സ്‌കോട്ട്‌ലന്‍ഡില്‍ വാഴ്‌സിറ്റി പഠനത്തിന് എത്തിയ മകള്‍ക്കു വേണ്ടി ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെ

Wed,Sep 12,2018


ലണ്ടന്‍: ബ്രിട്ടനില്‍ ഉപരിപഠനം നടത്തിയ കാലത്ത് ജവഹര്‍ ലാല്‍ നെഹ്‌റു ദിവസത്തില്‍ മൂന്നു തവണ വസ്ത്രങ്ങള്‍ മാറിയിരുന്നതു കണ്ട് ഒപ്പം പഠിച്ചിരുന്ന ബ്രിട്ടീഷ് രാജകുടുംബാംഗങ്ങള്‍ പോലും അതിശയപ്പെട്ടിരുന്നത് പഴയ കഥ. സ്‌കോട്ട്‌ലന്‍ഡിലെ സെന്റ് ആന്‍ഡ്രൂസ് യൂണിവേഴ്‌സിറ്റിയില്‍ നാലു വര്‍ഷത്തെ വാഴ്‌സിറ്റി പഠനത്തിനു വേണ്ടി എത്തിയ മകളുടെ ക്ഷേമം ഉറപ്പാക്കാന്‍ ഇന്ത്യന്‍ ശതകോടീശ്വരന്‍ നിയോഗിച്ചിരിക്കുന്നത് 12 ജീവനക്കാരെയാണ്.
വീട്ടു ജോലിക്ക് ജീവനക്കാരെ കണ്ടെത്തുന്നതില്‍ പ്രാഗല്‍ഭ്യം തെളിയിച്ചിട്ടുള്ള സില്‍വര്‍ സ്വാന്‍ റിക്രൂട്ട്‌മെന്റ് എന്ന കമ്പനിയുടെ പരസ്യത്തിലൂടെയാണ് ഇക്കാര്യം പുറത്തു വന്നത്. അതിസമ്പന്നരായ ഒരു ഇന്ത്യന്‍ കുടുംബത്തിന് ബട്‌ലര്‍, ഗാര്‍ഡ്‌നര്‍, മൂന്ന് ഹൗസ് കീപ്പേഴ്‌സ്, ഹൗസ് മാനേജര്‍, ലെഡീസ് മെയ്ഡ്, ഡ്രൈവര്‍, ഷെഫ്, മൂന്ന് ഇതര ജീവനക്കാര്‍ എന്നിവരെ ആവശ്യമുണ്ടെന്നായിരുന്നു പരസ്യം. വാഴസിറ്റിക്കടുത്ത് കൊട്ടാര സദൃശ്യമായ വീട്ടില്‍ താമസിക്കുന്ന മകളുടെ ക്ഷേമം ഉറപ്പു വരുത്താനാണ് ജീവനക്കാരെ തേടുന്നതെന്നും പരസ്യത്തില്‍ പരാമര്‍ശിച്ചിരുന്നു.
മകളെ വിളിച്ചുണര്‍ത്തുക, മറ്റു ജോലിക്കാരുമായി ബന്ധപ്പെട്ട് ദിനചര്യകള്‍ ക്രമപ്പെടുത്തുക, മകളെ എല്ലാ കാര്യങ്ങളിലും സഹായിക്കുക, ഷോപ്പിംഗിനു പോവുക തുടങ്ങിയ കര്‍മങ്ങളാണ് ഏറെ സന്തോഷവതിയും ഉന്മേഷവതിയുമായ ലേഡീസ് മെയ്ഡ് ചെയ്യേണ്ടതെന്ന് പരസ്യത്തില്‍ പറയുന്നു. ഭക്ഷണം വിളമ്പി കൊടുക്കുക, മേശ വിരിക്കുക, വീട് വൃത്തിയായി സൂക്ഷിക്കുക തുടങ്ങിയവയാണ് മൂന്ന് ഇതര ജീവനക്കാരുടെ ഡ്യൂട്ടി. കഴിയുന്നിടത്തൊക്കെ വിദ്യാര്‍ഥിനിക്കു വേണ്ടി വാതില്‍ തുറന്നു കൊടുക്കാനും ഇവര്‍ക്ക് ഉത്തരവാദിത്വമുണ്ട്.
പ്രതിവര്‍ഷം 28 ലക്ഷം രൂപയാണ് പ്രതിഫലമായി ഓരോരുത്തര്‍ക്കും വാഗ്ദാനം ചെയ്യപ്പെട്ടിരിക്കുന്നത്. പരിചയസമ്പന്നരായ ജീവനക്കാരെയാണ് തേടുന്നതെന്നും, കുടുംബാംഗങ്ങള്‍ ഇടയ്ക്ക് സന്ദര്‍ശനത്തിന് എത്തുമെന്നും പരസ്യത്തില്‍ പറയുന്നുണ്ട്. എല്ലാ പോസിഷനുകളിലേക്കും ജീവനക്കാരെ ലഭിച്ചു കഴിഞ്ഞുവെന്നും, രഹസ്യ സ്വഭാവം കാത്തുസൂക്ഷിക്കേണ്ടതുള്ളകൊണ്ട് കൂടുതലൊന്നും വെളിപ്പെടുത്താനാകില്ലെന്നും സില്‍വര്‍ സ്വാന്‍ റിക്രൂട്ട്‌മെന്റിന്റെ വക്താവ് അറിയിച്ചു.
ലോകത്തിന്റെ പല ഭാഗത്തു നിന്നും വിദ്യാര്‍ഥികള്‍ ഇവിടെ പഠനത്തിനു വരാറുണ്ടെന്നും, അവര്‍ എങ്ങിനെ ജീവിക്കുന്നു എന്നത് സ്വകാര്യ കാര്യമാണെന്നും സെന്റ് ആന്‍ഡ്രൂസ് യൂണിവേഴ്‌സിറ്റിയുടെ വക്താവ് അറിയിച്ചു. സാധാരണ ബ്രിട്ടനില്‍ ഉപരിപഠനത്തിന് വരുന്നവര്‍ ആദ്യ വര്‍ഷം കോളജിന്റെ 'ഹാള്‍ ഓഫ് റസിഡന്‍സി'ല്‍ കഴിയുകയാണ് പതിവ്. തുടര്‍ന്നുള്ള വര്‍ഷങ്ങളില്‍ മറ്റുള്ളവരുമായി മുറികള്‍ പങ്കുവച്ച് പരിമതിമായ ബജറ്റില്‍ താമസ സൗകര്യം ക്രമീകരിക്കുകയാണ് ചെയ്യുക. 12 ജോലിക്കാരെ നിയോഗിച്ച് ഒരു വിദ്യാര്‍ഥി പഠനത്തിന് എത്തുന്നത് അത്യപൂര്‍വ സംഭവമാണ്. വില്യം രാജകുമാരന്‍ തന്റെ ജീവിതസഖി കെയ്റ്റിയെ കണ്ടെത്തിയ കോളജ് കാമ്പസാണിത്.

Other News

  • ശ്രീലങ്ക സ്‌ഫോടനം: സൂത്രധാരനും ആക്രമണത്തിനിടെ കൊല്ലപ്പെട്ടുവെന്ന് പ്രസിഡന്റ് സിരിസേന
  • ഭീകരവാദ പ്രവര്‍ത്തനത്തിനെതിരെയുള്ള പോരാട്ടത്തില്‍ പാകിസ്ഥാന്റെ സഹായം തേടുമെന്ന് ശ്രീലങ്കന്‍ പ്രധാനമന്ത്രി റെനില്‍ വിക്രമസിംഗെ
  • ശ്രീലങ്കയില്‍ പാക്കിസ്ഥാന്‍ അഭയാര്‍ഥികളെ ലക്ഷ്യമിടുന്നു; നൂറുകണക്കിനാളുകള്‍ പലായനം ചെയ്തു
  • മരണസംഖ്യ 'പുതുക്കി' ശ്രീലങ്ക; സ്‌ഫോടനത്തില്‍ കൊല്ലപ്പെട്ടത് 253 പേരെന്ന് ആരോഗ്യ മന്ത്രാലയം
  • ശ്രീലങ്കയിലെ ഭീകരാക്രമണം; വിരലുകള്‍ നീളുന്നത് മതതീവ്ര നേതാവ് ഹാഷിമിനു നേര്‍ക്ക്
  • കൊളംബോ ഭീകരാക്രമണ സംഘത്തിലെ ഒരാള്‍ യുകെയില്‍ പഠനം നടത്തി; ഭീകരര്‍ എല്ലവരും ഉന്നത വിദ്യാഭ്യാസം നേടിയവര്‍
  • 27 വര്‍ഷം അബോധാവസ്ഥയില്‍ കഴിഞ്ഞ യു.എ.ഇ വനിത കണ്ണു തുറന്ന് ജീവിതത്തിലേക്ക് മടങ്ങിയെത്തി
  • ശ്രീലങ്കയിലെ സ്‌ഫോടനത്തിന്റെ ഉത്തരവാദിത്വം ഏറ്റെടുത്ത് ഐ.എസ്; ലക്ഷ്യമിട്ടത് അമേരിക്കന്‍ സഖ്യരാജ്യങ്ങളിലുള്ളവരെയും, ക്രൈസ്തവരെയും
  • കിം - പുടിന്‍ കൂടിക്കാഴ്ച ഉടന്‍; ഇരു നേതാക്കളും തമ്മിലുള്ള ആദ്യ സമ്മേളനം
  • ഭീകരാക്രമണം ഉണ്ടാകാന്‍ സാധ്യതയുണ്ടെന്ന് യു.എസ് - ഇന്ത്യന്‍ ഇന്റലിജന്‍സ് ഏജസികള്‍ മുന്നറയിപ്പ് നല്‍കിയിരുന്നു; പ്രധാനമന്ത്രി ഒന്നും അറിഞ്ഞില്ല
  • ശ്രീലങ്കയിലെ സ്‌ഫോടനത്തില്‍ കൊല്ലപ്പെട്ട മലയാളിയുടെ കബറടക്കം കൊളംബോയില്‍ നടത്തി
  • Write A Comment

     
    Reload Image
    Add code here