കാണാതായ മലയാളി കുടുംബം ഒഴുക്കില്‍ പെട്ടതായി സംശയം

Thu,Apr 12,2018


വാഷിങ്ടണ്‍: യു.എസിലെ കാലിഫോര്‍ണിയയില്‍ കാണാതായ മലയാളി കുടുംബം ഈല്‍ നദിയിലെ കുത്തൊഴുക്കില്‍പ്പെട്ടതായി സംശയം. കേരളത്തിലെ തോട്ടപ്പിള്ളി കുടുംബാംഗമായ സന്ദീപ് (42), ഭാര്യ സൗമ്യ (38), മക്കളായ സിദ്ധാന്ത് (12), സാക്ഷി (ഒന്‍പത്) എന്നിവരെയാണ് കാണാതായത്. കുടുംബം സഞ്ചരിച്ചിരുന്ന സ്‌പോര്‍ട്‌സ് യൂട്ടിലിറ്റി വെഹിക്കിള്‍ (എസ്.യു.വി.) ഈല്‍ നദിയില്‍ മുങ്ങിയനിലയില്‍ കണ്ടതായി പോലീസ് പറഞ്ഞു.

വാഹനം നിയന്ത്രണം നഷ്ടപ്പെട്ട് നദിയിലേക്കു മറിഞ്ഞതായിരിക്കാമെന്നാണ് പ്രാഥമിക നിഗമനം. ഹെലിക്കോപ്റ്റര്‍ ഉള്‍പ്പെടെയുള്ള സംവിധാനങ്ങളുമായാണ് രക്ഷാപ്രവര്‍ത്തനം പുരോഗമിക്കുന്നത്. മേഖലയിലെ കനത്തമഴ രക്ഷാപ്രവര്‍ത്തനത്തെ ബാധിക്കുന്നതായി പോലീസ് പറഞ്ഞു. കാലിഫോര്‍ണിയ ഹൈവേ പട്രോള്‍ സംഘത്തിന്റെ നേതൃത്വത്തിലാണ് തിരച്ചില്‍. പോര്‍ട്ട്‌ലന്‍ഡില്‍നിന്ന് സാന്‍ഹോസെയിലേക്കുള്ള യാത്രയ്ക്കിടെ കഴിഞ്ഞ വ്യാഴാഴ്ചയാണ് കുടുംബത്തെ കാണാതായത്. തെക്കന്‍ കാലിഫോര്‍ണിയയിലെ വലന്‍സിയയിലെ വീട്ടിലേക്കുപോകുകയായിരുന്നു കുടുംബം.

യൂണിയന്‍ ബാങ്ക് വൈസ് പ്രസിഡന്റാണ് സന്ദീപ്.ഞായറാഴ്ചയാണ് കുടുംബത്തെ കാണാതായ വിവരം ലഭിച്ചതെന്ന് സാന്‍ഹോസെ പോലീസ് അറിയിച്ചു.


Other News

  • കാത്തിരിപ്പിനു വിട, മ്യൂള്ളര്‍ റിപ്പോര്‍ട്ട് സമര്‍പ്പിച്ചു; എന്തൊക്കെ കാര്യങ്ങള്‍ വെളിപ്പെടുത്തണമെന്ന് അറ്റോര്‍ണി ജനറല്‍ തീരുമാനിക്കും
  • ഫോമാ സ്‌പോര്‍ട്‌സ് കമ്മറ്റി; ജെയിംസ് ഇല്ലിക്കല്‍ ചെയര്‍മാന്‍
  • ബോയിംഗ് മാക്‌സ് 737; മുമ്പ് ആവശ്യക്കാര്‍ക്കു മാത്രം വില്‍പന നടത്തിയിരുന്ന സുരക്ഷാ സംവിധാനം എല്ലാ വിമാനങ്ങളിലും ഘടിപ്പിച്ച് പ്രതിസന്ധി മറികടക്കാന്‍ ശ്രമം
  • ഗോലാന്‍ കുന്നുകള്‍ ഇസ്രയേലിന്റെ ഭാഗമാണെന്ന് അംഗീകരിക്കുവാന്‍ സമയമായെന്ന് ട്രമ്പ്
  • ഇന്ത്യന്‍ വംശജനായ 11 വയസുകാരന്‍ 'ഹെര്‍ക്കുലീസ്, ഹൗദിനി, ഹോംസ്' എന്ന അമേരിക്കന്‍ ചിത്രത്തില്‍ കസറുന്നു
  • മാഗ് ബാസ്‌കറ്റ്ബാള്‍ ; ട്രിനിറ്റി മാര്‍ത്തോമാ ടീം ചാമ്പ്യന്മാര്‍
  • ഹൂസ്റ്റണില്‍ വൈദിക മന്ദിരത്തിന്റെ വെഞ്ചരിപ്പും, എസ്ര പ്രയര്‍ മീറ്റും നടത്തുന്നു
  • ഹൈസ്‌കൂള്‍ വിദ്യാര്‍ഥിനിയായ ഇന്ത്യന്‍ വംശജ പ്രസവിച്ചു; നവജാത ശിശുവിനെ കൊന്നു, കേസായി, അച്ഛന്‍ ജീവനൊടുക്കി
  • ബോയിംഗ് 737 മാക്‌സ് വിമാനങ്ങളുടെ സുരക്ഷ; അന്വേഷണത്തിന് എഫ്.ബി.ഐ യും
  • നിക്ഷേപം നടത്തി അമേരിക്കയിലേക്ക് വിസ സമ്പാദിക്കുന്ന ഇന്ത്യക്കാരുടെ എണ്ണത്തില്‍ വന്‍ കുതിപ്പ്; 2018 ല്‍ മൂന്നാംസ്ഥാനത്ത്
  • ഡബ്ല്യൂ.എം.സി ഹൂസ്റ്റണ്‍ പ്രൊവിന്‍സ് ബിസിനസ് ഫോറത്തിന് തുടക്കമായി
  • Write A Comment

     
    Reload Image
    Add code here