ക്വോട്ട സമ്പ്രദായം ഇന്ത്യന്‍ സാങ്കേതിക വിദഗ്ധര്‍ക്ക് വിലങ്ങുതടി; ഗ്രീന്‍കാര്‍ഡിന് കാത്തിരിക്കേണ്ടി വരുന്നത് പത്തു വര്‍ഷം

Fri,Jan 11,2019


ന്യൂഡല്‍ഹി: നിശ്ചിത ക്വോട്ട അനുസരിച്ച് ഓരോ രാജ്യത്തിനും ഗ്രീന്‍ കാര്‍ഡ് അനുവദിക്കുന്നതു കൊണ്ട് ഉയര്‍ന്ന സാങ്കേതിക വൈദഗ്ധ്യമുള്ള ജോലിക്ക് അമേരിക്കയില്‍ എത്തുന്ന ഇന്ത്യക്കാര്‍ക്ക് പത്തു വര്‍ഷത്തോളം കാത്തിരുന്നാല്‍ മാത്രമേ ഗ്രീന്‍കാര്‍ഡ് ലഭിക്കുന്നുള്ളു എന്ന് അടുത്തയിടെ യു.എസ് കോണ്‍ഗ്രഷണല്‍ റിസര്‍ച്ച് സര്‍വീസ് നടത്തിയ സര്‍വേയില്‍ കണ്ടെത്തി. ക്വോട്ട സമ്പ്രദായം എടുത്തു കളഞ്ഞാല്‍ ഇന്ത്യ, ചൈന എന്നിവിടങ്ങളില്‍ നിന്നുള്ളവര്‍ക്കായിരിക്കും ഏറ്റവുമധികം ഗ്രീന്‍കാര്‍ഡ് കാര്‍ഡ് ലഭിക്കുക.
ഇന്ത്യക്കാര്‍ക്ക് പത്തു വര്‍ഷമാണ് കാത്തിരിക്കേണ്ടി വരുന്നതെങ്കില്‍ ചൈനക്കാര്‍ക്ക് ഇത് പതിനൊന്നര വര്‍ഷത്തിലധികമാണ്. എല്‍ സാല്‍വദോര്‍, ഗ്വാട്ടിമാല, ഹോണ്ടൂറാസ് എന്നിവിടങ്ങളിലുള്ളവരുടെ കാത്തിരിപ്പ് രണ്ടു വര്‍ഷവും പത്തു മാസവുമാണ്. മെക്‌സിക്കോക്കാര്‍ക്ക് ഇത് രണ്ടു വര്‍ഷമാണെങ്കില്‍ മറ്റു രാജ്യക്കാര്‍ക്ക് ഇത് ഒരു വര്‍ഷവും ആറു മാസവും മാത്രമാണ്. ജനസംഖ്യ എത്രയെന്നു നോക്കാതെ തൊഴില്‍ - കുടുംബ അടിസ്ഥാനത്തില്‍ ഒരു വര്‍ഷം ഏഴു ശതമാനമെന്ന ക്വോട്ടയാണ് നിലനില്‍ക്കുന്നത്. ഒരേ രാജ്യത്തു നിന്ന് ഒര കാറ്റഗറിയില്‍ കൂടുതല്‍ അപേക്ഷകരുണ്ടെങ്കില്‍ കാലതാമസം വര്‍ധിക്കും.
2018 ഏപ്രിലിലെ കണക്കനുസരിച്ച് ഗ്രീന്‍കാര്‍ഡിനായി കാത്തിരിക്കുന്ന ഇന്ത്യക്കാരായ അപേക്ഷകരുടെ എണ്ണം 306,601 ആണ്. ഇതില്‍ നല്ലൊരു പങ്കും ഐ.ടി പ്രൊഫഷണലുകളാണ്. തൊഴിലിന്റെ അടിസ്ഥാനത്തില്‍ നല്‍കുന്ന ഗ്രീന്‍കാര്‍ഡുകള്‍ക്കുള്ള അപേക്ഷകരില്‍ 78 ശതമാനവും ഇന്ത്യക്കാരാണെന്ന് സര്‍വേയില്‍ കണ്ടെത്തി. ക്വോട്ട സമ്പ്രദായം എടുത്തു കളയണമെന്ന് ആവശ്യപ്പെട്ട് ചില അമേരിക്കന്‍ നിയമ നിര്‍മാതക്കള്‍ നടത്തിയിട്ടുള്ള നീക്കം പൂവണിഞ്ഞാല്‍ ഇന്ത്യ, ചൈന എന്നിവിടങ്ങളില്‍ നിന്ന് ഗ്രീന്‍കാര്‍ഡിനായി കാത്തിരിക്കുന്ന പതിനായിരങ്ങള്‍ക്ക് അത് ശുഭകരമായ കാര്യമാകും.


Other News

  • നിക്ഷേപം നടത്തി അമേരിക്കയിലേക്ക് വിസ സമ്പാദിക്കുന്ന ഇന്ത്യക്കാരുടെ എണ്ണത്തില്‍ വന്‍ കുതിപ്പ്; 2018 ല്‍ മൂന്നാംസ്ഥാനത്ത്
  • എക്യുമെനിക്കല്‍ ഫെല്ലോഷിപ്പ് ലോകപ്രാര്‍ത്ഥനാ ദിനം ആചരിച്ചു
  • കെ.സി.സി.എന്‍.എ സ്ഥാനാര്‍ത്ഥി സംവാദം ഷിക്കാഗോയില്‍ നടത്തി
  • ഫിലാഡല്‍ഫിയ സെന്റ് ജൂഡ് മലങ്കര ഇടവകയില്‍ നോമ്പുകാല ധ്യാനം
  • യു.എസ് സെനറ്റ് യൂത്ത് പ്രോഗ്രാമില്‍ സാന്നിധ്യമറിയിച്ച് നിരവധി ഇന്ത്യന്‍ അമേരിക്കന്‍ വിദ്യാര്‍ഥികള്‍
  • അമേരിക്കന്‍ പാചക മത്സരത്തില്‍ മലയാളി യുവതി ഒന്നാമതെത്തി
  • ഹൂസ്റ്റണ്‍ ഓര്‍ത്തഡോക്‌സ് കണ്‍വന്‍ഷനും സുവിശേഷ യോഗവും നടത്തുന്നു
  • ഫോമാ ദേശീയ വിമന്‍സ് ഫോറം ഉദ്ഘാടനം ടാമ്പയില്‍
  • അമേരിക്കന്‍ അതിഭദ്രാസന ഫാമിലി കോണ്‍ഫറന്‍സ്; ഇടവക രജിസ്‌ട്രേഷന്‍ കിക്കോഫ് നടത്തി
  • ഒബാമയുടെ ഭരണകാലത്ത് സാമ്പത്തിക ഉപദേഷ്ടാവായിരുന്ന അലന്‍ ക്രൂഗര്‍ വിടവാങ്ങി
  • ഭീകരാക്രമണത്തില്‍ കൊല്ലപ്പെട്ടവര്‍ക്ക് ഐക്യദാര്‍ഢ്യം പ്രഖ്യാപിച്ച് 'നിസ്‌കാര നിര'യുമായി ന്യൂസീലന്‍ഡ് എംബ്ലം
  • Write A Comment

     
    Reload Image
    Add code here