അമേരിക്കന്‍ ഉപരോധം കണക്കിലെടുക്കാതെ ഇറാനില്‍ നിന്ന് ഇന്ത്യ എണ്ണ ഇറക്കുമതി ചെയ്യും; ഡോളറിനു പകരം രൂപയില്‍ വ്യാപാരം

Fri,Oct 05,2018


ന്യൂഡല്‍ഹി: ഇറാനെതിരേയുള്ള അമേരിക്കന്‍ ഉപരോധം നവംബര്‍ നാലിനു പ്രാബല്യത്തില്‍ വരുമെങ്കിലും ഇറാനില്‍ നിന്നുള്ള എണ്ണ ഇറക്കുമതി ഇന്ത്യ തുടരുന്നതാണ്. നവംബറില്‍ 1.25 മില്യണ്‍ ബാരല്‍ എണ്ണ അവിടെ നിന്ന് ഇറക്കുമതി ചെയ്യുന്നതിന് ഇന്ത്യ കരാര്‍ ഒപ്പുവച്ചു കഴിഞ്ഞു. ഇന്ത്യന്‍ ഓയില്‍ കോര്‍പറേഷന്‍, മാംഗ്ലൂര്‍ റിഫൈനറി ആന്‍ഡ് പെട്രോ കെമിക്കല്‍സ് ലിമിറ്റഡ് എന്നീ കമ്പനികളാണ് ഇതു സംബന്ധിച്ച് കരാര്‍ ഉണ്ടാക്കിയതെന്ന് ഉയര്‍ന്ന വ്യവസായ കേന്ദ്രങ്ങള്‍ അറിയിച്ചു.
2018 - 19 സാമ്പത്തിക വര്‍ഷത്തില്‍ ഇറാനില്‍ നിന്ന് 9 മില്യണ്‍ ബാരല്‍ എണ്ണയാണ് ഇന്ത്യ ഇറക്കുമതി ചെയ്യാന്‍ ഉദ്ദേശിച്ചതെന്നും അതിന്റെ ഭാഗമയുള്ള എണ്ണയാണ് നവംബറില്‍ കൊണ്ടുവരുന്നതെന്നും ഐ.ഒ.സി കേന്ദ്രങ്ങള്‍ പറഞ്ഞു. ഇറാനില്‍ നിന്ന് എണ്ണ ഇറക്കുമതി ചെയ്യുന്നതിന് ഇളവ് അനുവദിക്കണമെന്ന് ഇന്ത്യ അമേരിക്കയോട് അഭ്യര്‍ഥിച്ചിരുന്നു. ഇക്കാര്യം പരിഗണിക്കാമെന്നും, എന്നാല്‍ അത് സമയബന്ധതമായിരിക്കുമെന്നും അമേരിക്കന്‍ വിദേശകാര്യ സെക്രട്ടറി മൈക്ക് പോമ്പിയോ കഴിഞ്ഞ മാസം സൂചിപ്പിച്ചിരുന്നു.
അമേരിക്കന്‍ ഉപരോധം വരുന്നതോടെ ഡോളറില്‍ ഇടപാട് നടത്താന്‍ കഴിയാത്തതു കൊണ്ട് ഇന്ത്യന്‍ രൂപയില്‍ പണമിടപാട് നടത്താനാണ് ആലോചന. മുമ്പും ഇതേപോലെ രൂപയില്‍ ഇടപാട് നടന്നിട്ടുണ്ട്. ഇന്ത്യയില്‍ നിന്നുള്ള മരുന്നുകളുടെയും, മറ്റ് ഉത്പന്നങ്ങളുടെയും ഇറക്കുമതിക്കാണ് രൂപ ഇറാന്‍ പ്രയോജനപ്പെടുത്തിയിരുന്നത്. അമേരിക്കന്‍ ഫിനാന്‍ഷ്യല്‍ സംവിധാനങ്ങളുമായി ബന്ധമില്ലാത്ത യൂക്കോ ബാങ്ക്, ഐ.ഡി.ബി.ഐ ബാങ്ക് എന്നിവ വഴി ഇറാന് പണം നല്‍കുന്ന കാര്യമാണ് പരിഗണനയിലുള്ളത്. ഇറാക്ക്, സൗദി എന്നിവ കഴിഞ്ഞാല്‍ ഇന്ത്യ ഏറ്റവുമധികം എണ്ണ ഇറക്കുമതി ചെയ്യുന്ന രാജ്യമാണ് ഇറാന്‍. 2010 - 11 കാലഘട്ടത്തില്‍ സൗദിക്കു പിന്നില്‍ ഇറാന്‍ രണ്ടാമതായിരുന്നുവെങ്കിലും പാശ്ചാത്യ ഉപരോധത്തെ തുടര്‍ന്ന് അവിടെ നിന്നുള്ള ഇറക്കുമതി പിന്നീട് കുറയുകയായിരുന്നു. 2016 - 117 കാലഘട്ടത്തിലാണ് പിന്നീട് കുതിച്ചു ചാട്ടമുണ്ടായത്.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here