കെവി തോമസ് എംപിയിടെ മോഡി സ്തുതി; കോണ്‍ഗ്രസിന് തിരിച്ചടിയായി; ഹൈക്കമാണ്ട് വിശദീകരണം തേടും

Fri,Apr 13,2018


കൊച്ചി: കര്‍ണാടക നിയമ ശബാ തെരഞ്ഞെടുപ്പും അടുത്തവര്‍ഷം ലോക് സഭാ തെരഞ്ഞെടുപ്പും അടുത്തിരിക്കെ മോഡിയുടെ ഭരണ പാടവത്തെ സ്തുതിച്ചുകൊണ്ട് കേരളത്തിലെ പ്രമുഖ കോണ്‍ഗ്രസ് നേതാവും എറണാകുളം പാര്‍ലമെന്റ് അംഗവുമായ പ്രൊഫ. കെ.വി തോമസ് രംഗത്തെത്തിയത് കോണ്‍ഗ്രസ് നേതാക്കളെയും ബിജെപി നേതാക്കളെയും ഒരുപോലെ ഞെട്ടിച്ചിരിക്കുകയാണ്.
കോണ്‍ഗ്രസ് നേതാക്കളോട് സംസാരിക്കുന്നതിനേക്കാള്‍ താന്‍ കൂടുതല്‍ കംഫര്‍ട്ട് അനുഭവിക്കുന്നത് മോഡിയോട് ആശയവിനിമയം നടത്തുമ്പോളാണെന്നും മോഡിയാണ് താന്‍ കണ്ടിട്ടുള്ള ഏറ്റവും ഭരണ പാടവമുള്ള നേതാവെന്നുമാണ് പ്രൊഫ. കെവി തോമസ് കേരള മാനേജ്മെന്റ് അസോസിയേഷന്‍ (കെ.എം.എ) ദേശീയ സമാപന സമ്മേളനം ഉദ്ഘാടനം ചെയ്യവെ പറഞ്ഞത്. 2014 ല്‍ പാര്‍ലമെന്റിന്റെ പ്ബ്ലിക് അക്കൗണ്ട് കമ്മിറ്റി ചെയര്‍മാനായി ബിജെപി അംഗങ്ങളുടെ കൂടി പിന്തുണയോടെ ചുമതലയേറ്റപ്പോള്‍ തന്നെ കെവി തോമസ് ബിജെപി കൂടാരത്തിലേക്ക് ചേക്കേറാനൊരുങ്ങുകയാണെന്ന് അഭ്യൂഹങ്ങള്‍ പ്രചരിച്ചിരുന്നു.
ഈ അഭ്യൂഹങ്ങളെ ബലപ്പെടുത്തുന്നതാണ് കെ.വി തോമസ് നടത്തിയ മോഡി സ്തുതിയെന്നാണ് വിലയിരുത്തല്‍.
കര്‍ണ്ണാടക നിയമസഭ തിരഞ്ഞെടുപ്പ് അടുത്തിരിക്കെ പ്രധാനമന്ത്രി നരേന്ദ്ര മോഡിയെ കെ.വി തോമസ് പുകഴ്ത്തിത് കേരളത്തിലെ കോണ്‍ഗ്രസ് നേതൃത്വത്തിലും ഹൈക്കമാണ്ടിനും ഞെട്ടലുളവാക്കിയതിനൊപ്പം ബിജെപി നേതാക്കളിലും അമ്പരപ്പുണ്ടാക്കി.
കോണ്‍ഗ്രസിന്റെ ദേശീയ അധ്യക്ഷനായതിനുശേഷം രാഹുല്‍ ഗാന്ധിയും മറ്റ് നേതാക്കളും രാജ്യത്തിലെ അരാജക സ്ഥിതി ചൂണ്ടിക്കാട്ടി മോഡിയെ കടന്നാക്രമിച്ച് കൊണ്ടിരിക്കെ ഉന്നത കോണ്‍ഡഗ്രസ് നേതാവും മുന്‍ കേന്ദ്രമന്ത്രിയുമായ കെ.വി തോമസ് നടത്തിയ മോഡി സ്തുതി ഉന്നത കോണ്‍ഗ്രസ് നേതാക്കള്‍ ഹൈക്കമാന്റിന്റെ ശ്രദ്ധയില്‍ പെടുത്തിയിട്ടുണ്ട്.
ലോക് സഭ തെരഞ്ഞെടുപ്പിനു മുമ്പ് ഉന്നതരായ നിരവധി നേതാക്കള്‍ കോണ്‍ഗ്രസ് വിട്ട് ബിജെപിയിലെത്തുമെന്ന് ബിജെപി നേതൃത്വം തന്നെ വ്യക്തമാക്കിയ സാഹചര്യത്തിലാണ് ദേശീയ നേതൃത്വത്തെ ഞെട്ടിച്ച് കെ.വി തോമസ് മോഡി സ്തുതി പാടി രംഗത്തെത്തിയത്.
തന്റെ തീരുമാനങ്ങളെയും നടപടികളെയും കൃത്യമായും വ്യക്തമായും മറ്റുള്ളവരെ ബോധ്യപ്പെടുത്താന്‍ കഴിയുന്ന മികച്ച ഭരണാധികാരിയാണു പ്രധാനമന്ത്രി നരേന്ദ്ര മോഡിയെന്നും ഇതു തനിക്ക് നേരിട്ടു ബോധ്യപ്പെട്ടിട്ടുണ്ടെന്നും കെ.വി. തോമസ് പറയുന്നു. 'നോട്ട് നിരോധനം, ജിഎസ്ടി തുടങ്ങിയവയിലൊക്കെ തന്റെ നിലപാട് മറ്റുള്ളവരെ ബോധ്യപ്പെടുത്താന്‍ മോഡിക്കു സാധിച്ചിരുന്നുവെന്നും ഭരണനിര്‍വഹണം എന്നതു ശാസ്ത്രീയമായ ഒരു സാങ്കേതികവിദ്യയാണ്. അക്കാര്യത്തില്‍ മോഡി വിദഗ്ധനാണെന്നും അദ്ദേഹം ചൂണ്ടിക്കാട്ടി.
പി.എ.സി ചെയര്‍മാനായിരിക്കെ നോട്ട് നിരോധന കാര്യത്തില്‍ പ്രധാനമന്ത്രിയുടെ വിശദീകരണം തേടിയിരുന്നുവെന്നും ഡിസംബര്‍ 31-നു മുന്‍പ് എല്ലാം ശരിയാകുമെന്ന് അദ്ദേഹം ഉറപ്പുനല്‍കിയിരുന്നുവെന്നും കെ.വി തോമസ് വെളിപ്പെടുത്തി. നോട്ട് നിരോധനം മൂലം രാജ്യത്തു കലാപമൊന്നുമുണ്ടായില്ലെന്നും ജനങ്ങളെ വിശ്വസിപ്പിക്കാന്‍ മോഡിക്കു കഴിയുന്നുണ്ടെന്നും കോണ്‍ഗ്രസ്സ് നേതാവ് പറഞ്ഞു.
മോഡി ഉറപ്പു നല്‍കിയതുപോലെ തന്നെയാണ് കാര്യങ്ങള്‍ നടന്നതെന്നും തോമസ് പറഞ്ഞു.
ബൊഫോഴ്‌സ് തൊട്ട് ഒട്ടേറെ പ്രശ്‌നങ്ങളെ കോണ്‍ഗ്രസ് നേരിട്ടു. എന്നാല്‍ എല്ലാ പ്രശ്‌നങ്ങളെയും മോഡി സവിശേഷമായ മാനേജ്‌മെന്റ് ടെക്‌നിക് ഉപയോഗിച്ചാണ്പ്രശ്‌നങ്ങള്‍ നേരിടുന്നതും കൈകാര്യം ചെയ്യുന്നതും.
മീഡിയ, ജുഡീഷ്യറി എന്നിവയിലെല്ലാം നാലുകൊല്ലമായി മോഡിയുടെ ഈ വൈദഗ്ധ്യം കാണാമെന്നും രാഷ്ട്രീയമായും ആശയപരമായും മോദിയെ മിക്ക കാര്യങ്ങളിലും എതിര്‍ക്കുന്നുണ്ടെങ്കിലും അദ്ദേഹത്തിന്റെ ഈ സവിശേഷത കാണാതിരിക്കാനാവില്ലെന്നും കെ.വി. തോമസ് വ്യക്തമാക്കി.
അതേ സമയം കെ.വി തോമസിന്റെ മലക്കം മറിച്ചിലിനെക്കുറിച്ച് ഹൈക്കമാണ്ട് വിശദീകരണം ആവശ്യപ്പെട്ടതായാണ് ഏറ്റവംു ഒടുവില്‍ ലഭിക്കുന്ന വിവരം.
ഇന്ന് ഉച്ചയ്ക്കുശേഷം മാധ്യമങ്ങളെ കണ്ട് കെ.വി തോമസ് തന്റെ വിശദീകരണം നല്‍കുമെന്നാണ് അദ്ദേഹത്തോട് അടുത്ത വൃത്തങ്ങള്‍ നല്‍കുന്ന സൂചന.


Other News

  • രാഹുല്‍ ഗാന്ധി വയനാട്ടില്‍ മത്സരിക്കും; ടി. സിദ്ധിഖ് പിന്മാറി; അറിയിപ്പു ലഭിച്ചെന്ന് ഉമ്മന്‍ചാണ്ടി, മുല്ലപ്പള്ളി, ചെന്നിത്തല
  • തിരുവനന്തപുരത്ത് 13 കോടി രൂപയുടെ ഹാഷിഷ് ഓയില്‍ പിടികൂടി
  • കെ.എം. മാണിയെ കൊച്ചിയിലെ ആശുപത്രിയില്‍ പ്രവേശിപ്പിച്ചു
  • മൃതദേഹം മാറി അയച്ച സംഭവം: മലയാളി യുവാവിന്റെ ജഢം ശ്രീലങ്കയില്‍ ഉണ്ടെന്ന് വിവരം ലഭിച്ചു
  • സസ്‌പെന്‍ഷനില്‍ കഴിയുന്ന ഡിജിപി ജേക്കബ് തോമസ് ട്വന്റി -20 മുന്നണി സ്ഥാനാര്‍ത്ഥിയായി ചാലക്കുടിയില്‍ മത്സരിക്കും
  • കേരളത്തിലെ സ്ഥാനാര്‍ത്ഥി പട്ടിക പ്രഖ്യാപിക്കാന്‍ കഴിയാതെ ബിജെപി നേതൃത്വം
  • കേരളത്തില്‍ ബിജെപി 14 സീറ്റിലും ബിഡിജെഎസ് അഞ്ച് സീറ്റിലും മത്സരിക്കും; കോട്ടയത്ത് പിസി തോമസ്
  • ഓച്ചിറയില്‍ 13 കാരിയെ തട്ടിക്കൊണ്ടുപോയത് ബെംഗളുരുവിലേക്കെന്ന് പോലീസ് ; പ്രതിയെ സംരക്ഷിക്കില്ലെന്ന് പിതാവ്
  • ബാങ്ക് അക്കൗണ്ടില്‍ നിന്ന് പണം നഷ്ടപ്പെട്ടാല്‍ നഷ്ടപരിഹാരം നല്‍കാനുള്ള ബാധ്യത ബാങ്കിനുണ്ടെന്ന് ഹൈക്കോടതി
  • കലാഭവന്‍ മണിയുടെ മരണം: ഏഴു പേരെ നുണപരിശോധനയ്ക്ക് വിധേയരാക്കുന്നു
  • കേരളത്തില്‍ ഒമ്പത് സിറ്റിംഗ് എം.എല്‍.എ മാര്‍ മത്സരത്തിന്; സംസ്ഥാനത്തെ ലോക്‌സഭാ തെരഞ്ഞെടുപ്പു ചരിത്രം തിരുത്തിക്കുറിക്കുന്നു, കാത്തിരിക്കുന്നത് അധിക സാമ്പത്തിക ബാധ്യത
  • Write A Comment

     
    Reload Image
    Add code here