സിറിയയിലെ വ്യോമാക്രമണം: സൈനികരെ പിന്‍വലിക്കരുതെന്ന ആവശ്യം ട്രമ്പ് അംഗീകരിച്ചതായി ഫ്രഞ്ച് പ്രസിഡന്റ് മാക്രോണ്‍

Mon,Apr 16,2018


പാരീസ്: വിമത സേനയെ സഹായിക്കുവാനായി സിറിയയില്‍ എത്തിയ യുഎസ് സഖ്യസേനയെ അവിടെ നിന്ന് പിന്‍വലിക്കരുതെന്ന കാര്യത്തില്‍ യുഎസ് പ്രസിഡന്റു ട്രമ്പുമായി ധാരണയിലെത്തിയെന്ന് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ വ്യക്തമാക്കി.
സഖ്യ സേനയെ ദീര്‍ഘകാലത്തേക്ക് സിറിയയില്‍തന്നെ നിലനിര്‍ത്തേണ്ടതിന്റെ പ്രാധാന്യം ട്രമ്പിനെ ബോധ്യപ്പെടുത്താനായെന്നും മാക്രോണ്‍ വെളിപ്പെടുത്തി.
സിറിയയില്‍ നിന്ന് അധികം വൈകാതെ യുഎസ് സേന പിന്മാറുമെന്ന് ഈ മാസം ആദ്യം ട്രമ്പ് പ്രഖ്യാപിച്ചിരുന്നു. എന്നാല്‍ ദൗമയില്‍ സിറിയ രാസായുധം പ്രയോഗിച്ചതായി ആരോപണമുയര്‍ന്നതിനെതുടര്‍ന്ന് ശനിയാഴ്ച സിറിയയുടെ രാസായുധ സംഭരണകേന്ദ്രങ്ങളിലേക്ക് യുഎസ്-യു.കെ-ഫ്രാന്‍സ് സഖ്യസേന മിസൈല്‍ ആക്രമണം നടത്തിയിരുന്നു.
അതേ സമയം ആക്രമണം നിയന്ത്രിതമാക്കി നിലനവിര്‍ത്തണമെന്നും ട്രമ്പിനോട് താന്‍ ആവശ്യപ്പെട്ടതായി മാക്രോണ്‍ വെളിപ്പെടുത്തി.
സിറിയയില്‍ സഖ്യസേന നടത്തിയ ശനിയാഴ്ചയിലെ ആക്രമണത്തിനുമുമ്പ് സിറിയന്‍ വിഷയത്തില്‍ ട്രമ്പ് മാക്രോണ്‍ കൂട്ടുകെട്ട് നിരവധി ചര്‍ച്ചകള്‍ നടത്തുകയും സിറിയയില്‍ സഖ്യസേന നിലനില്‍ക്കേണ്ടതിന്റെ പ്രാധാന്യത്തെക്കുറിച്ച് ആശയ വിനിമയം നടത്തുകയും ചെയ്തിരുന്നു.
അതേ സമയം മാക്രോണിന്റെ പ്രസ്താവനയ്ക്കു പിന്നാലെ യുഎസ് ദൗത്യത്തിന് മാറ്റമൊന്നും വരുത്തിയിട്ടില്ലെന്ന് വൈറ്റ് ഹൗസ് വക്താവ് സാറാ സാന്‍ഡേഴ്‌സ് പ്രസ്താവിച്ചു.
സിറിയയിലെ യുഎസ് സൈന്യം മാതൃരാജ്യത്തിലേക്ക് എത്രയും പെട്ടെന്ന് മടങ്ങണമെന്നു തന്നെയാണ് പ്രസിഡന്റ് ഡോണള്‍ഡ് ട്രമ്പ് ആഗ്രഹിക്കുന്നതെന്നും അതിന് മാറ്റം വരുത്തിയിട്ടില്ലെന്നുമാണ് സാറാ വ്യക്തമാക്കിയത്.
എന്നാല്‍ സിറിയയില്‍ നാശം വിതയ്ക്കുന്ന ഭീകര സംഘടനയായ ഇസ് ലാമിക് സ്റ്റേറ്റിനെ പരിപൂര്‍ണമായും നശിപ്പിക്കുന്ന കാര്യത്തില്‍ യുഎസ് നിശ്ചയദാര്‍ഢ്യത്തോടെ നിലകൊള്ളുകയാണെന്നും അവര്‍ കൂട്ടിച്ചേര്‍ത്തു.
ഒരു സാഹചര്യത്തിലും അമേരിക്കന്‍ സേന അനിശ്ചിതമായി സിറിയയില്‍ തുടരേണ്ടതില്ല എന്ന് വെള്ളിയാഴ്ച രാഷ്ട്രത്തെ അഭിസംബോധന ചെയ്തുകൊണ്ട് പ്രസിഡന്റ് ട്രമ്പ് വ്യക്തമാക്കിയിരുന്നു. പ്രസിഡന്റ് ബാഷര്‍ അഇല്‍ അസദിന്റെ സര്‍ക്കാരിനെ പുറത്താക്കാന്‍ പോരാടുന്ന കുര്‍ദ്ദുകളുടെയും അറബ് മിലിഷ്യകളുടെയും സഖ്യമായ സിറിയന്‍ ഡെമോക്രാറ്റിക് ഫോഴ്‌സിനെ സഹായിക്കുവാനായി 2000 ത്തോളം യുഎസ് സൈനികരാണ് സിറിയയില്‍ എത്തിയിട്ടുള്ളത്.

Other News

  • ഐക്യത്തിന്റെ സന്ദേശം പകര്‍ന്ന് ഉത്തര - ദക്ഷിണ കൊറിയന്‍ നേതാക്കള്‍ 'പവിത്ര' മല സന്ദര്‍ശിച്ചു; ട്രമ്പുമായി രണ്ടാമതൊരു ഉച്ചകോടിക്ക് താല്‍പര്യം പ്രകടിപ്പിച്ച് കിം
  • കടക്കെണിയിലും ദിവസവും ഹെലികോപ്റ്റര്‍ യാത്ര: ഇമ്രാന്‍ ഖാനെതിരെ പാക് മാധ്യമങ്ങൾ
  • സിറിയന്‍ തീരത്തുവച്ച് റഷ്യന്‍ യുദ്ധ വിമാനം അപ്രത്യക്ഷമായി
  • മാങ്​ഖുട്ട്​ ചുഴലിക്കാറ്റ്​ ഫിലിപ്പീൻസിൽ നിരവധി പേർ മണ്ണിനടിയിൽ
  • ഭാ​ര്യ കുല്‍സൂമിന്റെ മരണത്തെ തുടര്‍ന്ന് അനുവദിച്ച പരോള്‍ അവസാനിച്ചു; നവാസ് ഷരീഫ് വീണ്ടും ജയിലില്‍
  • ചരിത്രം കുറിക്കുന്ന ഉടമ്പടിക്ക് കളമൊരുങ്ങുന്നു; ചൈനയിലെ കത്തോലിക്കാ സഭയുടെയും തലവനായി മാര്‍പാപ്പയെ അംഗീകരിക്കും, കമ്യൂണിസ്റ്റ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും
  • വൈ​ദി​ക​ര്‍ക്കി​ട​യി​ലെ ലൈം​ഗി​ക​പീ​ഡ​നം: മാ​ർ​പാ​പ്പ അ​ടി​യ​ന്ത​ര സ​മ്മേ​ള​നം വി​ളി​ച്ചു
  • സ്‌കോട്ട്‌ലന്‍ഡില്‍ വാഴ്‌സിറ്റി പഠനത്തിന് എത്തിയ മകള്‍ക്കു വേണ്ടി ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെ
  • പാ​ക്​ മു​ൻ പ്ര​ധാ​ന​മ​ന്ത്രി ന​വാ​സ്​ ഷരീഫിന്റെ ഭാ​ര്യ ബീ​ഗം കു​ൽ​സൂം അന്തരിച്ചു
  • പ്ര​തി​വ​ർ​ഷം ലോകമെമ്പാടും എ​ട്ടു ല​ക്ഷ​ത്തോ​ളം പേ​ർ ആ​ത്മ​ഹ​ത്യ ചെ​യ്യു​ന്ന​താ​യി ലോകാരോഗ്യസംഘടന
  • ഒാ​ൺ​ലൈ​ൻ വ​ഴി​യു​ള്ള മ​ത​പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ​ക്ക്​ നി​യ​ന്ത്ര​ണം കൊ​ണ്ടു​വ​രാ​ൻ ചൈ​ന​യു​ടെ നീ​ക്കം
  • Write A Comment

     
    Reload Image
    Add code here