സൗദിയുമായുള്ള അകല്‍ച്ച; ഒപ്പെക്കില്‍ നിന്ന് ഖത്തര്‍ പിന്മാറുന്നു, ഇനി എല്‍.എന്‍.ജി കയറ്റുമതിയില്‍ കൂടുതല്‍ ശ്രദ്ധിക്കും

Mon,Dec 03,2018


ദോഹ: അര നൂറ്റാണ്ടിലധികമായി അംഗമായ ഒപ്പെക്കില്‍ നിന്ന് 2019 ജനുവരി ഒന്നു മുതല്‍ പിന്മാറുകയാണെന്ന് ഖത്തര്‍ പ്രഖ്യാപിച്ചു. ഗ്രൂപ്പിന്റെ അനിഷേധ്യ നേതൃസ്ഥാനത്തുള്ള സൗദിയുമായുള്ള അകല്‍ച്ചയാണ് ഇത്തരമൊരു നടപടിക്ക് ഖത്തറിനെ പ്രേരിപ്പിച്ചതെന്നു വ്യക്തമാണ്. പക്ഷേ, തങ്ങളുടേത് രാഷ്ട്രീയ തീരുമാനമല്ലെന്നും, ലിക്വിഫൈഡ് നാച്വറല്‍ ഗ്യാസ് (എല്‍.എന്‍.ജി) കയറ്റുമതിയില്‍ കൂടുതലായി ശ്രദ്ധിക്കുവാന്‍ ലക്ഷ്യമിട്ടാണെന്നും ഖത്തര്‍ വിശദീകരിച്ചു.
ഭീകരവാദത്തെ പ്രോത്സാഹിപ്പിക്കുന്നുവെന്ന് ആരോപിച്ച സൗദി, യു.എ.ഇ, ബഹറിന്‍, ഈജിപ്ത് എന്നീ രാജ്യങ്ങളുടെ രാഷ്ട്രീയ - സാമ്പത്തിക ഉപരോധം 2017 ജൂണ്‍ മുതല്‍ അനുഭവിക്കുന്ന ഖത്തര്‍ തങ്ങളുടെ പരമാധികാരം കാത്തുസൂക്ഷിക്കുക മാത്രമാണ് ലക്ഷ്യം വയ്ക്കുന്നതെന്ന് പറയുന്നു. രാജ്യത്തിന്റെ ഊര്‍ജകാര്യ മന്ത്രി സാദ് അല്‍ കാബിയാണ് തീരുമാനം പത്രസമ്മേളനത്തില്‍ വെളിപ്പെടുത്തിയത്. ഒപ്പെക്കില്‍ ഏറ്റവും കുറഞ്ഞ ഉത്പാദനമുള്ള രാജ്യങ്ങളിലൊന്നായ ഖത്തറിന്റെ പിന്മാറ്റം കാര്യമായ ഉത്പാദന പ്രശ്‌നങ്ങളൊന്നും സൃഷ്ടിക്കില്ലെങ്കിലും 57 വര്‍ഷമായി സംഘടനയുടെ ചരിത്രത്തില്‍ വലിയ പങ്കു വഹിച്ച രാജ്യമാണ് പിന്‍വലിയുന്നത് എന്ന കാര്യം ശ്രദ്ധേയമാണ്.
ഖത്തറിന്റെ പ്രതിദിന എണ്ണ ഉത്പാദനം ആറു ലക്ഷം ബാരലാണ്. സൗദിയുടെ 11 മില്യണ്‍ ബാരലുമായി തട്ടിച്ചു നോക്കുമ്പോള്‍ ഇത് വെറും നിസാരമാണ്. പക്ഷേ, എല്‍.എന്‍.ജി മാര്‍ക്കറ്റില്‍ പ്രതിവര്‍ഷം 77 മില്യണ്‍ ടണ്ണാണ് ഖത്തറിന്റെ ഉത്പാദനം. ഭീമമായ കരുതല്‍ ശേഖരവും അവര്‍ക്കുണ്ട്. ഇതൊക്കെയാണെങ്കിലും ഈ ആഴ്ച ഒടുവില്‍ ചേരുന്ന ഒപ്പെക് യോഗത്തില്‍ സംബന്ധിക്കുമെന്ന് ഖത്തര്‍ അറിയിച്ചു. ഒക്‌ടോബറിനും ശേഷം വിലയില്‍ 30 ശതമാനം ഇടിവു വന്ന സാഹചര്യത്തില്‍ ഉത്പാദനം വെട്ടിക്കുറയ്ക്കാന്‍ സംഘടന തീരുമാനിക്കമെന്നാമ് പ്രതീക്ഷ.

Other News

  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • നാ​റ്റോ​യു​ടെ ഡി​സം​ബ​ർ സ​മ്മേ​ള​ന​ത്തി​ന് ല​ണ്ട​ൻ വേ​ദി
  • സൈന്യവും, ഐ.എസ്.ഐ ഉള്‍പ്പെടെയുള്ള ചാര ഏജന്‍സികളും രാഷ്ട്രീയത്തില്‍ ഇടപെടരുതെന്ന് പാക്കിസ്ഥാന്‍ സുപ്രീംകോടതി
  • കാള്‍ മാര്‍ക്‌സിന്റെ ശവകുടീരം തകര്‍ക്കാന്‍ ശ്രമം
  • ട്രമ്പ് - കിം രണ്ടാം ഉച്ചകോടിക്കു മുന്നോടിയായി അമേരിക്കന്‍ പ്രതിനിധി ഉത്തര കൊറിയയിലേക്ക്
  • Write A Comment

     
    Reload Image
    Add code here