പുതിയ വിവരങ്ങള്‍ ലഭിച്ചു; പ്രവീണ്‍ വധക്കേസ് പരിഗണിക്കുന്നത് ജനുവരി 23 ലേക്കു മാറ്റിവച്ചു

Thu,Jan 10,2019


ഷിക്കാഗോ: അമേരിക്കയിലെ മലയാളി സമൂഹത്തെ ഏറെ നൊമ്പരപ്പെടുത്തിയ പ്രവീണ്‍ വര്‍ഗീസ് വധക്കേസില്‍ നിലിവലുള്ള കേസ് ഡിസ്മസ് ചെയ്യുന്നതു സംബന്ധിച്ച പ്രോസിക്യൂഷന്റെ ഹര്‍ജി ജനുവരി 23 നു പരിഗണിക്കും. ജാക്‌സണ്‍ കൗണ്ടിയിലെ സര്‍ക്യൂട്ട് കോടതിയില്‍ ജനുവരി ഒമ്പത് ബുധനാഴ്ച കേസ് പരിഗണിച്ചപ്പോള്‍ പ്രോസിക്യൂഷനാണ് കേസ് മാറ്റിവയ്ക്കാന്‍ അഭ്യര്‍ഥിച്ചത്. ഈ കേസില്‍ വീണ്ടും ജൂറി വിചാരണ നടത്തണമെന്ന സര്‍ക്യൂട്ട് കോടതി വിധി നിലനില്‍ക്കുന്ന സാഹചര്യത്തില്‍ നിലവിലുള്ള കേസ് ഡിസിമിസ് ചെയ്താല്‍ മാത്രമേ പ്രോസിക്യൂഷന് പുതിയ കേസിന്റെ നടപടികള്‍ ആരംഭിക്കുവാന്‍ കഴിയുകയുള്ളു.
ഈ കേസില്‍ ഇപ്പോള്‍ ജാമ്യത്തിലുള്ള പ്രതി ഗേജ് ബഥൂണ്‍ മറ്റൊരു കൗണ്ടിയിലുണ്ടായ കേസില്‍ ഉള്‍പ്പെട്ടിട്ടുണ്ടോ എന്ന സംശയം നിലനില്‍ക്കുകയാണ്. ഡ്രഗ് ഇടപാടുമായി ബന്ധപ്പെട്ട് ഗേജിന്റെ സഹോദരനെ കഴിഞ്ഞ ദിവസം അറസ്റ്റു ചെയ്തിരുന്നു. ഈ സമയത്ത് വണ്ടി ഓടിച്ചിരുന്നത് ഗേജ് ആണെന്ന് പറയപ്പെടുന്നു. പ്രവീണ്‍ വധവുമായി ബന്ധപ്പെട്ട് നിലവിലുള്ള കേസ് ഡിസ്മിസ് ചെയ്താല്‍ പുതിയതായി ഉണ്ടായ കേസ് ഇതുമായി ബന്ധപ്പെടുത്താന്‍ കഴിയില്ലെന്നു സൂചനയുണ്ട്. അതുകൊണ്ട് പുതിയ കേസില്‍ ഗേജിനെ പ്രതി ചേര്‍ത്താല്‍ അത് പ്രവീണ്‍ കേസുമായി ബന്ധിപ്പിക്കാന്‍ കഴിയുമെന്നും നിയമവൃത്തങ്ങള്‍ പറയുന്നു. ഗേജിനെപ്പറ്റി പുതിയ ചില വിവരങ്ങള്‍ അവസാന നിമിഷം ലഭിച്ചിട്ടുണ്ടെന്നും, ഇക്കാര്യത്തില്‍ കൂടുതല്‍ വിവരങ്ങള്‍ ശേഖരിക്കുന്നതിന് സമയം ആവശ്യമാണെന്നുമാണ് സ്‌പെഷല്‍ പ്രോസിക്യൂട്ടര്‍ ഡേവിഡി നീല്‍ കോടതിയെ ധരിപ്പിച്ചത്.
ഇതിനിടെ അമേരിക്കയിലെ പ്രമുഖ ചാനലായ ഇന്‍വെസ്റ്റിഗേഷന്‍ ഡിസ്‌കവറി പ്രവീണ്‍ കേസിലെ പുതിയ സംഭവവികാസങ്ങള്‍ കോര്‍ത്തിണക്കി 30 മിനിറ്റ് ദൈര്‍ഘ്യം വരുന്ന സ്റ്റോറി അടുത്തു തന്നെ സംപ്രേഷണം ചെയ്യുന്നതാണ്.


Other News

  • ഷട്ട്ഡൗണ്‍; ഒത്തുതീര്‍പ്പ് വ്യവസ്ഥ നിരാകരിച്ച ഡെമോക്രാറ്റ് നിലപാടിനെ നിശിതമായി വിമര്‍ശിച്ച് ട്രമ്പ്
  • യുഎസിലെ ഭരണ സ്തംഭനം അവസാനിപ്പിക്കാന്‍ പുതിയ ഒത്തുതീര്‍പ്പ് നിര്‍ദ്ദേശവുമായി പ്രസിഡന്റ് ഡോണള്‍ഡ് ട്രമ്പ്; മതില്‍ നിര്‍മാണ ഫണ്ട് ഡ്രീമര്‍മാരില്‍ നിന്ന് ഈടാക്കണം
  • അമേരിക്കയില്‍ ജോലി ചെയ്യാന്‍ അനുമതി ലഭിച്ച എച്ച് 1 ബി വിസക്കാരുടെ ജീവിതപങ്കാളിക്ക് അത് എത്രകാലം തുടരാനാകും എന്ന ആശങ്ക വര്‍ധിക്കുന്നു; വിഷയം കോടതിയുടെ പരിഗണനയില്‍
  • ശീതക്കാറ്റില്‍ അമേരിക്കയുടെ പല ഭാഗങ്ങളും തണുത്തു വിറയ്ക്കുന്നു; അയ്യായിരത്തോളം വിമാന സര്‍വീസുകള്‍ റദ്ദാക്കി
  • മോസ്‌കോയിലെ ട്രമ്പ് ടവര്‍: ബുസ്ഫീഡ് ന്യൂസ് റിപ്പോര്‍ട്ട് തള്ളി മ്യൂള്ളര്‍, ട്രമ്പിന് ആശ്വാസം
  • രണ്ടാമത് ട്രമ്പ് - കിം ഉച്ചകോടി അടുത്ത മാസം നടക്കുമെന്ന് വൈറ്റ്ഹൗസ്; വിയറ്റ്‌നാം വേദിയാകുമെന്ന് കരുതപ്പെടുന്നു
  • അമേരിക്കയിലെ ആശുപത്രികള്‍ ഇനി മുതല്‍ നിരക്കുകള്‍ ഓണ്‍ലൈനില്‍ പ്രസിദ്ധീകരിക്കണം
  • ട്രമ്പ് ടീമിന്റെ റഷ്യന്‍ ബന്ധത്തെപ്പറ്റി തെളിവുണ്ടെന്ന് അവകാശപ്പെട്ട ബെലാറഷ്യന്‍ മോഡലിനെ മോസ്‌കോയില്‍ അറസ്റ്റു ചെയ്തു
  • മോസ്‌കോയിലെ ട്രമ്പ് ടവര്‍: കോണ്‍ഗ്രസ് കമ്മിറ്റി മുമ്പാകെ കള്ളം പറയാന്‍ മൈക്കിള്‍ കോഹനു ട്രമ്പ് നിര്‍ദേശം നല്‍കിയിരുന്നുവെന്ന് റിപ്പോര്‍ട്ട്; നിഷേധിച്ച് ട്രമ്പ്
  • ഫോമായുടെ സേവനങ്ങള്‍ ആദിവാസി ഗ്രാമങ്ങളിലും
  • സ്വര്‍ഗ സംഗീതവുമായി അല്‍ഫോന്‍സ്, ഫ്രാങ്കോ, അഞ്ജു ടീം അമേരിക്കയിലും കാനഡയിലും പര്യടനം നടത്തുന്നു
  • Write A Comment

     
    Reload Image
    Add code here