ചൈനയില്‍ വില്‍പന ഇടിഞ്ഞു; ജഗ്വാറിന്റെ യു.കെ പ്ലാന്റ് രണ്ടാഴ്ചത്തേക്ക് അടച്ചിടുന്നു

Tue,Oct 09,2018


ലണ്ടന്‍: ഇറക്കുമതി തീരുവ പ്രശ്‌നവും, അമേരിക്കയുമായുള്ള വ്യാപാര യുദ്ധവും ചൈനയില്‍ ഡിമാന്‍ഡ് കുറച്ചതിനെ തുടര്‍ന്ന് ബ്രിട്ടനിലെ ഏറ്റവും വലിയ കാര്‍ നിര്‍മാതാക്കളായ ജഗ്വാര്‍ ലാന്‍ഡ് റോവര്‍ അവരുടെ സോലിഹുളിലുള്ള പ്ലാന്റ് രണ്ടാഴ്ചത്തേക്ക് അടച്ചിടുന്നു. വില്‍പനയില്‍ 50 ശതമാനം കുറവാണ് അവിടെ ഉണ്ടായിരിക്കുന്നത്.
സാമ്പത്തിക മേഖലയിലെ തളര്‍ച്ചയുടെ ഫലമായി കഴിഞ്ഞ ഏതാനും മാസങ്ങളായി ചൈനയില്‍ ഓട്ടോമൊബൈല്‍ മേഖലയിലെ വില്‍പന കുറഞ്ഞു വരികയായിരുന്നു. ഉപഭോക്താക്കള്‍ സൂക്ഷിച്ച് ചെലവു ചെയ്യാന്‍ മുതിര്‍ന്നിട്ടുണ്ടെന്ന് വ്യവസായ കേന്ദ്രങ്ങള്‍ കഴിഞ്ഞ മാസം അഭിപ്രായപ്പെട്ടിരുന്നു. ലാഭകരമായ വളര്‍ച്ചയാണ് കമ്പനി ലക്ഷ്യമിടുന്നതെന്നും, ഒക്‌ടോബര്‍ 22 മുതല്‍ രണ്ടാഴ്ചത്തേക്കാണ് പ്ലാന്റ് അടച്ചിടുന്നതെന്നും കമ്പനി വക്താവ് അറിയിച്ചു.
2017 ല്‍ ബ്രിട്ടനില്‍ നിര്‍മിച്ച 1.67 മില്യണ്‍ കാറികളില്‍ മൂന്നിലൊന്നിന്റെ ക്രെഡിറ്റുള്ള ജഗ്വാര്‍ ലാന്‍ഡ് റോവര്‍ അവരുടെ കാസില്‍ ബ്രോണ്‍വിച് പ്ലാന്റ് ഒക്‌ടോബര്‍ മുതല്‍ ഡിസംബര്‍ വരെ ആഴ്ചയില്‍ മൂന്നു ദിവസമായിരിക്കും പ്രവര്‍ത്തിക്കുക എന്ന് കഴിഞ്ഞ മാസം അറിയിച്ചിരുന്നു. നികുതി വര്‍ധനയക്കു പുറമേ പല രാജ്യങ്ങളിലും ഏര്‍പ്പെടുത്തിയ അന്തരീക്ഷ മലിനീകരണ നിയന്ത്രണങ്ങളും ജഗ്വാറിന്റെ ഡീസല്‍ മോഡലുകളെ ബാധിക്കുന്നുണ്ട്. കമ്പനിയുടെ 45 ശതമാനം വില്‍പന ഡീസല്‍ വാഹനങ്ങളിലാണ്. ബ്രെക്‌സിറ്റുമായി ബന്ധപ്പെട്ട് യൂറോപ്യന്‍ യൂണിയനുമായി വ്യാപാര പ്രശ്‌നങ്ങള്‍ ഉണ്ടാകാനുള്ള സാധ്യതയെപ്പറ്റിയും കമ്പനി മുന്നറിയിപ്പ് നല്‍കി.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here