ചൈനയില്‍ ഇനി ഷീ ജിന്‍പിങ് ആജീവനാന്ത പ്രസിഡന്റ്; ഭരണഘടന ഭേദഗതിചെയ്ത് അധികാര കേന്ദ്രമായി

Sun,Mar 11,2018


ബീജിങ്ങ്: ചൈനീസ് പ്രസിഡന്റ് ഷീ ജിന്‍ പിങ് ഇനി ചൈനയുടെ ആജീവനാന്ത പ്രസിഡന്റ്. പ്രസിഡന്റിന്റെ കാലപരിധി നിശ്ചയിക്കുന്ന നിയമം ഭേദഗതി ചെയ്തു.
അഞ്ചു വര്‍ഷം വീതം പരമാവധി രണ്ടു തവണയേ ഒരാള്‍ക്കു പ്രസിഡന്റാകാനാകൂ എന്ന ഭരണഘടനാ വകുപ്പാണ് ചൈനീസ് പാര്‍ലമെന്റായ നാഷണല്‍ പീപ്പിള്‍സ് കോണ്‍ഗ്രസിന്റെ സമ്മേളനത്തില്‍ ഭേദഗതിചെയ്തത്. രണ്ട് പേര്‍ ഭേദഗതിയെ എതിര്‍ത്ത് വോട്ട് ചെയ്തു. 2958 വോട്ടുകള്‍ നേടിയാണ് ഭേദഗതി പാര്‍ലമെന്റ് പാസാക്കിയത്. ഇതോടെ മാവോ സെദൂങ്ങിനു ശേഷം ചൈനയുടെ ഏറ്റവും കരുത്തുറ്റ നേതാവായും അറുപത്തിനാലുകാരനായ ഷി ചിന്‍പിങ് മാറുകയാണ്.
കമ്യൂണിസ്റ്റ് പാര്‍ട്ടി ഓഫ് ചൈനയിലും സൈന്യത്തിലും നിര്‍ണായക സ്വാധീനം നേടിയ ജിന്‍പിങ്ങിന്റെ നീക്കം ഇന്ത്യ ഉള്‍പ്പെടെ അയല്‍രാജ്യങ്ങളെല്ലാം ആശങ്കയോടെയാണു കാണുന്നത്.
കഴിഞ്ഞ ഒക്ടോബറില്‍ നടന്ന ചൈനീസ് കമ്മ്യൂണിസ്റ്റ് പാര്‍ട്ടി കോണ്‍ഗ്രസില്‍ ഷീ ജിന്‍ പിങ് തന്റെ പിന്‍ഗാമിയെ പ്രഖ്യാപിക്കാതിരുന്നപ്പോള്‍ തന്നെ ഇത് സംബന്ധിച്ച സൂചനകള്‍ പുറത്തുവന്നിരുന്നു. ഒരേസമയം പ്രസിഡന്റ്, കമ്മ്യൂണിസ്റ്റ് പാര്‍ട്ടി തലവന്‍, സൈന്യത്തിന്റെ കമാന്‍ഡര്‍ ഇന്‍ ചീഫ്, എന്നീ മൂന്നു പദവികളും ഷീ ജിന്‍ പിങ് വഹിക്കുന്നുണ്ട്. ചൈനയില്‍ മാവോ സെതൂങ്ങിന് തുല്യമായ പ്രാധാന്യമാണ് ഷീയ്ക്ക് ലഭിച്ചിരുന്നത്.
ഒരാള്‍ക്ക് തുടര്‍ച്ചയായി രണ്ടിലേറെ തവണ പ്രസിഡന്റും വൈസ് പ്രസിഡന്റും ആയിരിക്കാന്‍ പാടില്ലെന്ന ഭരണഘടനാവ്യവസ്ഥ ഒഴിവാക്കാനുള്ള ചൈനീസ് കമ്യൂണിസ്റ്റ് പാര്‍ട്ടിയുടെ ശുപാര്‍ശയ്ക്ക് നേരത്തെ പാര്‍ട്ടി പ്ലീനത്തില്‍ അംഗീകാരം ലഭിച്ചിരുന്നു. തുടര്‍ന്നാണു പാര്‍ലമെന്റിന്റെ അംഗീകാരത്തിനായി വിട്ടത്.
ഇലക്ട്രോണിക് വോട്ടിങ്ങും കൈ ഉയര്‍ത്തി പിന്തുണ പ്രഖ്യാപിക്കുന്നതും ഒഴിവാക്കി ഇത്തവണ ബാലറ്റ് പേപ്പര്‍ സംവിധാനമാണു വോട്ടെടുപ്പില്‍ സ്വീകരിച്ചത്. അംഗീകരിക്കുന്നു, അംഗീകരിക്കുന്നില്ല, വോട്ടു ചെയ്യുന്നില്ല എന്നിവയില്‍ ഒന്നിന്മേല്‍ അഭിപ്രായം രേഖപ്പെടുത്താനായിരുന്നു നിര്‍ദേശം.
ബെയ്ജിങ്ങിലെ ഗ്രേറ്റ് ഹാള്‍ ഓഫ് ദ് പീപ്പിളില്‍ തയാറാക്കിയ ചുവപ്പു പെട്ടിയില്‍ ആദ്യം ബാലറ്റ് നിക്ഷേപിച്ചത് ഷി ചിന്‍പിങ്ങായിരുന്നു. ചൈനീസ് ഭരണഘടനയുടെ ആദ്യ രൂപം 1954ലാണു നിലവില്‍ വരുന്നത്. 1982 മുതലുള്ള ഭരണഘടയാണു നിലവില്‍ പിന്തുടര്‍ന്നിരുന്നത്. അതിനിടെ നാലു തവണ ഭേദഗതികള്‍ ഉണ്ടായിട്ടുണ്ട്-1988, 1993, 1999, 2004 വര്‍ഷങ്ങളിലായിരുന്നു അത്. ഇതോടെ ഉത്തരകൊറിയയെ പോലെ ചൈനയും ഏകാധിപത്യ ഭരണത്തിലേക്ക് നീങ്ങുകയാണ്.

Other News

  • ശ്രീ​ല​ങ്ക​യി​ൽ റ​നി​ൽ വി​ക്ര​മ​സിം​ഗെ വീ​ണ്ടും പ്ര​ധാ​ന​മ​ന്ത്രി​യാ​യി അ​ധി​കാ​ര​മേ​റ്റു
  • പശ്ചിമ ജെറുസലേമിനെ ഇസ്രായേല്‍ തലസ്ഥാനമായി ഓസ്‌ട്രേലിയ അംഗീകരിച്ചു
  • ശ്രീലങ്കയില്‍ രാഷ്ട്രീയ അനിശ്ചിതത്വങ്ങള്‍ക്ക് വിരാമമിട്ടു പ്രധാനമന്ത്രി മഹിന്ദ രാജപക്‌സെ രാജിവെച്ചു
  • സാമ്പത്തിക പ്രതിസന്ധി; യു.എ.ഇ യില്‍ മലയാളിയുടെ ഉടമസ്ഥതയിലുണ്ടായിരുന്ന അല്‍ മനാമ സൂപ്പര്‍ മാര്‍ക്കറ്റുകള്‍ക്ക് താഴു വീണു, ഉടമ നാടു വിട്ടു, വിതരണക്കാരും ജീവനക്കാരും വെട്ടില്‍
  • എനിക്ക് എങ്ങിനെയാണ് മുറിക്കേണ്ടതെന്ന് അറിയാമെന്ന് ഖഷോഗിയുടെ ഘാതക സംഘത്തിലെ ഒരംഗം പറഞ്ഞതായി എര്‍ദോഗന്റെ വെളിപ്പെടുത്തല്‍
  • മെക്‌സിക്കോയുടെ വനേസ പോണ്‍സ് ഡി ലിയോണ്‍ ലോകസുന്ദരി
  • ലോകത്തിലെ ആദ്യ ഡിജിറ്റല്‍ കോടതിക്ക് അബുദാബിയില്‍ തുടക്കമായി; കോടതി നടപടികള്‍ക്ക് പേപ്പര്‍ ഉപയോഗിക്കില്ല
  • ഖഷോഗി വധം: അറസ്റ്റിലായവരെ വിചാരണയ്ക്ക് വിട്ടു നല്‍കണമെന്ന ടര്‍ക്കിയുടെ ആവശ്യം സൗദി നിരസിച്ചു
  • ഫ്രാന്‍സില്‍ നാലാമത്തെ ആഴ്ചയും കലാപം രൂക്ഷം; രാജ്യത്തിന്റെ ഐക്യം തകര്‍ക്കരുതെന്ന് പ്രധാനമന്ത്രി
  • ഇന്റര്‍ ഫെയിത്ത് സമ്മേളനത്തില്‍ പങ്കെടുക്കുവാന്‍ ഫ്രാന്‍സിസ് മാര്‍പാപ്പ അബുദാബി സന്ദര്‍ശിക്കുന്നു
  • സ്വവര്‍ഗ പങ്കാളിയോടൊപ്പം ജീവിക്കാനായി ഭാര്യയെ കൊന്ന ഇന്ത്യന്‍വംശജന്‍ കുറ്റക്കാരനാണെന്ന് കോടതി
  • Write A Comment

     
    Reload Image
    Add code here