ്റോ (ഇംഗ്ലണ്ട്), ജോ റൂട്ട് (ഇംഗ്ലണ്ട്), വിരാട് കോലി (ഇന്ത്യ, ക്യാപ്റ്റന്‍), ഷിംറോണ്‍ ഹെറ്റ്‌മെയര്‍ (വെസ്റ്റിന്‍ഡീസ്), ജോസ് ബട്​ലർ (ഇംഗ്ലണ്ട്, വിക്കറ്റ് കീപ്പര്‍), തിസാര പെരേര (ശ്രീലങ്ക), റാഷിദ് ഖാന്‍ (അഫ്ഗാനിസ്താന്‍), കുല്‍ദീപ് യാദവ് (ഇന്ത്യ), മുസ്തഫിസുര്‍ റഹ്മാന്‍ (ബംഗ്ലാദേശ്), ജസ്പ്രീത് ബുംറ (ഇന്ത്യ).

Other News

  • മാരിനോട് തോറ്റു; സൈന സെമിയില്‍ പുറത്ത്
  • രഞ്ജിയില്‍ കേരളം-വിദര്‍ഭ സെമി
  • കേരളം രഞ്ജി ട്രോഫി ക്രിക്കറ്റ് സെമിയില്‍
  • അവസാന മത്സരത്തില്‍ വിജയം; ഓസ്‌ട്രേലിയക്കെതിരായ ഏകദിന പരമ്പരയും ഇന്ത്യയ്ക്ക്‌
  • ബഹ്‌റൈനോടേറ്റ തോല്‍വിക്കു പിന്നാലെ ഇന്ത്യന്‍ കോച്ച് രാജിവെച്ചു
  • ഏഷ്യന്‍ കപ്പില്‍ ബഹ്‌റൈനോട് തോറ്റ് ഇന്ത്യ പുറത്ത്
  • ഏഷ്യന്‍ കപ്പില്‍ ബഹ്‌റൈനെതിരേ ഇന്ത്യ
  • ചരിത്ര നേട്ടം;ലാ ലിഗയില്‍ 400 ഗോളുമായി മെസ്സി!
  • ഭാര്യയും മകളും ഒപ്പമുണ്ടെങ്കില്‍ ഹാര്‍ദിക്കും രാഹുലുമുള്ള ടീം ബസില്‍ പോലും യാത്ര ചെയ്യില്ല: ഹർഭജൻ
  • ഇന്ത്യന്‍ ഫുട്‌ബോള്‍ ആരാധകരെ പക്ഷിക്കൂട്ടിലടച്ച യുഎഇ സ്വദേശി അറസ്റ്റിലായി
  • ഓസ്ട്രേലിയന്‍ മണ്ണില്‍ ആദ്യ പരമ്പര വിജയത്തോടെ ചരിത്രമെഴുതി ടീം ഇന്ത്യ
  • Write A Comment

     
    Reload Image
    Add code here