ശ്രീലങ്കയിലെ മുസ്‌ലിം ഗ്രാമമായ മുല്ലെഗാമ കത്തുന്നു; അടിയന്തരാവസ്ഥയെ തള്ളി അക്രമികളുടെ അഴിഞ്ഞാട്ടം; 20 വീടുകള്‍ അഗ്നിക്കിരയാക്കി

Thu,Mar 08,2018


മുല്ലെഗാമ: മധ്യശ്രീലങ്കയില്‍ ആളിപ്പടരുന്ന മതസംഘര്‍ഷത്തില്‍ അടിയന്തരാവസ്ഥയും പരാജയപ്പെടുന്നു.
ബുദ്ധമതക്കാരും മുസ്ലിംകളും തമ്മിലുള്ള സംഘര്‍ഷം രൂക്ഷമായതിനെത്തുടര്‍ന്ന് കഴിഞ്ഞ ദിവസമാണ് സര്‍ക്കാര്‍ പത്തു ദിവസത്തേക്ക് സ്റ്റേറ്റില്‍ അടിയന്തരാവസ്ഥ പ്രഖ്യാപിച്ചത്.
അതേ സമയം അടിയന്തരാവസ്ഥയെ അവഗണിച്ചും അക്രമങ്ങള്‍ പെരുകുന്നതായാണ് റിപ്പോര്‍ട്ട്. അക്രമാസക്തരായ ബുദ്ധമതാനുയായികള്‍ മുസ്‌ലിംകള്‍ ഉള്ള ഇടങ്ങളിലെല്ലാമെത്തി അതിക്രമം തുടരുകയാണ്.
വീടുകള്‍ക്കും കച്ചവട സ്ഥാപനങ്ങള്‍ക്കും മോസ്‌കുകള്‍ക്കും തീയിട്ട് നശിപ്പിക്കുകയാണ്. ബുധനാഴ്ച 20 ഓളം വീടുകളാണ് അഗനിക്കിരയായത്.
കലാപബാധിത മേഖലയില്‍ നിന്ന് ആളുകള്‍ എല്ലാം ഉപേക്ഷിച്ച് ഓടിപ്പോവുകയാണ്.
പലരും ബാരിക്കേഡുകള്‍ ഉയര്‍ത്തി സംരക്ഷിക്കപ്പെട്ടിട്ടുള്ിള മോസ്‌ക്കുകളിലാണ് അഭയം പ്രാപിച്ചിട്ടുള്ളത്.
വിദ്വേഷ പ്രചാരണങ്ങളും അക്രമാഹ്വാനങ്ങളും തടയാന്‍ ഇന്റര്‍നെറ്റു സംവിധാനങ്ങളും സോഷ്യല്‍ മീഡിയയും നിരോധിച്ചിരിക്കുകയാണ്. ആയിര്രക്കിനു പോലീസിനെയും സൈനികരെയുമാണ് കലാപ ബാധിത മേഖലയില്‍ വിന്യസിച്ചിട്ടുള്ളത്. അടിയന്രാവസ്ഥയുടെ മൂന്നാം ദിനത്തിലും സംഘര്‍ഷമേഖലയില്‍ നിരോധനാജ്ഞയും നിലവിലുണ്ട്.
മധ്യ ശ്രീലങ്കയിലെ മുല്ലെഗാമയില്‍ ഒരു ബുദ്ധ ക്ഷേത്രത്തിലെ ഭണ്ഡാരം മോഷണം പോയതിനെതുടര്‍ന്നാണ് മേഖലയില്‍ സംഘര്‍ഷം ഉടലെടുത്തത്.
മുസ്‌ലിംകളാണ് ഭണ്ഡാരപ്പെട്ടി മോഷ്ടിച്ചതെന്ന സംശയമാണ് വലിയ വര്‍ഗ്ഗീയ കലാപമായി വളര്‍ന്നത്. ബുധനാഴ്ച 20 മുസ്ലിം വീടുകള്‍ അക്രമികള്‍ അഗ്നിക്കിരയാക്കി. പ്രദേശത്തെ ജനങ്ങള്‍ വീടുകള്‍ ഉപേക്ഷിച്ച് പ്രദേശത്തെ മോസ്‌കില്‍ ബാരിക്കേഡുകള്‍ കൊണ്ട് പ്രതിരോധിച്ച് അഭയം പ്രാപിച്ചിരിക്കുകയാണ്.
പോലീസ് തങ്ങളെ അക്രമങ്ങളില്‍ നിന്ന് വിലക്കി നിര്‍ത്തിയെങ്കിലും അക്രമം തുടരുന്ന ബുദ്ധ വിഭാഗക്കാരെ തടയുന്നില്ലെന്ന് മോസ്‌കിനകത്തു കഴിയുന്നവര്‍ പരാതിപ്പെടുന്നു.

Other News

  • വൈന്‍ സഹസ്ഥാപകന്‍ കൊളിന്‍ ക്രോള്‍ അപ്പാര്‍ട്ട്‌മെന്റില്‍ മരിച്ചനിലയില്‍
  • ഇന്ത്യയുടെ നെഹ്വല്‍ ചൗദാസമ പുറത്ത്, കാത്രിയോണ ഗ്രേ വിശ്വസുന്ദരി
  • മുസ്ലീം വിരുദ്ധ പരാമർശം: ഇസ്രായേല്‍ പ്രധാനമന്ത്രിയുടെ മകന്റെ അക്കൗണ്ട് ഫെയ്‌സ്ബുക്ക് പൂട്ടി
  • ശ്രീ​ല​ങ്ക​യി​ൽ റ​നി​ൽ വി​ക്ര​മ​സിം​ഗെ വീ​ണ്ടും പ്ര​ധാ​ന​മ​ന്ത്രി​യാ​യി അ​ധി​കാ​ര​മേ​റ്റു
  • പശ്ചിമ ജെറുസലേമിനെ ഇസ്രായേല്‍ തലസ്ഥാനമായി ഓസ്‌ട്രേലിയ അംഗീകരിച്ചു
  • ശ്രീലങ്കയില്‍ രാഷ്ട്രീയ അനിശ്ചിതത്വങ്ങള്‍ക്ക് വിരാമമിട്ടു പ്രധാനമന്ത്രി മഹിന്ദ രാജപക്‌സെ രാജിവെച്ചു
  • സാമ്പത്തിക പ്രതിസന്ധി; യു.എ.ഇ യില്‍ മലയാളിയുടെ ഉടമസ്ഥതയിലുണ്ടായിരുന്ന അല്‍ മനാമ സൂപ്പര്‍ മാര്‍ക്കറ്റുകള്‍ക്ക് താഴു വീണു, ഉടമ നാടു വിട്ടു, വിതരണക്കാരും ജീവനക്കാരും വെട്ടില്‍
  • എനിക്ക് എങ്ങിനെയാണ് മുറിക്കേണ്ടതെന്ന് അറിയാമെന്ന് ഖഷോഗിയുടെ ഘാതക സംഘത്തിലെ ഒരംഗം പറഞ്ഞതായി എര്‍ദോഗന്റെ വെളിപ്പെടുത്തല്‍
  • മെക്‌സിക്കോയുടെ വനേസ പോണ്‍സ് ഡി ലിയോണ്‍ ലോകസുന്ദരി
  • ലോകത്തിലെ ആദ്യ ഡിജിറ്റല്‍ കോടതിക്ക് അബുദാബിയില്‍ തുടക്കമായി; കോടതി നടപടികള്‍ക്ക് പേപ്പര്‍ ഉപയോഗിക്കില്ല
  • ഖഷോഗി വധം: അറസ്റ്റിലായവരെ വിചാരണയ്ക്ക് വിട്ടു നല്‍കണമെന്ന ടര്‍ക്കിയുടെ ആവശ്യം സൗദി നിരസിച്ചു
  • Write A Comment

     
    Reload Image
    Add code here