ഷോപ്പിങ് പരിധി വിട്ടു​: മൗറീഷ്യസിലെ ആദ്യ വനിതാ പ്രസിഡൻറ്​ സ്ഥാനമൊഴിയുന്നു

Fri,Mar 09,2018


ലാഗോസ്: സാമ്പത്തിക ക്രമക്കേട് ആരോപണത്തെ തുടര്‍ന്ന് ​മൗറീഷ്യസിലെ ആദ്യ വനിതാ പ്രസിഡൻറ്​ അമീന ഗരീബ് ഫക്കീം സ്ഥാനമൊഴിയുന്നു. സേവന പ്രവർത്തനങ്ങൾക്കുള്ള ഫണ്ട്​ വ്യക്തിപരമായ ആവശ്യങ്ങൾക്ക്​ ചെലവഴിച്ചുവെന്ന ആരോപണം ഉയർന്നതിനെ തുടർന്നാണ്​ രാജി. പ്രസിഡൻറ്​ അടുത്തയാഴ്ച്ച സ്ഥാനമൊഴിയുമെന്ന് പ്രധാനമന്ത്രി പ്രവിന്ത് ജുഗ്നൗത്ത അറിയിച്ചു. രാജ്യം 50ാമത്​ സ്വാതന്ത്ര്യദിന ചടങ്ങുകൾക്ക്​ സാക്ഷ്യം വഹിക്കാനിരിക്കെയാണ്​ പ്രസിഡൻറി​​െൻറ രാജി. സ്വാതന്ത്ര്യദിന ആഘോഷങ്ങൾക്ക്​ ശേഷം മാർച്ച്​ 12 ന്​ സ്ഥാനമൊഴിയുമെന്നാണ്​ റിപ്പോർട്ട്​. മൗറീഷ്യസില്‍ സേവനപ്രവര്‍ത്തനങ്ങള്‍ നടത്താന്‍ ലണ്ടന്‍ ആസ്ഥാനമായ സന്നദ്ധസംഘടന നൽകിയ ക്രെഡിറ്റ് കാര്‍ഡുപയോഗിച്ച് വസ്ത്രങ്ങളും ആഭരണങ്ങളും വാങ്ങിയെന്നാണ് അമീനക്കെതിരായ ആരോപണം. 2016ലാണ് ഇതുസംബന്ധിച്ച് റിപ്പോര്‍ട്ട് ഒരു പ്രാദേശിക ചാനല്‍ പുറത്തുവിട്ടത്. എന്നാല്‍, താന്‍ അനധികൃതമായി ഒന്നും ചെയ്തിട്ടില്ലെന്ന നിലപാടില്‍ ഉറച്ചുനില്‍ക്കുകയായിരുന്നു അമീന. വിദ്യാഭ്യാസ സംബന്ധമായ ചാരിറ്റി പ്രവർത്തനങ്ങൾക്കു വേണ്ടി പ്ലാനറ്റ്​ എർത്​ ഇൻസ്​റ്റിറ്റ്യൂട്ട്​ നൽകിയ ക്രെഡിറ്റ് കാര്‍ഡുപയോഗിച്ച് ഇറ്റലി, ദുബൈ എന്നീ രാജ്യങ്ങളിൽ വൻതുകക്ക്​ അമീന ഷോപ്പിങ്​ നടത്തിയെന്നും മാധ്യമങ്ങൾ റിപ്പോർട്ട്​ ചെയ്​തിരുന്നു. വിവാദത്തെ തുടർന്ന്​ പ്രസിഡൻറിനെ പുറത്താക്കണമെന്ന വാദം ശക്തമായ സാഹചര്യത്തിലാണ്​ അമീന ഫക്കീം രാജി സന്നദ്ധത അറിയിച്ചത്​. 2015ലാണ് മൗറീഷ്യസിന്റെ ആദ്യ വനിതാ പ്രസിഡൻറായി അമീന ഫക്കീം സ്ഥാനമേറ്റത്.

Other News

  • ശ്രീ​ല​ങ്ക​യി​ൽ റ​നി​ൽ വി​ക്ര​മ​സിം​ഗെ വീ​ണ്ടും പ്ര​ധാ​ന​മ​ന്ത്രി​യാ​യി അ​ധി​കാ​ര​മേ​റ്റു
  • പശ്ചിമ ജെറുസലേമിനെ ഇസ്രായേല്‍ തലസ്ഥാനമായി ഓസ്‌ട്രേലിയ അംഗീകരിച്ചു
  • ശ്രീലങ്കയില്‍ രാഷ്ട്രീയ അനിശ്ചിതത്വങ്ങള്‍ക്ക് വിരാമമിട്ടു പ്രധാനമന്ത്രി മഹിന്ദ രാജപക്‌സെ രാജിവെച്ചു
  • സാമ്പത്തിക പ്രതിസന്ധി; യു.എ.ഇ യില്‍ മലയാളിയുടെ ഉടമസ്ഥതയിലുണ്ടായിരുന്ന അല്‍ മനാമ സൂപ്പര്‍ മാര്‍ക്കറ്റുകള്‍ക്ക് താഴു വീണു, ഉടമ നാടു വിട്ടു, വിതരണക്കാരും ജീവനക്കാരും വെട്ടില്‍
  • എനിക്ക് എങ്ങിനെയാണ് മുറിക്കേണ്ടതെന്ന് അറിയാമെന്ന് ഖഷോഗിയുടെ ഘാതക സംഘത്തിലെ ഒരംഗം പറഞ്ഞതായി എര്‍ദോഗന്റെ വെളിപ്പെടുത്തല്‍
  • മെക്‌സിക്കോയുടെ വനേസ പോണ്‍സ് ഡി ലിയോണ്‍ ലോകസുന്ദരി
  • ലോകത്തിലെ ആദ്യ ഡിജിറ്റല്‍ കോടതിക്ക് അബുദാബിയില്‍ തുടക്കമായി; കോടതി നടപടികള്‍ക്ക് പേപ്പര്‍ ഉപയോഗിക്കില്ല
  • ഖഷോഗി വധം: അറസ്റ്റിലായവരെ വിചാരണയ്ക്ക് വിട്ടു നല്‍കണമെന്ന ടര്‍ക്കിയുടെ ആവശ്യം സൗദി നിരസിച്ചു
  • ഫ്രാന്‍സില്‍ നാലാമത്തെ ആഴ്ചയും കലാപം രൂക്ഷം; രാജ്യത്തിന്റെ ഐക്യം തകര്‍ക്കരുതെന്ന് പ്രധാനമന്ത്രി
  • ഇന്റര്‍ ഫെയിത്ത് സമ്മേളനത്തില്‍ പങ്കെടുക്കുവാന്‍ ഫ്രാന്‍സിസ് മാര്‍പാപ്പ അബുദാബി സന്ദര്‍ശിക്കുന്നു
  • സ്വവര്‍ഗ പങ്കാളിയോടൊപ്പം ജീവിക്കാനായി ഭാര്യയെ കൊന്ന ഇന്ത്യന്‍വംശജന്‍ കുറ്റക്കാരനാണെന്ന് കോടതി
  • Write A Comment

     
    Reload Image
    Add code here