ഖഷോഗി വധം; സൗദി കിരീടാവകാശി രാജകുമാരന്‍ കിറുക്കനും അപകടകാരിയുമാണെന്ന് സീനിയര്‍ റിപ്പബ്ലിക്കന്‍ സെനറ്റര്‍

Tue,Dec 04,2018


വാഷിംഗ്ടണ്‍: സൗദി വിമത പത്രപ്രവര്‍ത്തകന്‍ ജമാല്‍ ഖോഷോഗിയുടെ വധത്തില്‍ സൗദി കിരീടാവകാശി രാജകുമാരന്‍ മുഹമ്മദ് ഹിന്‍ സല്‍മാനെ വെള്ളപൂശാന്‍ പ്രസിഡന്റ് ട്രമ്പ് ആവുന്നത്ര ശ്രമിക്കുന്നുണ്ടെങ്കിലും, അമേരിക്കന്‍ സെനറ്റിലെ റിപ്പബ്ലിക്കന്‍ - ഡെമോക്രാറ്റ് സെനറ്റര്‍മാര്‍ അതിനു കുട പിടിക്കുമെന്നു തോന്നുന്നില്ല. രാജകുമാരന് ഖഷോഗി വധത്തില്‍ പങ്കുണ്ട് എന്ന് ഉറച്ചു വിശ്വസിക്കുന്നതായി സീനിയര്‍ റിപ്പബ്ലിക്കന്‍ സെനറ്റര്‍ ലിന്‍ഡ്‌സെ ഗ്രഹാം പറഞ്ഞു. രാജകുമാരന്‍ കിറുക്കനും അപകടകാരിയുമാണെന്ന് കൂട്ടിച്ചേര്‍ക്കാനും അദ്ദേഹം മടിച്ചില്ല.
സെനറ്റിന്റെ വിദേശകാര്യ കമ്മിറ്റി മുമ്പാകെ സി.ഐ.എ ഡയറക്ടര്‍ ജിന ഹസ്പല്‍ നടത്തിയ ഹ്രസ്വമായ വിശദീകരണം ശ്രവിച്ച ശേഷം പുറത്തിറപ്പോഴാണ് ഗ്രഹാം ഇത്തരത്തില്‍ തുറന്നടിച്ചത്. പുക ഉതിര്‍ക്കുന്ന തോക്കല്ല, പുക ഉതിര്‍ക്കുന്ന വാളാണ് ഈ കേസിലുള്ളതെന്ന് ഗ്രാഹം പറഞ്ഞു. ഖഷോഗിയുടെ മൃതദേഹം പല കഷണങ്ങളാക്കി എന്ന വാദത്തെ സാധൂകരിക്കുന്ന വാക്കുകളാണ് അദ്ദേഹത്തില്‍ നിന്നുണ്ടായത്. യെമനില്‍ സൗദിയുടെ നേതൃത്വത്തില്‍ നടത്തുന്ന യുദ്ധത്തെ തുണയ്ക്കില്ലെന്നും, കിരീടാവകാശി രാജകുമാരന്‍ അധികാരത്തിലുള്ളിടത്തോളം കാലം സൗദിക്ക് ആയുധങ്ങള്‍ നല്‍കുന്നതിനെ അനുകൂലിക്കില്ലെന്നും ഗ്രഹാം പറഞ്ഞു. ന്യൂജേഴ്‌സിയില്‍ നിന്നുള്ള ഡെമോക്രാറ്റ് സെനറ്റര്‍ ബോബ് മെനന്‍ഡെസയും ഈ വാദത്തെ തുണച്ചു. ഇത്തരം നടപടികള്‍ ലോകത്ത് അംഗീകരിക്കാന്‍ കഴിയില്ല എന്ന വ്യക്തമായ സന്ദേശം അമേരിക്ക നല്‍കണമെന്ന് അദ്ദേഹം നിര്‍ദേശിച്ചു.
ഒരു ജൂറിക്കു മുമ്പില്‍ ഹാജരാക്കപ്പെട്ടാല്‍ 30 മിനിറ്റു കൊണ്ട് കിരീടാവകാശി രാജകുമാരന്‍ കേസില്‍ കുറ്റക്കരനായി വിധിക്കപ്പെടുമെന്ന് ടെന്നസിയില്‍ നിന്നുള്ള റിപ്പബ്ലിക്കന്‍ സെനറ്റര്‍ ബോബ് കോര്‍ക്കര്‍ പ്രതികരിച്ചു. അമേരിക്കയില്‍ താമസിച്ചു വന്നിരുന്ന ഒരാളുടെ വധത്തില്‍ സൗദി ഭരണാധികാരികള്‍ക്കു പങ്കുണ്ടെന്ന് സര്‍ക്കാരിന് അറിയാമെങ്കില്‍ പൊതുജനങ്ങളെ അക്കാര്യം എന്തു കൊണ്ടാണ് അറിയിക്കാത്തതെന്ന് മറ്റൊരു സെനറ്ററായ ക്രിസ് മര്‍ഫി ചോദിച്ചു. എല്ലാ കാര്യങ്ങളിലും രഹസ്യ സ്വഭാവം വേണമെന്ന് നിര്‍ബന്ധമില്ലെന്നും അദ്ദേഹം കൂട്ടിച്ചേര്‍ത്തു. ഖഷോഗി വധത്തിന് ഉത്തരവ് നല്‍കിയത് കിരീടാവകാശി രാജകുമാനായിരിക്കാം എന്നാണ് സി.ഐ.എ യുടെ നിഗമനം. ഖഷോഗിയെ വധിക്കാന്‍ പോയ സംഘത്തിന്റെ തലവന്‍ ഖതാനിയുമായി കിരീടാവകാശി രാജകുമാരന്‍ കൈമാറിയ സന്ദേശങ്ങള്‍ സി.ഐ.എ യുടെ പക്കലുണ്ട്. ഖഷോഗി വധത്തില്‍ രാജകുമാരന് അറിവുണ്ടാകാനും, മറിച്ചും സാധ്യതയുണ്ടെന്നും ഇതൊന്നും സൗദിയുമായുള്ള അമേരിക്കയുടെ ബന്ധത്തെ ബാധിക്കാന്‍ പാടില്ലെന്നുമുള്ള നിലപാടാണ് ട്രമ്പ് പുലര്‍ത്തുന്നത്.


Other News

  • ലൈംഗിക ചൂഷണം: മുന്‍ അമേരിക്കന്‍ കര്‍ദിനാളിനെ പൗരോഹിത്യ പദവിയില്‍ നിന്ന് നീക്കം ചെയ്തു
  • അതിര്‍ത്തി മതിലിനുള്ള ഫണ്ട് കണ്ടെത്താന്‍ നാഷണല്‍ എമര്‍ജന്‍സി പ്രഖ്യാപിച്ച് ട്രമ്പ്; വരാന്‍ പോകുന്നത് നിയമ പോരാട്ടം
  • സ്വയം പ്രതിരോധിക്കാൻ ഇന്ത്യക്ക് അവകാശമുണ്ടെന്ന് അമേരിക്ക
  • ചിക്കാഗോയിൽ നിന്ന്​ 65 കിലോമീറ്റർ അകലെ അറോറയിയില്‍ വെടിവെപ്പ്; അഞ്ച്​ മരണം
  • മതില്‍ വിഷയത്തില്‍ രണ്ടും കല്‍പിച്ച് ട്രമ്പ്; ഫണ്ട് വക മാറ്റി ചെലവഴിക്കാന്‍ പ്രസിഡന്റിന് അധികാരമുണ്ടെങ്കിലും ജനപ്രതിനിധി സഭ നോക്കിയിരിക്കില്ല
  • സിറിയയില്‍ നിന്നുള്ള സേനാ പിന്മാറ്റം; ട്രമ്പിന്റെ തീരുമാനത്തോടു വിയോജിപ്പു പ്രകടിപ്പിച്ച് മിഡില്‍ ഈസ്റ്റിലെ അമേരിക്കന്‍ ജനറല്‍ രംഗത്ത്
  • ഷട്ട്ഡൗണ്‍ ഒഴിവാക്കാന്‍ ബോര്‍ഡര്‍ സെക്യൂരിറ്റി ബില്ലില്‍ ട്രമ്പ് ഒപ്പുവയ്ക്കും; നാഷണല്‍ എമര്‍ജന്‍സി പ്രഖ്യാപിച്ച് അതിര്‍ത്തി മതിലിനുള്ള ഫണ്ട് കണ്ടെത്തും
  • ഷിക്കോഗോ സീറോ മലബാര്‍ കത്തീഡ്രലിലെ പുതിയ വികാരിക്ക് സ്വീകരണം
  • ധര്‍മ്മ സംവാദ പരമ്പരയുടെ സമാപനം ന്യൂയോര്‍ക്കില്‍
  • സംസ്ഥാന - പ്രാദേശിക രാഷ്ട്രീയ നേതാക്കളുടെ എതിര്‍പ്പ്; ന്യൂയോര്‍ക്കില്‍ പുതിയ ഹെഡ്ക്വാര്‍ട്ടേഴ്‌സ നിര്‍മിക്കാനുള്ള നീക്കം ആമസോണ്‍ ഉപേക്ഷിച്ചു
  • ഇറാനു വേണ്ടി ചാരപ്പണി നടത്തിയ മുന്‍ അമേരിക്കന്‍ വ്യോമസേനാ ഓഫീസര്‍ മോനിക്കയ്‌ക്കെതിരേ കുറ്റപത്രം
  • Write A Comment

     
    Reload Image
    Add code here