ഇന്തോനേഷ്യയിലെ ലോംബോക്ക് ദ്വീപില്‍ വീണ്ടും ഭൂചലനം: മുന്‍ ദുരന്തത്തില്‍ മരണം 100 കവിഞ്ഞു

Tue,Aug 07,2018


ജക്കാര്‍ത്ത: ഞായറാഴ്ച്ചയുണ്ടായ ഭൂചലനത്തില്‍ നൂറോളം പേര്‍ മരിച്ചതിന്റെ ആഘാതത്തിനിടെ ഇന്തോനേഷ്യയില്‍ വീണ്ടും ഭൂചലനമുണ്ടായത് പരിഭ്രാന്തി പരത്തി.
വിനോദ സഞ്ചാരകേന്ദ്രമായ ലോംബോക്ക് ദ്വീപിലാണ് റിക്ടര്‍ സ്‌കെയിലില്‍ 5.2 തീവ്രത രേഖപ്പെടുത്തിയ ഭൂചലനം ഉണ്ടായത്. അതേസമയം തുടര്‍ ഭൂചലനത്തില്‍ ആളപായം ഉണ്ടായോ എന്നതിനെ കുറിച്ച് ഔദ്യോഗിക വിവരങ്ങളൊന്നും ലഭിച്ചിട്ടില്ല.
ഞായറാഴ്ച വൈകിട്ടുണ്ടായ ശക്തമായ ഭൂചലനത്തില്‍ മരണസംഖ്യ നൂറ് കവിഞ്ഞു. ഭൂകമ്പത്തില്‍ ആയിരക്കണക്കിനു കെട്ടിടങ്ങള്‍ തകര്‍ന്നടിയുകയും 200 പേര്‍ക്കു ഗുരുതരമായി പരിക്കേല്‍ക്കുകയും ചെയ്തു. കെട്ടിടങ്ങളുടേയും മറ്റും അവശിഷ്ടങ്ങള്‍ക്കിടയില്‍ കുടുങ്ങിയവര്‍ക്കായി രക്ഷാപ്രവര്‍ത്തകര്‍ തിരച്ചില്‍ തുടരുകയാണ്.
ഭൂകമ്പ സാധ്യത മുന്നില്‍ കണ്ട് ഇരുപതിനായിരത്തോളം പ്രദേശവാസികളെ ലംബോക്കില്‍ നിന്ന് ഒഴിപ്പിച്ചിട്ടുണ്ട്. 6.9 തീവ്രത രേഖപ്പെടുത്തിയ ഭൂചലനത്തെ തുടര്‍ന്നു ദ്വീപിലെ റോഡുകളും പാലങ്ങളും തകര്‍ന്ന നിലയിലാണ്. വൈദ്യുതിവിതരണവും തടസ്സപ്പെട്ടു. ചില മേഖലകള്‍ ഒറ്റപ്പെട്ട നിലയിലാണ്.
ഇതോടൊപ്പം തന്നെ ദ്വീപില്‍ കുടുങ്ങിയ 1200 സഞ്ചാരികളെ ഒഴിപ്പിക്കാനുള്ള നടപടികള്‍ പുരോഗമിക്കുന്നുണ്ട്. പരുക്കേറ്റ നൂറുകണക്കിനാളുകളെ ഭൂചലനത്തില്‍ തകര്‍ന്ന ആശുപത്രിയുടെ വളപ്പിലാണു ചികില്‍സിക്കുന്നത്. ആശുപത്രി തകര്‍ന്നതിനാല്‍ ആശുപത്രിയുടെ പരിസരത്തുണ്ടാക്കിയ താല്‍ക്കാലിക കൂടാരങ്ങള്‍ നിര്‍മിച്ചാണു രോഗികളെ കിടത്തിയിരിക്കുന്നത്.
പസഫിക് റിങ് ഓഫ് ഫയര്‍ എന്ന മേഖലയിലാണ് ഇന്തോനേഷ്യ സ്ഥിതിചെയ്യുന്നത്. നിരവധി സജീവ അഗ്നിപര്‍വതങ്ങളുള്ള മേഖലയാണിത്. അതുകൊണ്ട് തന്നെ ലോകത്ത് പ്രകൃതി ദുരന്തങ്ങള്‍ക്ക് സാധ്യത കൂടുതലുള്ള രാജ്യമാണ് ഇന്തോനേഷ്യ.

Other News

  • അവസാനം സൗദിയും സമ്മതിച്ചു; ജമാല്‍ ഖഷോഗി ടര്‍ക്കിലെ സൗദി കോണ്‍സുലേറ്റിനുള്ളില്‍ വച്ച് കൊല്ലപ്പെട്ടു
  • ജമാല്‍ ഖഷോഗിയുടെ മൃതദേഹം കണ്ടെത്താന്‍ ടര്‍ക്കി അന്വേകര്‍ വനമേഖലയില്‍ തെരച്ചില്‍ നടത്തുന്നു
  • കാണ്ടഹാറില്‍ അമേരിക്കന്‍ കമാന്‍ഡര്‍ പങ്കെടുത്ത സുരക്ഷാ മീറ്റിംഗിനിടെ താലിബാന്‍ ആക്രമണം; പ്രവിശ്യാ പോലീസ് മേധാവി ഉള്‍പ്പെടെ മൂന്നു പേര്‍ കൊല്ലപ്പെട്ടു
  • പാക്കിസ്ഥാന് ഐഎംഎഫ് വായ്പ വേണ്ടിവരില്ലെന്ന് ഇമ്രാന്‍ ഖാന്‍
  • ഖഷോഗിയുടെ 'തിരോധാനം'; ഇസ്താംബൂളിലെ സൗദി കോണ്‍സുലിന്റെ വസതി പരിശോധിക്കുന്നു; കോണ്‍സുല്‍ രാജ്യം വിട്ടു
  • മീറ്റിങിനിടെ സീലിങില്‍നിന്ന് പെരുമ്പാമ്പ് താഴെ വീണു
  • സൗദി അറേബ്യയില്‍ വിദ്യാഭ്യാസമേഖലയിലും സ്വദേശിവല്‍ക്കരണം; മലയാളികള്‍ ആശങ്കയില്‍
  • പാക്കിസ്ഥാന്‍ റുപ്പിയുടെ മൂല്യം പത്തുശതമാനം ഇടിഞ്ഞു; രാജ്യം കടക്കെണിയില്‍
  • ചൈനയില്‍ വില്‍പന ഇടിഞ്ഞു; ജഗ്വാറിന്റെ യു.കെ പ്ലാന്റ് രണ്ടാഴ്ചത്തേക്ക് അടച്ചിടുന്നു
  • കാണാതായ ഇന്റര്‍പോള്‍ പ്രസിഡന്റ് മെങ് ഹോങ്വ തങ്ങളുടെ കസ്റ്റഡിയിലുണ്ടെന്ന് ചൈന
  • ചൈനാക്കാരനായ ഇന്റര്‍പോള്‍ പ്രസിഡന്റ് രാജിവച്ചു; കാണാനില്ലെന്ന് ഭാര്യ പരാതിപ്പെട്ട പ്രസിഡന്റിനെതിരേ അന്വേഷണം നടക്കുകയാണെന്ന് ചൈന
  • Write A Comment

     
    Reload Image
    Add code here