ജാവാ കടലില്‍ തകര്‍ന്നുവീണ ലയണ്‍ എയര്‍ വിമാനം പ്രവര്‍ത്തനയോഗ്യമായിരുന്നില്ലെന്ന് ഇന്തോനേഷ്യന്‍ അന്വേഷണ സംഘം

Wed,Nov 28,2018


ജക്കാര്‍ത്ത: കഴിഞ്ഞ മാസം 189 പേര്‍ കൊല്ലപ്പെടുന്നതിനുകാരണമായി തകര്‍ന്നുവീണ ലയണ്‍ എയര്‍ വിമാനം പ്രവര്‍ത്തനയോഗ്യമായിരുന്നില്ലെന്ന് ഇന്തോനേഷ്യന്‍ അന്വേഷണ സംഘം.
ഇന്തോനേഷ്യന്‍ വിമാനക്കമ്പനിയായ ലയണ്‍എയറിന്റെ ബോയിംഗ് 737 മാക്‌സ് പ്ലെയിനാണ് ജാവ കടലില്‍ തകര്‍ന്നുവീണത്. വളരെയേറെ വിറ്റുപോകുന്ന ബോയിംഗ് 737 വിമാനങ്ങളുടെ പരിഷ്‌കരിച്ച പതിപ്പാണ് മാക്‌സ് പ്ലെയിനുകള്‍. ഇവയില്‍ നേരത്തെതന്നെ സാങ്കേതിക തകരാറുകള്‍ റിപ്പോര്‍ട്ട് ചെയ്തിരുന്നതായി അന്വേഷകര്‍ പറയുന്നു. പ്രാഥമികമായ അന്വേഷണ റിപ്പോര്‍ട്ടിലാണ് വിമാനം പറപ്പിക്കാന്‍ യോഗ്യമായിരുന്നില്ല എന്നു പറയുന്നത്. അതേ സമയം തകരാനിടയായതിന്റെ യഥാര്‍ത്ഥ കാരണമെന്താണെന്ന് ഇതുവരെ കണ്ടെത്തിയിട്ടില്ല.
ഇന്തോനേഷ്യന്‍ ഏജന്‍സിയായ നാഷണല്‍ ട്രാന്‍സ്‌പോര്‍ട്ട് സേഫ്റ്റി കമ്മിറ്റിയാണ് വിമാനത്തിന് സാങ്കേതിക തകരാര്‍ ഉണ്ടായിരുന്നതായി സ്ഥിരീകരിച്ചത്. നേരത്തെ തകരാര്‍ റിപ്പോര്‍ട്ട് ചെയ്യപ്പെട്ട വിമാനങ്ങള്‍ തിരികെ വിളിച്ച് തകരാര്‍ പരിഹരിച്ച് സര്‍വീസ് നടത്തുന്നതിനു പകരം ഇത് അവഗണിച്ച് വിമാനം പറപ്പിച്ചതാണ് ദുരന്തത്തിന്റെ വ്യപ്തി വര്‍ധിക്കാന്‍കാരണമായതെന്നാണ് അന്വേഷണ സംഘത്തിന്റെ നിഗമനം. തകര്‍ന്നുവീണ വിമാനത്തിനു മുമ്പ് ബാലിയിലെ ഡെന്‍പസറില്‍ നിന്ന് ജക്കാര്‍ത്തയിലേക്ക് സര്‍വീസ് നടത്തിയ വിമാനത്തിനാണ് സാങ്കേതിക തകരാര്‍ റിപ്പോര്‍ട്ട് ചെയ്തത്.
ആ പറക്കലിലിനിടയില്‍ സാങ്കേതിക തകരാര്‍ കണ്ടെങ്കിലും പൈലറ്റ് വിമാനം തുടര്‍ന്നും പറപ്പിക്കാന്‍ തീരുമാനിക്കുകയായിരുന്നുവെന്ന് നാഷണല്‍ ട്രാന്‍സ്‌പോര്‍ട്ട് സേഫ്റ്റി കമ്മിറ്റിയുടെ ഏവിയേഷന്‍ മേധാവി നൂര്‍കാഹിയോ ഉട്ടോമോ മാധ്യമപ്രവര്‍ത്തകരോട് പറഞ്ഞു.
'ഞങ്ങളുടെ അഭിപ്രായം ഈ വിമാനം ഒരു കാരണവശാലും പറപ്പിക്കാന്‍ യോഗ്യമായിരുന്നില്ല ' എന്നാണ് എന്നും ഉട്ടോമോ വ്യക്തമാക്കി.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here