യൂറോപ്യന്‍ യൂണിയനെതിരെ അമേരിക്ക: ഇറാനുമായി വ്യാപാരത്തിലേര്‍പ്പെടേണ്ടവര്‍ അമേരിക്കയുമായുള്ള വാണിജ്യബന്ധം മറന്നേക്കൂ : ട്രമ്പ്

Wed,Aug 08,2018


വാഷിംഗ്ടണ്‍: ഇറാനെതിരായ അമേരിക്കന്‍ ഉപരോധത്തിനെതിരെ അസംതൃപ്തി പ്രകടിപ്പിച്ച യൂറോപ്യന്‍ യൂണിയന് പ്രസിഡന്റ് ട്രമ്പിന്റെ ഭീഷണി.
ഇറാനുമായി വ്യാപാരബന്ധം ആഗ്രഹിക്കുന്നവര്‍ക്ക് അമേരിക്കയുമായുള്ള വാണിജ്യബന്ധങ്ങള്‍ ഉപേക്ഷിക്കാമെന്നാണ് ട്രമ്പ് ട്വിറ്ററിലൂടെ ഭീഷണിപ്പെടുത്തിയത്.
ഇന്നേവരെ ലോകം കണ്ടിട്ടുള്ളതില്‍ വച്ച് ഏറ്റവും കര്‍ശനമായ ഉപരോധമായിരിക്കും അമേരിക്ക ഇറാനുമേല്‍ ഏര്‍പ്പെടുത്തുന്നതെന്ന് ട്രമ്പ് വ്യക്തമാക്കി.
ലോകസമാധാനമാണ് തനിക്കാവശ്യമെന്നും അതില്‍ കുറഞ്ഞതൊന്നും തനിക്കുവേണ്ടെന്നും കഴിഞ്ഞ ദിവസം അദ്ദേഹം ട്വിറ്റര്‍ കുറിപ്പില്‍ പറഞ്ഞു.
ഇറാനുമായി വാണിജ്യബന്ധത്തില്‍ ഏര്‍പ്പെടുന്ന രാജ്യങ്ങളൊന്നും അമേരിക്കയുമായി വ്യാപാരം ചെയ്യില്ലെന്നും ട്രമ്പ് മുന്നറിയിപ്പ് നല്‍കി. ട്രമ്പിന്റെ പ്രസ്താവന പരോക്ഷമായി ലക്ഷ്യം വയ്ക്കുന്നത് യൂറോപ്യന്‍ യൂണിയനെയാണെന്ന് സി.എന്‍.എന്‍ റിപ്പോര്‍ട്ടു ചെയ്തത്.
ഇറാനുമായി വ്യാപാരത്തിലേര്‍പ്പെടുന്ന യൂറോപ്യന്‍ കമ്പനികളെ അമേരിക്കന്‍ നടപടികളില്‍ നിന്നും സംരക്ഷിക്കാനായി പുതിയ വ്യവസ്ഥകള്‍ യൂണിയന്‍ കൊണ്ടുവന്നിരുന്നു. ഇതിന്റെ പശ്ചാത്തലത്തിലാണ് ട്രമ്പിന്റെ മുന്നറിയിപ്പ്. ഇറാനെതിരെയുള്ള ഉപരോധം ഔദ്യോഗികമായി നടപ്പില്‍ വരുത്തിയിട്ടുണ്ട്. ഇന്നേവരെ ഉണ്ടായിട്ടുള്ളതില്‍ വച്ച് ഏറ്റവും കര്‍ശനമായ ഉപരോധനീക്കമായിരിക്കുമിത്. നവംബറില്‍ ഈ നടപടികള്‍ കൂടുതല്‍ കടുക്കും.
ഇറാനുമായി വാണിജ്യബന്ധത്തില്‍ ഏര്‍പ്പെടുന്നവരാരും അമേരിക്കയുമായി പിന്നെ വാണിജ്യബന്ധം സൂക്ഷിക്കില്ല. ഞാനാവശ്യപ്പെടുന്നത് ലോകസമാധാനമാണ്, അതില്‍ക്കുറഞ്ഞതൊന്നും എനിക്കുവേണ്ട. ട്രമ്പ് ട്വീറ്റില്‍ പറയുന്നു. അമേരിക്കന്‍ ഉപരോധത്തില്‍ നിന്നും രക്ഷ നേടണമെന്ന് ഇറാന്‍ ആഗ്രഹിക്കുന്നുണ്ടെങ്കില്‍ പ്രസിഡന്റ് മുന്നോട്ടുവയക്കുന്ന ഉടമ്പടി അംഗീകരിക്കണമെന്ന് കഴിഞ്ഞ ദിവസമാണ് വൈറ്റ് ഹൗസ് ദേശീയ സുരക്ഷാ ഉപദേഷ്ടാവ് ജോണ്‍ ബോള്‍ട്ടണ്‍ പറഞ്ഞത്.
ഇറാന്‍ യഥാര്‍ത്ഥത്തില്‍ ഗൗരവമായാണ് ഈ വിഷയത്തെ കാണുന്നതെങ്കില്‍ അവര്‍ ചര്‍ച്ചയ്‌ക്കൊരുങ്ങുമെന്നും അക്കാര്യത്തിലുള്ള അവരുടെ തീരുമാനം ഉടന്‍ തന്നെ അറിയാനാകുമെന്നും ബോള്‍ട്ടണ്‍ പറഞ്ഞിരുന്നു.
എന്നാല്‍, ഇറാനുമായി ചര്‍ച്ചയ്ക്ക് തയ്യാറാണെന്ന ട്രംപിന്റെ വാദവും മറ്റു രാജ്യങ്ങളെ നിര്‍ബന്ധിച്ച് ഇറാനുമായുള്ള വാണിജ്യബന്ധങ്ങളില്‍ നിന്നും പിന്തിരിപ്പിക്കുന്ന നീക്കവും തമ്മില്‍ വലിയ വൈരുദ്ധ്യമുണ്ടെന്ന് ഇറാനിയന്‍ വിദേശകാര്യമന്ത്രാലയത്തിന്റെ വക്താവ് ബഹ്‌റാം ഖാസിമി പറയുന്നു.
ലോകചരിത്രത്തില്‍ ആരും നേരിട്ടിട്ടില്ലാത്ത പ്രത്യാക്രമണങ്ങള്‍ ഇറാന്‍ നേരിടേണ്ടിവരുമെന്ന ഭീഷണിക്കു ശേഷം വരുന്ന ട്രംപിന്റെ വാഗ്ദാനത്തെ വിശ്വസിക്കാന്‍ സാധിക്കില്ലെന്നാണ് ഇറാന്റെ പക്ഷം.


Other News

  • ഒബാമയുടെ ഭരണകാലത്ത് സാമ്പത്തിക ഉപദേഷ്ടാവായിരുന്ന അലന്‍ ക്രൂഗര്‍ വിടവാങ്ങി
  • ഭീകരാക്രമണത്തില്‍ കൊല്ലപ്പെട്ടവര്‍ക്ക് ഐക്യദാര്‍ഢ്യം പ്രഖ്യാപിച്ച് 'നിസ്‌കാര നിര'യുമായി ന്യൂസീലന്‍ഡ് എംബ്ലം
  • റവ.ഫിലിപ്പ് ഫിലിപ്പിന് യാത്രയയപ്പു നല്‍കി
  • ഫൊക്കാന പ്രസിഡന്റ് സ്ഥാനത്തേക്ക് വീണ്ടും മത്സരിക്കുമെന്ന് ലീല മാരേട്ട്
  • വ്യാജ വിവാഹ റാക്കറ്റ് നടത്തിയ ഇന്ത്യക്കാരന്‍ ഫ്‌ളോറിഡയില്‍ അറസ്റ്റില്‍
  • ന്യൂ​സി​ല​ൻ​ഡ്​ ഭീ​ക​രാ​ക്ര​മ​ണ​ത്തെ ശ​ക്ത​മാ​യ​ഭാ​ഷ​യി​ൽ അ​പ​ല​പി​ച്ച്​ പ്ര​സി​ഡ​ൻ​റ്​ ട്രമ്പ്‌
  • നി​യോ​മി റാ​വു ഡി.​സി സ​ർ​ക്യൂ​ട്ട്​ അ​പ്പീ​ൽ കോ​ട​തി ജ​ഡ്​​ജി
  • 737 മാക്‌സ് വിമാനങ്ങളുടെ സോഫ്റ്റ് വെയര്‍ അപ്ഗ്രഡേഷന്‍ അടുത്ത ഏതാനും ആഴ്ചകള്‍ക്കുള്ളില്‍ നടത്തുമെന്ന് ബോയിംഗ് കമ്പനി
  • ആണവ പരീക്ഷണം; കിം വാക്കു പാലിക്കുമെന്ന് കരുതുന്നതായി മൈക്ക് പോമ്പിയോ
  • സി.ബി.എസിന്റെ ടാലന്റ് ഷോ 'വേള്‍ഡ് ബെസ്റ്റില്‍' ചിന്ന ഇന്ത്യന്‍ സംഗീതവാദ്യ പ്രതിഭ കിരീടം നേടി; കീശയിലാക്കായത് ഒരു മില്യണ്‍ ഡോളര്‍ സമ്മാനം
  • 'സമാധാനത്തിനുള്ള സുവര്‍ണാവസരം അമേരിക്ക നഷ്ടപ്പെടുത്തി '; നിരായുധീകരണ ചര്‍ച്ചകള്‍ നിറുത്തി മിസൈല്‍ പരീക്ഷണം തുടര്‍ന്നേക്കും: ഉത്തരകൊറിയ
  • Write A Comment

     
    Reload Image
    Add code here