ആദ്യ ശബ്ദാതിവേഗ യുദ്ധവിമാനം വിജയകരമായി പരീക്ഷിച്ചുവെന്ന് ചൈന

Wed,Aug 08,2018


ബെയ്ജിങ്: ആണവപോര്‍മുന വഹിക്കാന്‍ശേഷിയുള്ളതും മിസൈല്‍ പ്രതിരോധസംവിധാനം തകര്‍ക്കാന്‍ശേഷിയുള്ളതുമായ ആദ്യ ശബ്ദാതിവേഗ യുദ്ധവിമാനം വിജയകരമായി പരീക്ഷിച്ചുവെന്ന് ചൈന.
സിങ്‌കോങ്-2, സ്റ്റാറി സ്‌കൈ-2 എന്നീ പേരുകളുള്ള വിമാനത്തിന്റെ പരീക്ഷണം വടക്കുപടിഞ്ഞാറന്‍ ചൈനയില്‍ വെള്ളിയാഴ്ച നടത്തിയതായി ചൈനീസ് സര്‍ക്കാരിന്റെ ഉടമസ്ഥതയിലുള്ള ഗവേഷണസ്ഥാപനമായ ചൈന അക്കാദമി ഓഫ് എയ്‌റോസ്‌പേസ് എയ്‌റോഡൈനാമിക്‌സ് (സി.എ.എ.എ.) പറഞ്ഞു.
പത്തുമിനിറ്റോളം വിമാനം പറത്തി. മുന്‍ നിശ്ചയിച്ചപ്രകാരമുള്ള ലക്ഷ്യത്തില്‍ വിമാനമിറക്കാനായെന്നും സി.എ.എ.എ. പറഞ്ഞു. ചൈന എയ്റോസ്‌പേസ് സയന്‍സ് ആന്‍ഡ് ടെക്‌നോളജി കോര്‍പ്പറേഷനും സി.എ.എ.എ.യും സംയുക്തമായാണ് സിങ്‌കോങ് രൂപകല്പന ചെയ്തത്.
മിസൈല്‍വേധ സംവിധാനം തകര്‍ക്കാന്‍ ശേഷിയുള്ള ശബ്ദാതിവേഗ യുദ്ധവിമാനമുണ്ടാക്കാനുള്ള ശ്രമം റഷ്യയും യു.എസും നടത്തിവരുന്നുണ്ട്. മിസൈല്‍ പ്രതിരോധ സംവിധാനങ്ങള്‍ക്കുപോലും കണ്ടെത്താന്‍ കഴിയാത്ത വേഗതയിലാകും ഈ ഹൈപ്പര്‍സോണിക് വിമാനങ്ങള്‍ കുതിക്കുക. മണിക്കൂറില്‍ 7,300 കിലോമീറ്ററിലേറെ വേഗത്തില്‍ കുതിക്കുന്ന സ്‌കൈ-2 വിമാനങ്ങള്‍ക്ക് ശബ്ദത്തേക്കാള്‍ അഞ്ചിരട്ടി വേഗത്തില്‍ കുതിക്കാനാകും.
പരമ്പരാഗത രീതിയിലുള്ള ആണവായുധങ്ങള്‍വരെ വഹിക്കാന്‍ ശേഷിയുള്ള ഹൈപ്പര്‍സോണിക് വിമാനങ്ങളുടെ പരീക്ഷണ വിജയം ചൈനീസ് പ്രതിരോധ ഗവേഷണത്തിലെ നാഴികക്കല്ലാണെന്ന് ചൈനീസ് പ്രതിരോധ വിദഗ്ധനായ സോങ് ഷോങ്പിങ് പറഞ്ഞു.
അമേരിക്കയ്ക്കും റഷ്യക്കുമൊപ്പം പൊരുതാന്‍ ശേഷിയുള്ള പ്രതിരോധശേഷി ചൈനക്ക് ആര്‍ജിക്കാനായി എന്നതാണ് ഇതു സൂചിപ്പിക്കുന്നതെന്ന് അദ്ദേഹം പറഞ്ഞു. ഇത്തരമൊരു നവീന പോര്‍വിമാനം വികസിപ്പിക്കുന്ന കാര്യം ആദ്യമായാണ് ചൈന പുറത്തുവിടുന്നതെന്നതും ശ്രദ്ധേയമാണ്. 2010 മുതല്‍ ഇത്തരമൊരു പോര്‍വിമാനം വികസിപ്പിക്കുന്നതിനായി അമേരിക്കയും റഷ്യയും ശ്രമിക്കുന്നുണ്ട്. എന്നാല്‍, ഈ മേഖലയില്‍ വിജയം കണ്ടത് രഹസ്യമായി ഗവേഷണം നടത്തിയ ചൈനയാണെന്നുമാത്രം.
നാറ്റോയുടെ മിസൈല്‍ പ്രതിരോധ സംവിധാനത്തെ മറികടക്കാന്‍ ശേഷിയുള്ള സിര്‍കോണ്‍ എന്ന ഹൈപ്പര്‍സോണിക് ആയുധം റഷ്യ വികസിപ്പിക്കുന്നതായി റിപ്പോര്‍ട്ടുകളുണ്ടായിരുന്നു. എന്നാല്‍, ഗവേഷണം ഏതുഘട്ടത്തിലെത്തിയെന്ന് വെളിപ്പെടുത്തിയിട്ടില്ല. പറക്കുന്നതിനിടയില്‍ത്തന്നെ ദിശ ക്ഷണനേരംകൊണ്ട് മാറ്റാനാകുമെന്നതിനാല്‍, മിസൈലുകള്‍ക്കുപോലും സ്‌കൈ-2 പോര്‍വിമാനത്തെ തകര്‍ക്കാനാവില്ലെന്നാണ് ചൈനീസ് ഗവേഷകര്‍ അവകാശപ്പെടുന്നത്.
പരീക്ഷണം വന്‍വിജയമായിരുന്നുവെന്ന് ചൈനീസ് എയറോസ്പേസ് എയറോഡൈനാമിക്സ് അക്കാദമിയിലെ ഗവേഷകര്‍ അഭിപ്രായപ്പെട്ടു. മിസൈലുകള്‍ തൊടുക്കാനും മിസൈല്‍ പ്രതിരോധ സംവിധാനങ്ങളെ ചെറുക്കാനും കഴിവുള്ള സ്‌കൈ-2 ആഗോളതത്തില്‍ പ്രതിരോധ ഗവേഷണങ്ങളെ വേറിട്ടൊരു തലത്തിലെത്തിരിക്കുകയാണെന്നും അവര്‍ പറഞ്ഞു. ഈ കണ്ടെത്തലോടെ, പ്രതിരോധ രംഗത്ത് ചൈന കൈവരിക്കുന്ന കുതിപ്പുകളെ ആശങ്കയോടെയാണ് ഇന്ത്യയടക്കമുള്ള രാജ്യങ്ങള്‍ കാണുന്നത്.

Other News

  • സിറിയയില്‍ ഐ.എസ് ഭീകരരുടെ നിയന്ത്രണത്തിലുള്ള അവസാന കേന്ദ്രത്തില്‍ നിന്ന് സിവിലിയന്മാരെ ഒഴിപ്പിച്ചു; അന്തിമ പോരാട്ടം ആസന്നം
  • ഐ.എസില്‍ ചേരാന്‍ സിറിയയിലേക്ക് ഒളിച്ചോടിയ കൗമാരപ്രായക്കാരിക്ക് ബ്രിട്ടനിലേക്ക് മടങ്ങാനാവില്ല; പൗരത്വം റദ്ദാക്കുന്നു
  • ബ്രിട്ടീഷ് രാജകുമാരന്‍ ഹാരിയുടെ പ്രിയപത്‌നി മേഗന്‍ മാര്‍കിള്‍ ന്യൂയോര്‍ക്കില്‍ നടത്തിയ രഹസ്യ സന്ദര്‍ശനത്തിന്റെ ചിത്രങ്ങള്‍ പുറത്ത്
  • മസൂദ് അസര്‍ വിഷയത്തില്‍ ചൈനയെയും പാക്കിസ്ഥാനെയും പഴി ചാരുന്നത് ഇന്ത്യ അവസാനിപ്പിക്കണമെന്ന് ചൈനീസ് മീഡിയ
  • ഇന്ത്യ അന്താരാഷ്ട്ര കോടതിയില്‍; പാക്കിസ്ഥാന്‍ കോടതി വിധി റദ്ദാക്കണം, കുല്‍ഭൂഷണ്‍ യാദവിനെ മോചിപ്പിക്കണം
  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • Write A Comment

     
    Reload Image
    Add code here