നായര്‍ അസോസിയേഷന്‍ ഓഫ് ഗ്രെയ്റ്റര്‍ ചിക്കാഗോ വിഷു ആഘോഷങ്ങള്‍ ഗംഭീരമാക്കി

Fri,Apr 13,2018


ചിക്കാഗോ : നായര്‍ അസോസിയേഷന്‍ ഓഫ് ഗ്രെയ്റ്റര്‍ ചിക്കാഗോ (Nair Aossciation of Greater Chicago)-യുടെ വിഷു ആഘോഷങ്ങള്‍ ലെമോണ്ട്, ഇല്ലിനോയ്സില്‍ ഉള്ള ഹിന്ദു ടെംപിളില്‍ വെച്ച് ഏപ്രില്‍ 8 ഞായറാഴ്ച ആഘോഷിച്ചു.
നായര്‍ അസോസിയേഷന്‍ പ്രസിഡന്റ് വാസുദേവന്‍ പിള്ള, നായര്‍ സമുദായത്തിന്റെ ദേശീയ സംഘടനയായ NSS of North America അധ്യക്ഷന്‍ M N C നായര്‍, ജയന്‍ മുളങ്ങാട്, രാജന്‍ മാടശ്ശേരി, രാധാകൃഷ്ണന്‍ നായര്‍ തുടങ്ങിയവര്‍ ചടങ്ങുകള്‍ക്ക് നേതൃത്വം നല്‍കി.
സുകുമാരി നായരുടെ മേല്‍നോട്ടത്തില്‍ ഒരുക്കിയ വര്‍ണാഭമായ വിഷുക്കണി കാഴ്ച്ചക്കാരില്‍ ഗൃഹാതുരത്വം ഉണര്‍ത്തുന്ന കാഴ്ചയായി.
വിഷു കണികണ്ടതിനു ശേഷം, ആഘോഷങ്ങളില്‍ പങ്കെടുക്കാന്‍ എത്തിയ കുട്ടികള്‍ക്ക് മുതിര്‍ന്ന തലമുറയിലെ കാരണവര്‍മാര്‍ വിഷുകൈനീട്ടം നല്‍കി.
M C-മാരായ സുജിത് നായര്‍, ഗായത്രി മേനോന്‍ എന്നിവര്‍ വിവിധ കലാകാരന്മാരുടെ പരിപാടികള്‍ വേദിക്കു പരിചയപ്പെടുത്തി. അജിത് ചന്ദ്രന്റെ സുന്ദരമായ ഗാനത്തോടുകൂടി കലാപരിപാടികള്‍ ആരംഭിച്ചു. ഇന്ത്യയുടെ തനതായ ക്ലാസിക്കല്‍ നൃത്തങ്ങള്‍, ഫ്യൂഷന്‍/സിനിമാറ്റിക് ഡാന്‍സുകള്‍, പാട്ടുകള്‍, എന്നിവ കാഴ്ചക്കാരുടെ മനം കവര്‍ന്നു. ടീം ലാസ്യ അവതരിപ്പിച്ച നൃത്തരൂപം, റിഥമിക് മെലഡീസ് എന്ന പുതിയ ബാന്‍ഡിന്റെ അരങ്ങേറ്റം എന്നിവ പരിപാടികള്‍ക്ക് മാറ്റ് കൂട്ടി.
അഭിഷേക് നായര്‍ അവതരിപ്പിച്ച കുച്ചിപ്പുടി, സന്ധ്യ രാധാകൃഷ്ണന്റെ ശിഷ്യര്‍, ടീം ഗുന്‍ഗുരു, ശ്രീവിദ്യ വിജയന്‍-വര്‍ഷ വിജയന്‍ തുടങ്ങിയവരുടെ നൃത്തങ്ങള്‍ കാണികള്‍ക്കു ഹൃദ്യമായി. വേണു ചക്രപാണി, സോനാ മൂര്‍ത്തി, അശോക് മേനോന്‍, അനുശ്രീ, അര്‍ജുന്‍ നായര്‍ തുടങ്ങിയവരുടെ ഗാനങ്ങള്‍ പരിപാടിക്ക് മികവേറ്റി.
2018 ഓഗസ്റ്റില്‍ ചിക്കാഗോയില്‍ നടക്കുന്ന നായര്‍ സംഗമം 2018-ന്റെ curtain raiser ചടങ്ങില്‍ വെച്ച് നടത്തപ്പെട്ടു. സതീഷ് കുമാര്‍ നായര്‍ അസോസിയേഷന്‍ ഓഫ് ഗ്രെയ്റ്റര്‍ ചിക്കാഗോയ്ക്ക് വേണ്ടി തയാറാക്കിയ നവീകരിച്ച വെബ്‌സൈറ്റ് വേദിയില്‍ വെച്ച് പരിചയപ്പെടുത്തി.
അസോസിയേഷന്റെ വിവരങ്ങള്‍ ഈ വെബ്സൈറ്റില്‍ (http://www.nsschicago.org/) ലഭ്യമാണ്. നീല്‍ മഹേഷ്, മുരളീകൃഷ്ണന്‍, സുജിത്, സതീഷ്, സജിത്ത്, ജിജിത് തുടങ്ങിയര്‍ പരിപാടികള്‍ക്ക് നേതൃത്വം നല്‍കി.
കലാപരിപാടികള്‍ക്ക് ശേഷം, പ്രകാശ് മേനോന്‍, പ്രസാദ് പിള്ള, അജി പിള്ള എന്നിവരുടെ നേതൃത്വത്തില്‍ ഒരുക്കിയ വിഭവ സമൃദ്ധമായ വിഷു സദ്യയോടുകൂടി 2018-ലെ വിഷു ആഘോഷങ്ങള്‍ സമാപിച്ചു.
-ശിവന്‍ മുഹമ്മ.


Other News

  • കാത്തിരിപ്പിനു വിട, മ്യൂള്ളര്‍ റിപ്പോര്‍ട്ട് സമര്‍പ്പിച്ചു; എന്തൊക്കെ കാര്യങ്ങള്‍ വെളിപ്പെടുത്തണമെന്ന് അറ്റോര്‍ണി ജനറല്‍ തീരുമാനിക്കും
  • ഫോമാ സ്‌പോര്‍ട്‌സ് കമ്മറ്റി; ജെയിംസ് ഇല്ലിക്കല്‍ ചെയര്‍മാന്‍
  • ബോയിംഗ് മാക്‌സ് 737; മുമ്പ് ആവശ്യക്കാര്‍ക്കു മാത്രം വില്‍പന നടത്തിയിരുന്ന സുരക്ഷാ സംവിധാനം എല്ലാ വിമാനങ്ങളിലും ഘടിപ്പിച്ച് പ്രതിസന്ധി മറികടക്കാന്‍ ശ്രമം
  • ഗോലാന്‍ കുന്നുകള്‍ ഇസ്രയേലിന്റെ ഭാഗമാണെന്ന് അംഗീകരിക്കുവാന്‍ സമയമായെന്ന് ട്രമ്പ്
  • ഇന്ത്യന്‍ വംശജനായ 11 വയസുകാരന്‍ 'ഹെര്‍ക്കുലീസ്, ഹൗദിനി, ഹോംസ്' എന്ന അമേരിക്കന്‍ ചിത്രത്തില്‍ കസറുന്നു
  • മാഗ് ബാസ്‌കറ്റ്ബാള്‍ ; ട്രിനിറ്റി മാര്‍ത്തോമാ ടീം ചാമ്പ്യന്മാര്‍
  • ഹൂസ്റ്റണില്‍ വൈദിക മന്ദിരത്തിന്റെ വെഞ്ചരിപ്പും, എസ്ര പ്രയര്‍ മീറ്റും നടത്തുന്നു
  • ഹൈസ്‌കൂള്‍ വിദ്യാര്‍ഥിനിയായ ഇന്ത്യന്‍ വംശജ പ്രസവിച്ചു; നവജാത ശിശുവിനെ കൊന്നു, കേസായി, അച്ഛന്‍ ജീവനൊടുക്കി
  • ബോയിംഗ് 737 മാക്‌സ് വിമാനങ്ങളുടെ സുരക്ഷ; അന്വേഷണത്തിന് എഫ്.ബി.ഐ യും
  • നിക്ഷേപം നടത്തി അമേരിക്കയിലേക്ക് വിസ സമ്പാദിക്കുന്ന ഇന്ത്യക്കാരുടെ എണ്ണത്തില്‍ വന്‍ കുതിപ്പ്; 2018 ല്‍ മൂന്നാംസ്ഥാനത്ത്
  • ഡബ്ല്യൂ.എം.സി ഹൂസ്റ്റണ്‍ പ്രൊവിന്‍സ് ബിസിനസ് ഫോറത്തിന് തുടക്കമായി
  • Write A Comment

     
    Reload Image
    Add code here