അല്‍ ഐയ്‌നില്‍ കാമുകനെ കൊലപ്പെടുത്തിയ മൊറോക്കന്‍ യുവതിക്ക് ഭര്‍ത്താവും മക്കളുമുണ്ടെന്ന് അഭിഭാഷകന്‍

Sun,Nov 25,2018


ദുബായ്: അല്‍ ഐയ്‌നില്‍ കാമുകനെ കൊലപ്പെടുത്തിയ മൊറോക്കന്‍ യുവതിക്ക് ഭര്‍ത്താവും മക്കളുമുണ്ടെന്ന് കോടതിയില്‍ അഭിഭാഷകന്റെ വെളിപ്പെടുത്തല്‍.
യുവതി വിവാഹിതയും രണ്ടു കുട്ടികളുടെ അമ്മയും ആണെന്നും മക്കള്‍ പിതാവിനൊപ്പം മൊറോക്കയില്‍ ആണു താമസമെന്നും അഭിഭാഷകന്‍ കോടതിയില്‍ വെളിപ്പെടുത്തി. കഴിഞ്ഞ പത്തുവര്‍ഷമായി യുവതി യുഎഇയില്‍ ആണു താമസം. ഏഴു വര്‍ഷങ്ങള്‍ക്കു മുന്‍പാണ് കൊല്ലപ്പെട്ട യുവാവിനെ പരിചയപ്പെടുകയും ഇഷ്ടത്തിലാകുകയും ചെയ്തത്. അടുത്തടുത്ത കടകളിലാണ് ഇരുവരും ജോലി ചെയ്തിരുന്നത്.
സംഭവം നടന്ന ദിവസം ഇരുവരും സുഹൃത്തുക്കളുമായി കറങ്ങാന്‍ പോയിരുന്നു. പുലര്‍ച്ചെ മൂന്നു മണിയോടെ യുവതിയെ തിരികെ വീട്ടിലെത്തിച്ചതും കാമുകന്‍ തന്നെയാണ്. തുടര്‍ന്ന് ഉച്ചയോടെ വീണ്ടും യാത്രപോകാന്‍ കാമുകന്‍ യുവതിയെ വിളിച്ചെങ്കിലും അവര്‍ അതിനു സമ്മതിച്ചില്ല. മറ്റൊരു ഫ്‌ലാറ്റിലേക്കു താമസം മാറുന്നതിന്റെ തിരക്കിലായിരുന്ന യുവതി വീട്ടുസാധനങ്ങള്‍ മാറ്റുന്നതിനു തന്നെ സഹായിക്കണമെന്ന് ആവശ്യപ്പെടുകയും ചെയ്തു. ഇതേ തുടര്‍ന്നുണ്ടായ വാക്കുതര്‍ക്കത്തിനിടെ കാമുകന്‍ യുവതിയെ അടിക്കുകയും മുടിയില്‍ പിടിച്ചു വലിക്കുകയും തല മേശയില്‍ ഇടിപ്പിക്കുകയും ചെയ്തതായി അഭിഭാഷകന്‍ കോടതിയില്‍ പറഞ്ഞു.
തുടര്‍ന്നുണ്ടായ ദേഷ്യത്തില്‍ യുവതി സമീപത്തുണ്ടായിരുന്ന കത്തിയെടുത്ത് കാമുകന്റെ നെഞ്ചില്‍ കുത്തുകയായിരുന്നു എന്നാണ് അഭിഭാഷകന്റെ വെളിപ്പെടുത്തല്‍. യുവതിക്ക് മാനസിക പ്രശ്‌നങ്ങള്‍ ഉണ്ടെന്നും അഭിഭാഷകന്‍ പറഞ്ഞു. യുവതി . അന്വേഷണം പുരോഗമിക്കുകയാണെന്നും കേസ് വീണ്ടും ഡിസംബര്‍ 31ന് പരിഗണിക്കുമെന്നും അഭിഭാഷകന്‍ പറഞ്ഞു. 24 ദൃക്‌സാക്ഷികളെ കേസില്‍ വിസ്തരിക്കുമെന്നും അദ്ദേഹം അറിയിച്ചു.
എന്നാല്‍, ചോദ്യം ചെയ്യലില്‍ യുവതി കുറ്റം സമ്മതിച്ചുവെന്ന് അല്‍ ഐയ്ന്‍ പൊലീസ് അധികൃതര്‍ പറഞ്ഞു. മുന്‍കൂട്ടി തയാറാക്കിയ പദ്ധതി പ്രകാരമായിരുന്നു കൊലപാതകം എന്നാണു പൊലീസ് പറയുന്നത്.

Other News

  • ദുബായ്‌ രാ​ജ​കു​മാ​ര​ൻ​മാ​ർ വി​വാ​ഹി​ത​രാ​യി
  • എക്‌സിറ്റ് ഫലങ്ങള്‍ ചീറ്റിപ്പോയി; ഓസ്‌ട്രേലിയയില്‍ മോറിസന്റെ കൂട്ടുകക്ഷിക്ക് വീണ്ടും ഭൂരിപക്ഷം
  • ബ്രെ​ക്​​സി​റ്റ്​: കോ​ർ​ബി​നും മേ​യും ധാ​ര​ണ​യി​ലെ​ത്തി​യി​ല്ല
  • ആ​സ്​​​ട്രിയയിൽ പ്രൈ​മ​റി സ്​​കൂ​ളു​ക​ളി​ൽ ശി​രോ​വ​സ്​​ത്രം നി​രോ​ധി​ക്കു​ന്നു
  • താ​യ്​​വാ​നി​ൽ സ്വ​വ​ർ​ഗ വി​വാ​ഹം നി​യ​മ​വി​ധേ​യം
  • പാക്കിസ്ഥാനിലെ പഞ്ചാബ് പ്രവിശ്യയിലെ ബാങ്കില്‍ സ്‌ഫോടനം: 20 പേര്‍ക്ക് പരിക്ക്
  • ഇന്ത്യന്‍ വിമാനങ്ങള്‍ക്ക് മെയ് 30 വരെ പാക്കിസ്ഥാന്‍ വ്യോമാതിര്‍ത്തി ഉപയോഗിക്കാനാവില്ല
  • ജര്‍മനിയില്‍ ദുരൂഹ സാഹചര്യത്തില്‍ അമ്പേറ്റ് കൊല്ലപ്പെട്ടവര്‍ അഞ്ചായി ; രണ്ട് സ്ത്രീകളുടെ മൃതദേഹം കൂടി കണ്ടെത്തി
  • ശ്രീലങ്കയില്‍ മുസ്‌ലിം ഭൂരിപക്ഷമേഖലയില്‍ അക്രമം തുടരുന്നു; ഒരാള്‍ കൊല്ലപ്പെട്ടു; കര്‍ഫ്യൂ വ്യാപിപ്പിച്ചു
  • ജൂലിയന്‍ അസാന്‍ജെക്കെതിരായ ബലാത്സംഗ കേസ് വീണ്ടും അന്വേഷിക്കാന്‍ ഒരുങ്ങി സ്വീഡിഷ് അധികൃതര്‍
  • യുഎഇയുടെ കിഴക്കന്‍ തീരത്തിനു സമീപം സൗദിയുടെ എണ്ണക്കപ്പലുകള്‍ക്കുനേരെ ആക്രമണം
  • Write A Comment

     
    Reload Image
    Add code here