സിറിയയില്‍ സൈനിക ഇടപെടല്‍ നടത്താനുള്ള യുഎസ് നീക്കത്തിനെതിരെ വീണ്ടും റഷ്യന്‍ മുന്നറിയിപ്പ്; ആക്രമണമുണ്ടായാല്‍ പ്രതിരോധിക്കും

Fri,Apr 13,2018


ക്രെംലിന്‍: ധൗമയില്‍ രാസായുധം പ്രയോഗിച്ചു എന്ന സംശയത്തിന്റെ പേരില്‍ സിറിയക്കെതിരെ വ്യോമാക്രമണം നടത്താനുള്ള യുഎസ് നീക്കത്തിനെതിരെ വീണ്ടും റഷ്യയുടെ താക്കീത്.
വിമതരുടെ നിയന്ത്രണത്തിലുള്ള ഖൗട്ട പ്രവിശ്യയിലെ ധൗമയില്‍ കഴിഞ്ഞ ദിവസം സിറിയന്‍ സേന നടത്തിയ വ്യോമാക്രമണത്തില്‍ കുട്ടികള്‍ ഉള്‍പ്പെടെ 80 ഓളം പേര്‍ കൊല്ലപ്പെട്ടിരുന്നു.
മേഖലയില്‍ സിറിയന്‍ സേന രാസായുധം പ്രയോഗിച്ചതിന്റെ ലക്ഷണങ്ങള്‍ കണ്ടെത്തിയതായി മനുഷ്യാവകാശ സംഘടനകളും അന്താരാഷ്ട്ര ഏജന്‍സികളും യുഎസും ഫ്രാന്‍സും അടക്കമുള്ള വന്‍ ശക്തികളും ആരോപിച്ചിരുന്നു. ഇതെതുടര്‍ന്ന് സിറിയന്‍ സഖ്യ കക്ഷിയായ റഷ്യയും യുഎസും തമ്മില്‍ ദിവസങ്ങളായി വാക് പോരു തുടരുകയാണ്.
സിറിയയില്‍ രാസായുധാക്രമണം എന്നത് കെട്ടുകഥയാണെന്നും വ്യാജദ ആരോപണം ഉന്നയിച്ച് അതിന്റെ ബലത്തില്‍ സിറിയയില്‍ സൈനിക ഇടപെടല്‍ നടത്താനുള്ള അമേരിക്കയുടെ തന്ത്രമാണിതെന്നാണ് റഷ്യ ആരോപിച്ചത്. അതേ സമയം രാസായുധാക്രമണം ഉണ്ടായതിന് തെളിവുണ്ടെന്ന വാദവുമായി ഫ്രഞ്ച് പ്രസിഡന്റ് മാക്രോണ്‍ വ്യാഴാഴ്ച രംഗത്തെത്തിയിരുന്നു.
അതേസമയം യുദ്ധത്തിന്റെ അന്തരീക്ഷം എത്രയും പെട്ടെന്ന് ഇല്ലാതാക്കുകയാണ് വേണ്ടതെന്ന് യുഎന്നിലെ റഷ്യന്‍ അംബാസിഡര്‍ വാസിലി നെബെന്‍സ്യ പ്രതികരിച്ചു.
അന്തരാഷ്ട്ര സമാധാനം തകര്‍ക്കുന്ന നിലപാടാണ് യുഎസ് കൈക്കൊള്ളുന്നതെന്ന് റഷ്യകുറ്റപ്പെടുത്തി.
ഇത് വളരെ അപകടകരമായ സാഹചര്യം സൃഷ്ടിക്കുമെന്നും റഷ്യന്‍ പ്രതിനിധി കൂട്ടിച്ചേര്‍ത്തു. യുഎസിനെ പിന്തുണക്കുന്ന പടിഞ്ഞാറന്‍ ശക്തികള്‍ സിറിയക്കെതിരെ സൈനിക നടപടി വേണമെന്ന ആവശ്യത്തില്‍ ഉറച്ചുനില്‍ക്കുകയാണ്. എന്നാല്‍ ഇത്തരം നടപടികള്‍ സിറിയന്‍ വിഷയം കൂടുതല്‍ സങ്കീര്‍ണമാക്കാനേ ഉപകരിക്കൂ എന്നാണ് റഷ്യയുടെ വാദം. യുദ്ധം ഒഴിവാകാനോ ഉണ്ടാകാനോ ഒരു തരത്തിലുള്ള സാധ്യതകളും നമുക്ക് തള്ളിക്കളയാനാവില്ലെന്നും യുഎന്‍ സുരക്ഷാ കൗണ്‍സില്‍ യോഗത്തിനുശേഷം റഷ്യന്‍ പ്രതിനിധി മാധ്യമ പ്രവര്‍ത്തകരെ അറിയിച്ചു.
സംഘര്‍ഷം അത്രയധികം ഉയരാനുള്ള പ്രവണതകളാണ് കാണുന്നതെന്നും അദ്ദേഹം പറഞ്ഞു. സിറിയയ്‌ക്കെതിരായി യുഎസ് മിസൈല്‍ ആക്രമണം നടത്തിയാല്‍ റഷ്യ പ്രതിറോധിക്കുമെന്ന് മുന്നറിയിപ്പ് നല്‍കിയിട്ടുണ്ട്. ഇത് സംബന്ധിച്ച് ഉയര്‍ന്ന സൈനിക നേതാക്കളുടെ യോഗം നടന്നു.
യുദ്ധസാഹചര്യമുള്ളതിനാല്‍ എല്ലാതരത്തിലും തയ്യാറായിരിക്കാനും ഉന്നതതലയോഗം തീരുമാനിച്ചു. പടിഞ്ഞാറന്‍ രാജ്യങ്ങളുടെ നിലപാട് എത്രത്തോളം യുദ്ധ സാധ്യതകൂട്ടുന്നു എന്നതിനെക്കുറിച്ച് അവലോകനം ചെയ്യാന്‍ വെള്ളിയാഴ്ച വീണ്ടും യുഎന്‍ സുരക്ഷാ കൗണ്‍സില്‍ യോഗം ചേരുമെന്നും റഷ്യന്‍ പ്രതിനിധി അറിയിച്ചു.

Other News

  • അറസ്റ്റിലായ മുന്‍ പാകിസ്ഥാന്‍ പ്രധാനമന്ത്രി നവാസ് ഷരീഫിനെയും മകള്‍ മറിയത്തെയും ജയിലിലേക്കു മാറ്റി
  • പാക്കിസ്ഥാനില്‍ തിരഞ്ഞെടുപ്പ് റാലികള്‍ക്കിടെ സ്‌ഫോടനങ്ങള്‍:സ്ഥാനാര്‍ഥിയടക്കം 133 പേര്‍ കൊല്ലപ്പെട്ടു
  • നവാസ് ഷെരീഫും മകളും പാക്കിസ്ഥാനില്‍ വന്നാലുടന്‍ അറസ്റ്റുചെയ്യാന്‍ നീക്കം
  • പാര്‍ലമെന്റ് ആക്രമിച്ച 8 ഐ.എസ് ഭീകരരെ ഇറാന്‍ തൂക്കിലേറ്റി
  • കമ്പ്യൂട്ടര്‍ ഹാര്‍ഡ് ഡ്രൈവില്‍ മലമ്പാമ്പിനെ ഒളിപ്പിച്ച് കടത്താന്‍ ശ്രമിച്ചയാള്‍ വിമാനത്താവളത്തില്‍ പിടിയില്‍
  • 17 ദിവസങ്ങള്‍ക്കു ശേഷം തായ്‌ലന്‍ഡിലെ ഗുഹയില്‍ അകപ്പെട്ട് 13 അംഗ സംഘത്തെ പൂര്‍ണമായി രക്ഷപ്പെടുത്തി
  • യു.എ.ഇ യില്‍ കടുത്ത ദാരിദ്ര്യത്തില്‍ 'തടവുകാരെ'പ്പോലെ ജീവിച്ച മലയാളിയുടെ ഏഴംഗ കുടുംബത്തിന് സഹായഹസ്തവുമായി നിരവധിപ്പേര്‍
  • ഗുഹയില്‍ നിന്ന് മൊത്തം 11 പേരെ രക്ഷിച്ചു; അവശേഷിക്കുന്നത് കോച്ചും ഒരു കുട്ടിയും
  • ഗുഹയില്‍ അവശേഷിക്കുന്ന നാലുകുട്ടികളെയും ഫുട്‌ബോള്‍ കോച്ചിനേയും രക്ഷിക്കാന്‍ മൂന്നാം ഘട്ട ശ്രമം തുടങ്ങി
  • തായ് ലാന്റില്‍ ഗുഹയില്‍ കുടുങ്ങിയ കുട്ടികളില്‍ നാലുപേരെ കൂടി രക്ഷപ്പെടുത്തി; രണ്ടാം ഘട്ട രക്ഷാ പ്രവര്‍ത്തനം ഊര്‍ജ്ജിതം
  • തായ്‌ലന്‍ഡില്‍ ഗുഹയില്‍ കുടുങ്ങിയ നാലു കുട്ടികളെ രക്ഷപ്പെടുത്തി; രണ്ടാംഘട്ട രക്ഷാദൗത്യം തിങ്കളാഴ്ച
  • Write A Comment

     
    Reload Image
    Add code here