ദക്ഷിണ ചൈനാ കടലില്‍ അമേരിക്കന്‍ യുദ്ധക്കപ്പലിന്റെ ഗതി തടഞ്ഞ് ചൈനീസ് യുദ്ധക്കപ്പല്‍

Tue,Oct 02,2018


ബെയ്ജിംഗ്: തര്‍ക്ക പ്രദേശമായ ദക്ഷിണ ചൈന കടല്‍ മേഖലയില്‍, തങ്ങളുടേതെന്ന് ചൈന അവകാശപ്പെടുന്ന സ്പാര്‍ട്‌ലി ദ്വീപുകള്‍ക്ക് സമീപത്തു കൂടെ സഞ്ചരിച്ച അമേരിക്കന്‍ പടക്കപ്പലിന് മറ്റൊരു ചൈനീസ് പടക്കപ്പല്‍ സമീപത്തു കൂടെ വന്നതു കൊണ്ട് ഗതി മാറ്റേണ്ടി വന്നു. സുരക്ഷിതമല്ലാത്ത രീതിയില്‍ ചൈനീസ് കപ്പല്‍ എത്തുകയായിരുന്നുവെന്ന് യു.എസ് നാവിക സേന അറിയിച്ചു. ചൈനീസ് കപ്പല്‍ 41 മീറ്റര്‍ അടുത്തെത്തിയിരുന്നു.
ഏറെ തന്ത്രപ്രധാനമായ കപ്പല്‍ ചാലിനോട് ചേര്‍ന്ന് കിടക്കുന്ന ദ്വീപുകള്‍ ചൈന സ്വന്തമാക്കുന്നതിനെതിരേ മേഖലയിലെ ഇതര രാജ്യങ്ങളായ തായ്‌വാന്‍, ഫിലിപ്പീന്‍സ്, ബ്രൂണെ, മലേഷ്യ, വിയറ്റ്‌നാം എന്നിവ എതിര്‍ക്കുന്നുണ്ട്. മേഖലയില്‍ കപ്പലുകള്‍ക്ക് സ്വതന്ത്രമായി സഞ്ചരിക്കാന്‍ കഴിയണമെന്ന നിലപാടാണ് അമേരിക്കയ്ക്കുള്ളത്. തര്‍ക്ക പ്രദേശത്ത് അമേരിക്കന്‍ പടക്കപ്പലുകള്‍ നീങ്ങുന്നത് പലപ്പോഴും ചൈനയെ ചൊടിപ്പിക്കുന്നു.
തര്‍ക്കത്തിലുള്ള ദ്വീപുകളുടെ 12 നോട്ടിക്കല്‍ മൈലിനുള്ളിലാണ് അമേരിക്കന്‍ പടക്കപ്പല്‍ സഞ്ചരിച്ചത്. അന്താരാഷ്ട്ര നാവിക നിയമപ്രകാരം ഒരു രാജ്യത്തിന്റെ കടല്‍ മേഖലയിലെ 12 നോട്ടിക്കല്‍ മൈലിനുള്ളില്‍ മറ്റു രാജ്യങ്ങളുടെ കപ്പുലകള്‍ക്ക് അനുമതിയില്ലാതെ സഞ്ചരിക്കാനാവില്ല. ചൈനയുടെ അവകാശവാദം തങ്ങള്‍ അംഗീകരിക്കുന്നില്ല എന്നതിന്റെ വ്യക്തമായ സൂചനയാണ് അമേരിക്കയുടെ നിലപാടില്‍ പ്രതിഫലിക്കുന്നത്. ഇരു രാജ്യങ്ങളും തമ്മില്‍ തീരുവയുടെ പേരില്‍ വ്യാപാര യുദ്ധം ആരംഭിച്ചിരിക്കെയാണ് കടല്‍ മേഖലയിലെ തര്‍ക്കവും ഉടലെടുത്തിരിക്കുന്നത്.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here