ഇന്ത്യ സന്ദര്‍ശന വേളയില്‍ ജസ്റ്റിന്‍ ട്രൂഡോയ്ക്കു പറ്റിയ പാളിച്ചകള്‍ ഒഴിവാക്കാന്‍ മക്രോണ്‍ കരുതലോടെ എത്തുന്നു

Thu,Mar 08,2018


പാരീസ്: കാനഡ പ്രധാനമന്ത്രി ജസ്റ്റിന്‍ ട്രൂഡോ രണ്ടാഴ്ച മുമ്പ് നടത്തിയ ഇന്ത്യാ സന്ദര്‍ശനം കാര്യമായ ചലനമൊന്നുമുണ്ടാക്കാതെ കടന്നു പോവുകയായിരുന്നു. ട്രൂഡോയുടെ സുഹൃത്തും ഫ്രഞ്ച് പ്രസിഡന്റുമായ ഇമ്മാനുവല്‍ മക്രോണ്‍ ഈ ആഴ്ച ഒടുവില്‍ ഇന്ത്യ സന്ദര്‍ശിക്കുമ്പോള്‍ തന്റെ സഖ്യരാജ്യത്തെ നേതാവിനു പറ്റിയ പാളിച്ചകള്‍ ഒഴിവാക്കാന്‍ മുന്‍കരുതല്‍ എടുത്തിട്ടുണ്ട്. സിക്ക് വിഘടനവാദികളോട് കാനഡ മൃദുസമീപനം പുലര്‍ത്തുന്നുവെന്ന് ഇന്ത്യ കരുതുന്നതു കൊണ്ട് ട്രൂഡോയെ വിമാനത്താവളത്തില്‍ സ്വീകരിക്കുവാന്‍ ഒരു സഹമന്ത്രിയെയാണ് നിയോഗിച്ചിരുന്നത്. ട്രൂഡോയ്ക്ക് ഇന്ത്യന്‍ നേതാക്കളുടെ ഭാഗത്തു നിന്ന് തണുപ്പന്‍ സ്വീകരണമാണ് പൊതുവേ ലഭിച്ചത്.
സമാന രാഷ്ട്രീയ കാഴ്ചപ്പാടുകള്‍ പുലര്‍ത്തുന്ന യുവ നേതാക്കളായ ട്രൂഡോയും മാക്രോണും അന്താരാഷ്ട്ര തലത്തില്‍ ഒരോപോലെയാണ് വീക്ഷിക്കപ്പെടുന്നത്. ആതിഥേയരുമായി കൂടുതല്‍ ഇടപെടല്‍ നടത്തി വ്യത്യസ്തമായ മതിപ്പ് ഉണ്ടാക്കാന്‍ മക്രോണ്‍ ശ്രമിക്കുമെന്നാണ് സൂചന. പ്രധാനമന്ത്രി നരേന്ദ്ര മോഡിക്കൊപ്പം മക്രോണ്‍ കൂടുതല്‍ സമയം ചെലവഴിക്കുമെന്നും, ഇരുവരും തമ്മില്‍ കഴിഞ്ഞ ഒരു വര്‍ഷ കാലത്ത് അടുത്ത സൗഹൃദം വളര്‍ത്തിയെടുത്തിട്ടുണ്ടെന്നും ഫ്രഞ്ച് പ്രസിഡന്റിന്റെ വക്താവ് നല്‍കിയ വിശദീകരണം ഇക്കാര്യം വ്യക്തമാക്കുന്നുണ്ട്.
മാക്രോണും, മോഡിയും തമ്മില്‍ ശനിയാഴ്ച കൂടിക്കാഴ്ച നടത്തും. റാഫേല്‍ യുദ്ധവിമാനങ്ങളുടെ വില്‍പന ഉള്‍പ്പെടെ പല നിര്‍ണായക തീരുമാനങ്ങളും ഫ്രഞ്ച് പ്രസിഡന്റിന്റെ സന്ദര്‍ന വേളയില്‍ ഉണ്ടാകുമെന്ന് പ്രതീക്ഷിക്കപ്പെടുന്നു. ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയുമായി കൂടുതല്‍ സഹകരണ പാത തുറക്കാന്‍ ഫ്രാന്‍സ് ആഗ്രഹിക്കുന്നുണ്ട്. ഇന്ത്യയിലെ വലിയ ബിസിനസ് സാധ്യത അമേരിക്കയെ പോലെ തന്നെ ഫ്രാന്‍സിനെയും ആകര്‍ഷിക്കുന്ന ഘടകമാണ്.

Other News

  • കടക്കെണിയിലും ദിവസവും ഹെലികോപ്റ്റര്‍ യാത്ര: ഇമ്രാന്‍ ഖാനെതിരെ പാക് മാധ്യമങ്ങൾ
  • സിറിയന്‍ തീരത്തുവച്ച് റഷ്യന്‍ യുദ്ധ വിമാനം അപ്രത്യക്ഷമായി
  • മാങ്​ഖുട്ട്​ ചുഴലിക്കാറ്റ്​ ഫിലിപ്പീൻസിൽ നിരവധി പേർ മണ്ണിനടിയിൽ
  • ഭാ​ര്യ കുല്‍സൂമിന്റെ മരണത്തെ തുടര്‍ന്ന് അനുവദിച്ച പരോള്‍ അവസാനിച്ചു; നവാസ് ഷരീഫ് വീണ്ടും ജയിലില്‍
  • ചരിത്രം കുറിക്കുന്ന ഉടമ്പടിക്ക് കളമൊരുങ്ങുന്നു; ചൈനയിലെ കത്തോലിക്കാ സഭയുടെയും തലവനായി മാര്‍പാപ്പയെ അംഗീകരിക്കും, കമ്യൂണിസ്റ്റ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും
  • വൈ​ദി​ക​ര്‍ക്കി​ട​യി​ലെ ലൈം​ഗി​ക​പീ​ഡ​നം: മാ​ർ​പാ​പ്പ അ​ടി​യ​ന്ത​ര സ​മ്മേ​ള​നം വി​ളി​ച്ചു
  • സ്‌കോട്ട്‌ലന്‍ഡില്‍ വാഴ്‌സിറ്റി പഠനത്തിന് എത്തിയ മകള്‍ക്കു വേണ്ടി ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെ
  • പാ​ക്​ മു​ൻ പ്ര​ധാ​ന​മ​ന്ത്രി ന​വാ​സ്​ ഷരീഫിന്റെ ഭാ​ര്യ ബീ​ഗം കു​ൽ​സൂം അന്തരിച്ചു
  • പ്ര​തി​വ​ർ​ഷം ലോകമെമ്പാടും എ​ട്ടു ല​ക്ഷ​ത്തോ​ളം പേ​ർ ആ​ത്മ​ഹ​ത്യ ചെ​യ്യു​ന്ന​താ​യി ലോകാരോഗ്യസംഘടന
  • ഒാ​ൺ​ലൈ​ൻ വ​ഴി​യു​ള്ള മ​ത​പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ​ക്ക്​ നി​യ​ന്ത്ര​ണം കൊ​ണ്ടു​വ​രാ​ൻ ചൈ​ന​യു​ടെ നീ​ക്കം
  • പാരീസില്‍ വീണ്ടും കത്തി ആക്രമണം: 7 പേർക്ക് പരിക്ക്; അഫ്ഗാൻ പൗരൻ പിടിയിൽ
  • Write A Comment

     
    Reload Image
    Add code here