'ഭര്‍ത്താവിനെ എങ്ങിനെയാണ് കൊലപ്പെടുത്തേണ്ടതെന്ന്' എന്നു ലേഖനമെഴുതിയ നോവലിസ്റ്റ് ഭര്‍ത്താവിനെ കൊലപ്പെടുത്തിയ കേസില്‍ അറസ്റ്റിലായി

Thu,Sep 13,2018


പോര്‍ട്ട്‌ലാന്‍ഡ് (ഓറിഗണ്‍): നിരവധി റൊമാന്റിക് - സസ്‌പെന്‍സ് നോവലുകള്‍ എഴുതുകയും, 'ഭര്‍ത്താവിനെ എങ്ങിനെയാണ് കൊലപ്പെടുത്തേണ്ടത്' എന്ന ലേഖനം രചിക്കുകയും ചെയ്ത എഴുത്തുകാരിയെ ഭര്‍ത്താവിനെ കൊലപ്പെടുത്തിയ കേസില്‍ പോലീസ് അറസ്റ്റു ചെയ്തു. നാന്‍സി ക്രാംപ്റ്റണ്‍ എന്ന അറുപത്തെട്ടുകാരിയാണ് ഭര്‍ത്താവ് ഡാന്‍ ബ്രോഫിയെ (63) കൊലപ്പെടുത്തിയെന്ന കേസില്‍ കഴിഞ്ഞ ദിവസം അറസ്റ്റിലായത്. ജൂണ്‍ രണ്ടിന് ഓറിഗണ്‍ കുളനറി ഇന്‍സ്റ്റിറ്റ്യൂട്ടിന്റെ അടുക്കളയില്‍ വച്ചാണ് സംഭവമെന്ന് പോലീസിനെ ഉദ്ധരിച്ച് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
ഷെഫായ ഡാനിനെ നിയമ വിരുദ്ധമായ ആയുധമുപയോഗിച്ചാണ് നാന്‍സി കൊലപ്പെടുത്തിയതെന്ന് റിപ്പോര്‍ട്ടില്‍ പറയുന്നു. 'ദ റോംഗ് ഹസ്‌ബെന്‍ഡ്', 'ഗേള്‍സ് മോസ്റ്റ്‌ലി ലൈക്ക്‌ലി ടു' തുടങ്ങിയ റൊമാന്റിക് - സസ്‌പെന്‍സ് നോവലുകള്‍ രചിച്ചിട്ടുള്ള നാന്‍സി, ഡാന്‍ കൊല്ലപ്പെട്ടതിന്റെ തൊട്ടടുത്ത ദിവസം തന്റെ അവശ്വസനീയത പങ്കുവച്ചു കൊണ്ട് ഫേസ്ബുക്കില്‍ കുറിപ്പിട്ടിരുന്നു. 'തന്റെ സുഹൃത്തും ഭര്‍ത്താവുമായ ഡാന്‍ തലേ ദിവസം രാവിലെ കൊല്ലപ്പെട്ടുവെന്നും, വളരെ അടുപ്പമുള്ളവര്‍ക്ക് ഫോണില്‍ തന്നെ ബന്ധപ്പെടാമെന്നും, അടുത്ത ദിവസം വൈകുന്നേരം ഇന്‍സ്റ്റിസ്റ്റ്യൂട്ടില്‍ പ്രാര്‍ഥന ഉണ്ടാകുമെന്നും' അതില്‍ കുറിച്ചിരുന്നു. ഇതിനു ശേഷമാണ് ഇപ്പോള്‍ പ്രസിദ്ധമായ 'നിങ്ങളുടെ ഭര്‍ത്താവിനെ എങ്ങിനെയാണ് കൊലപ്പെടുത്തേണ്ടത്' എന്ന ലേഖനം നാന്‍സി സ്വകാര്യമായി പ്രസിദ്ധീകരിച്ചത്. ഒരു ബ്ലോഗില്‍ വന്ന ഈ ലേഖത്തില്‍ അതിനുള്ള കാരണങ്ങളും ഉപയോഗിക്കേണ്ടി വരുന്ന ആയുധങ്ങളും പരാമര്‍ശിക്കപ്പെടുന്നുണ്ട്.
റൊമാന്റിക് - സസ്‌പെന്‍സ് നോവലുകള്‍ എഴുതുന്നതിന് തനിക്ക് പ്രേരണ നല്‍കുന്ന കാര്യങ്ങള്‍ 2012ല്‍ ഒരു ബ്ലോഗില്‍ നാന്‍സി പങ്കുവച്ചിരുന്നു. കൊലപാതകം തന്നിലേക്ക് സ്വാഭാവികമായി വരുന്ന കാര്യമാണെന്നും, അതുകൊണ്ട് തന്റെ ഭര്‍ത്താവ് ഒരു കണ്ണ തുറന്നു വച്ചു കൊണ്ട് ഉറങ്ങാന്‍ പഠിച്ചിട്ടുണ്ടെന്നും അവര്‍ പരാമര്‍ശിച്ചിരുന്നു. ദമ്പതികള്‍ 26 വര്‍ഷം മുമ്പാണ് വിവാഹിതാരായതെന്ന് കോടതി രേഖയില്‍ പറയുന്നു.


Other News

  • ഷെറിന്റെ മരണം: വെസ്ലി മാത്യൂസ് ദത്തുപുത്രിയെ നിരന്തരം ഉപദ്രവിച്ചിരിക്കാമെന്ന് പുതിയ കോടതി രേഖ
  • അമേരിക്കയിലക്ക് അനധികൃതമായി കടക്കാന്‍ ശ്രമിക്കുന്നതിനിടെ ഒറ്റപ്പെട്ടു പോയ രണ്ട് ഇന്ത്യക്കാരെ ബോര്‍ഡര്‍ പട്രോള്‍ പിടികൂടി
  • പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ലെ റ​ഷ്യ​ൻ ഇ​ട​പെ​ട​ൽ തെ​ളി​യി​ക്കാ​ൻ അന്വേഷണസംഘത്തിന് കഴിഞ്ഞില്ലെന്ന്‌ അ​റ്റോ​ണി ജ​ന​റ​ൽ വി​ല്യം ബാ​ർ
  • മള്ളറുടെ പൂര്‍ണ റിപ്പോര്‍ട്ട് ഹാജരാക്കുവാന്‍ ഹൗസ് കമ്മിറ്റി ഉത്തരവ് നല്‍കി
  • യു.എസ് - മെക്‌സിക്കോ അതിര്‍ത്തിയില്‍ കുടിയേറ്റക്കാരെ തോക്കിന്‍മുനയില്‍ തടഞ്ഞ് വലതുപക്ഷ തീവ്രവാദികള്‍
  • മള്ളര്‍ റിപ്പോര്‍ട്ട് പൂര്‍ണമായി പുറത്ത്; ക്രിമിനല്‍ ഗൂഢാലോചന കണ്ടെത്താനായില്ല, നീതിനിര്‍വഹണം തടസപ്പെടുത്തിയോ എന്ന കാര്യത്തില്‍ അവ്യക്ത
  • അമേരിക്കയിലെ ഏറ്റവും വലിയ നഗരമായ ന്യൂയോര്‍ക്കിലെ ജനസംഖ്യ കുറയുന്നു; ഒരു പതിറ്റാണ്ടിനിടെ ഇതാദ്യം
  • ന്യൂ​യോ​ർ​ക്​ ടൈം​സി​നും വാ​ൾ​സ്​​ട്രീ​റ്റ്​ ജേ​ണ​ലി​നും പു​ലി​റ്റ്​​സ​ർ പു​ര​സ്​​കാ​രം
  • കശാപ്പ് ചെയ്ത് നാലു മണിക്കൂര്‍ കഴിഞ്ഞ പന്നികളുടെ തലച്ചോറിന് ഭാഗിക പുനര്‍ജീവന്‍ നല്‍കി ശാസ്ത്രജ്ഞര്‍
  • ഡെന്‍വര്‍ മേഖലയിലെ സ്‌കൂളുകള്‍ക്ക് ആശങ്ക ഉയര്‍ത്തിയ കൗമാരപ്രായക്കാരിയെ മരിച്ച നിലയില്‍ കണ്ടത്തി
  • കെ.എം.മാണിയെ ഹൂസ്റ്റണില്‍ അനുസ്മരിച്ചു
  • Write A Comment

     
    Reload Image
    Add code here