ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല

Tue,Feb 05,2019


വെല്ലിങ്ടണ്‍: ഇന്ത്യ- ന്യൂസീലന്‍ഡ് ട്വന്റി 20 പരമ്പരയ്ക്ക് ബുധനാഴ്ച തുടക്കമാകുകയാണ്. അതിനിടെ മുന്‍ ഇന്ത്യന്‍ ക്യാപ്റ്റന്‍ സുനില്‍ ഗവാസ്‌ക്കര്‍ ടീമിന്റെ ആദ്യ ഏഴ് ബാറ്റിങ് സ്ഥാനങ്ങള്‍ നിര്‍ദേശിച്ച് രംഗത്തെത്തി. ഋഷഭ് പന്തും ദിനേഷ് കാര്‍ത്തിക്കും ശുഭ്മാന്‍ ഗില്ലും ഉള്‍പ്പെട്ട ഗവാസ്‌ക്കറുടെ പട്ടികയില്‍ പക്ഷേ, എം.എസ് ധോനിക്ക് ഇടമില്ലെന്നുള്ളത് ശ്രദ്ധേയമായി. ഇന്ത്യയില്‍ ഓസ്‌ട്രേലിയക്കെതിരേ നടക്കാനിരിക്കുന്ന പരമ്പരയ്ക്ക് മുന്നോടിയായി ധോനിക്ക് വിശ്രമം അനുവദിക്കണമെന്നാണ് ഗവാസ്‌ക്കറുടെ അഭിപ്രായം. രോഹിത് ശര്‍മ, ശിഖര്‍ ധവാന്‍, ഋഷഭ് പന്ത്, ശുഭ്മാന്‍ ഗില്‍, ദിനേഷ് കാര്‍ത്തിക്ക്, ഹാര്‍ദിക് പാണ്ഡ്യ, ക്രുനാല്‍ പാണ്ഡ്യ എന്നിങ്ങനെയാണ് ഗവാസ്‌ക്കര്‍ തിരഞ്ഞെടുത്ത ബാറ്റിങ് ഓര്‍ഡര്‍. പരമ്പര ഇന്ത്യ 2-1 ന് സ്വന്തമാക്കുമെന്നും അദ്ദേഹം പ്രവചിച്ചു. നേരത്തെ 2018-ലെ മോശം പ്രകടനങ്ങളുടെ പേരില്‍ ധോനിയുടെ ലോകകപ്പിലെ സ്ഥാനം പോലും സംശയത്തിലായിരുന്നു. 12 വര്‍ഷത്തെ കരിയറിലെ ധോനിയുടെ ഏറ്റവും മോശം പ്രകടനം പോയവര്‍ഷമായിരുന്നു. എന്നാല്‍ ഓസീസിനെതിരായ ഏകദിന പരമ്പരയില്‍ ഫോം വീണ്ടെടുത്ത ധോനി, തുടര്‍ച്ചയായി മൂന്ന് അര്‍ധ സെഞ്ചുറികള്‍ (51, 55, 87) നേടി പരമ്പരയിലെ താരമായിരുന്നു. പിന്നാലെ ന്യൂസീലന്‍ഡിലും ധോനി അതേ മികവ് ആവര്‍ത്തിച്ചു. കഴിഞ്ഞ അഞ്ച് ഇന്നിങ്‌സുകളില്‍ നിന്നായി 242 റണ്‍സാണ് ധോനി അടിച്ചു കൂട്ടിയത്.

Other News

  • ക്രിസ് ഗെയ്ല്‍ വിരമിക്കുന്നു
  • ഉത്തേജക മരുന്ന് പരിശോധനയിൽ പരാജയപ്പെട്ട ആദ്യ ഇന്ത്യൻ ടെന്നീസ് താരമായി പതിനാറുകാരൻ
  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • Write A Comment

     
    Reload Image
    Add code here