ബൈബിള്‍ കലോത്സവം ഡാളസില്‍; മാര്‍ മാത്യു മൂലക്കാട്ട് മുഖ്യാതിഥി

Thu,Oct 11,2018


ഡാളസ്: ക്‌നാനായ കാത്തലിക് റീജിയണിലെ ഹൂസ്റ്റണ്‍ ഫൊറോനാതല ബൈബിള്‍ കലോത്സവം ഒക്‌ടോബര്‍ 20 ന് ഡാളസിലെ ക്രൈസ്റ്റ് ദ കിംഗ് ക്‌നാനായ കാത്തലിക് പള്ളിയില്‍ വച്ച് നടത്തപ്പെടുന്നതാണ്. കോട്ടയം അതിരൂപതാധ്യക്ഷന്‍ ആര്‍ച്ച്ബിഷപ് മാര്‍ മാത്യു മൂലക്കാട്ട് ചടങ്ങില്‍ മുഖ്യാതിഥിയായി പങ്കെടുക്കും. അന്നു രാവിലെ 9.30 ന് മാര്‍ മാത്യു മൂലക്കാട്ടിന്റെ മുഖ്യകാര്‍മിത്വത്തില്‍ വിശുദ്ധ ബലി അര്‍പ്പിക്കും. ക്‌നാനായ റീജിയണ്‍ വികാരി ജനറാള്‍ ഫാ.തോമസ് മുളവനാല്‍, ഫൊറോനയിലെ വൈദികര്‍ എന്നിവര്‍ സഹകാര്‍മികരായിരിക്കും. തുടര്‍ന്നാണ് മത്സരങ്ങള്‍ ആരംഭിക്കുക.
വൈകുന്നരം അഞ്ചു മണിക്ക് പൊതുസമ്മേളനവും സമ്മാനദാനവും നടക്കും. ആറു ണിക്ക് ഫോറോയിലെ മൂന്നു ദേവാലയങ്ങള്‍ അര മണിക്കൂര്‍ വിതം ദൈര്‍ഘ്യമുള്ള കലാപരിപാടികള്‍ അവതരിപ്പിക്കുന്നതാണ്. തുടര്‍ന്ന് സ്‌നേഹവിരുന്നും ക്രമീകരിച്ചിട്ടുണ്ട്.
ഹൂസ്റ്റണ്‍, സാന്‍ അന്റോണിയോ, ഡാളസ് എന്നിവിടങ്ങളിലെ ക്‌നാനായ കാത്തലിക് ദേവാലയങ്ങളാണ് ഫൊറോനാതല മത്സരത്തില്‍ പങ്കെടുക്കുക. ഇടവക തല മത്സരങ്ങളില്‍ ആദ്യ രണ്ടു സ്ഥാനങ്ങള്‍ നേടുന്നവര്‍ക്കാണ് ഫൊറോന മത്സരത്തില്‍ പങ്കെടുക്കാന്‍ യോഗ്യത ലഭിക്കുന്നത്. കൊച്ചുകുട്ടികള്‍ മുതല്‍ മുതിര്‍ന്നവര്‍ വരെയുള്ളവര്‍ക്ക് സഭാ - സമുദായ വിഷയങ്ങളുമായി ബന്ധപ്പെട്ട് ക്രിസ്ത്യന്‍ ഭക്തിഗാന ആലാപനം, ബെബിള്‍ കഥ പറച്ചില്‍, ഗ്രൂപ്പ് ഡാന്‍സ്, ലേഖന - കഥാ - കവിതാ രചനാ മത്സരം, പുരാതനപ്പാട്ട്, ബൈബിള്‍ ക്വിസ്, നടവിളി തുടങ്ങി വിവിധ മത്സരങ്ങള്‍ ബൈബിള്‍ കലോത്സവത്തില്‍ ക്രമീകരിച്ചിട്ടുണ്ട്.
ബൈബിള്‍ കലോത്സവത്തിന്റെ നടത്തിപ്പിനായി ഫൊറാന വികാരി ഫാ.സുനി പടിഞ്ഞാറേക്കര ജനറല്‍ കണ്‍വീനറായി കമ്മിറ്റി രൂപീകരിച്ച് പ്രവര്‍ത്തനം നടത്തി വരുന്നു. ഫാ.ജോസ് ചിറപ്പുറത്ത്, ഫാ.ബിനോയി നാരമംഗലത്ത് - ജോയിന്റ് കണ്‍വീനേഴ്‌സ്, സുഭാഷ് അരീച്ചിറ - കണ്‍വീനര്‍, ബിബിന്‍ കളത്തില്‍ (ഡാളസ്), പീറ്റര്‍ ചാഴികാട്ട് (ഹൂസ്റ്റണ്‍), ബിജോ കാരക്കാട്ട് (സാന്‍ അന്റോണിയോ) - കോ ഓര്‍ഡിനേറ്റേഴ്‌സ് എന്നിവരടങ്ങുന്നതാണ് കമ്മിറ്റി. ഇടവകതല മത്സരങ്ങള്‍ക്ക് ജിജി മൂന്നുപറയില്‍ (സാന്‍ അന്റോണിയോ), രഞ്ജിത് തറയില്‍ (ഡാളസ്), ജോണി ചെറുകര (ഹൂസ്റ്റണ്‍) എന്നിവര്‍ കോ ഓര്‍ഡിനേറ്റര്‍മാരായി പ്രവര്‍ത്തിച്ചു.


Other News

  • തന്നെ വീണ്ടും പ്രസിഡന്റാക്കുന്നില്ലെങ്കില്‍ അമേരിക്കന്‍ ഓഹരി വിപണി തകര്‍ന്ന് തരിപ്പണമാവുമെന്ന് ഡോണള്‍ഡ് ട്രംപ് ;ചൊവ്വാഴ്ച ഫ്ളോറിഡയിലെ ഓര്‍ലാന്റോയില്‍ വച്ചാണ് ട്രംപിന്റെ ഔദ്യോഗിക സ്ഥാനാര്‍ഥി പ്രഖ്യാപനം
  • ഇന്ത്യക്കാരായ നാലുപേര്‍ അമേരിക്കയില്‍ വീടിനുള്ളില്‍ വെടിയേറ്റു മരിച്ചു
  • ഹോളി ഫാമിലി ക്‌നാനായ പള്ളി ദശാബ്ദി ആഘോഷിക്കുന്നു
  • ഷിക്കാഗോ മലയാളി അസോസിയേഷന്‍ യൂത്ത് വിംഗ് ഉദ്ഘാടനം
  • കെ എച്ച് എന്‍ എ: പ്രളയ പുനരുദ്ധാരണ പദ്ധതിയുടെ ഉദ്ഘാടനം ജൂണ്‍ 18 ന് പാലക്കാട്
  • വെസ്റ്റ് ചെസ്റ്റര്‍ മലയാളി അസോസിയേഷന്റെ ഈ വര്‍ഷത്തെ ഓണഘോഷം സെപ്റ്റംബര്‍ 7 ശനിയാഴ്ച.
  • മെക്‌സിക്കോ അതിര്‍ത്തിയില്‍ ഇന്ത്യക്കാരിയായ ആറുവയസ്സുകാരിയ്ക്ക് ദാരുണ അന്ത്യം
  • വൈ​റ്റ്​​ഹൗ​സ്​ വ​ക്​​താ​വ്​ സാ​റ സാ​ൻ​ഡേ​ഴ്​​സ്​ സ്​​ഥാ​ന​മൊ​ഴി​യു​ന്നു
  • അ​സാ​ൻ​ജി​നെ യു.​എ​സി​ലേ​ക്ക്​ നാ​ടു​ക​ട​ത്തും; ഉ​ത്ത​ര​വി​ൽ ബ്രി​ട്ടീ​ഷ്​ ആ​ഭ്യ​ന്ത​ര സെ​ക്ര​ട്ട​റി ഒ​പ്പു​വെ​ച്ചു
  • അഭിവന്ദ്യകര്‍ദ്ദിനാള്‍ ലിയനാര്‍ഡോ സാന്‍ഡ്രിയ്ക്ക് എയര്‍പോര്‍ട്ടില്‍ സ്വീകരണം നല്‍കി
  • കേരളകോണ്‍ഗ്രസ് ചെയര്‍മാനായി സി.എഫ് തോമസ് എംഎല്‍എ വരുന്നതില്‍ എതിര്‍പ്പില്ലെന്ന് പിജെ ജോസഫ്
  • Write A Comment

     
    Reload Image
    Add code here