ഇന്റര്‍ ഫെയിത്ത് സമ്മേളനത്തില്‍ പങ്കെടുക്കുവാന്‍ ഫ്രാന്‍സിസ് മാര്‍പാപ്പ അബുദാബി സന്ദര്‍ശിക്കുന്നു

Thu,Dec 06,2018


വത്തിക്കാന്‍ സിറ്റി: അടുത്ത വര്‍ഷം ഫെബ്രുവരി മൂന്നൂ മുതല്‍ അഞ്ചു വരെ ഫ്രാന്‍സിസ് മാര്‍പാപ്പ അബുദാബി സന്ദര്‍ശിക്കും. ഇവിടെ നടക്കുന്ന ഇന്റര്‍ ഫെയിത്ത് സമ്മേളനത്തില്‍ പങ്കെടുക്കാനാണ് മാര്‍പാപ്പ എത്തുന്നത്. അബുദാബി കിരീടാവകാശി രാജകുമാരനും, യു.എ.ഇ സൈന്യത്തിന്റെ ഉപമേധാവിയുമായ ഷേക്ക് മുഹമ്മദ് ബിന്‍ സെയദ് അല്‍ നയന്റെയും, രാജ്യത്തെ കത്തോലിക്കാ സമൂഹത്തിന്റെയും ക്ഷണം മാര്‍പാപ്പ സ്വീകരിക്കുകയായിരുന്നുവെന്ന് വത്തിക്കാന്‍ അറിയിച്ചു. ഇതാദ്യമായാണ് ഒരു മാര്‍പാപ്പ ഗള്‍ഫിലെ ഏതെങ്കിലും രാജ്യം സന്ദര്‍ശിക്കുന്നത്.
മാര്‍പാപ്പയെ സ്വാഗതം ചെയ്തു കൊണ്ട് യു.എ.ഇ പ്രധാനമന്ത്രിയും, ദുബായ് ഭരണാധികാരിയുമായ ഷേക്ക് മുഹമ്മദ് ബിന്‍ റഷീദ് അല്‍ മക്തൂം ട്വീറ്റ് ചെയ്തു. പരസ്പര ബന്ധവും ധാരണയും വളര്‍ത്താന്‍ മാര്‍പാപ്പയുടെ സന്ദര്‍ശനം സഹായകമാകുമെന്നും , ഇന്റര്‍ഫെയിത്ത് സമ്മേളനം കൂടുതല്‍ സജീവമാക്കുന്നതിനും ലോകരാജ്യങ്ങള്‍ തമ്മില്‍ സമാധാനം വളര്‍ത്തുന്നതിനും ഇത് ഇടയാക്കുമെന്നും ട്വീറ്റില്‍ പറയുന്നു.
സമാധാനത്തിന്റെയും സഹിഷ്ണുതയുടെയും സാഹോദര്യത്തിന്റെയും പ്രതീകമായ ഫ്രാന്‍സിസ് മാര്‍പാപ്പയുടെ ചരിത്രം കുറിക്കുന്ന സന്ദര്‍ശനത്തിന് യു.എ.ഇ കാത്തിരിക്കുകയാണെന്ന് ഷേക്ക് മുഹമ്മദ് ബിന്‍ സെയ്ദ് ട്വീറ്റ് ചെയ്തു.

Other News

  • ഫ്രാന്‍സില്‍ നാലാമത്തെ ആഴ്ചയും കലാപം രൂക്ഷം; രാജ്യത്തിന്റെ ഐക്യം തകര്‍ക്കരുതെന്ന് പ്രധാനമന്ത്രി
  • സ്വവര്‍ഗ പങ്കാളിയോടൊപ്പം ജീവിക്കാനായി ഭാര്യയെ കൊന്ന ഇന്ത്യന്‍വംശജന്‍ കുറ്റക്കാരനാണെന്ന് കോടതി
  • ഫ്രാന്‍സില്‍ സര്‍ക്കാര്‍ കീഴടങ്ങുന്നു: ഇന്ധന നികുതി കുറക്കുമെന്ന് പ്രധാനമന്ത്രി; പ്രക്ഷോഭകാരികളെ തണുപ്പിക്കാന്‍ നീക്കം
  • സൗദിയുമായുള്ള അകല്‍ച്ച; ഒപ്പെക്കില്‍ നിന്ന് ഖത്തര്‍ പിന്മാറുന്നു, ഇനി എല്‍.എന്‍.ജി കയറ്റുമതിയില്‍ കൂടുതല്‍ ശ്രദ്ധിക്കും
  • ഇന്ത്യന്‍ തൊഴിലാളിക്ക് സൗദി കുടുംബത്തിന്റെ രാജകീയ യാത്രയയപ്പ്
  • പാരീസില്‍ സര്‍ക്കാര്‍ വിരുദ്ധ പ്രതിഷേധക്കാരുടെ അഴിഞ്ഞാട്ടം തലവേദനയായി; അടിയന്തരാവസ്ഥ പരിഗനയില്‍
  • ജാവാ കടലില്‍ തകര്‍ന്നുവീണ ലയണ്‍ എയര്‍ വിമാനം പ്രവര്‍ത്തനയോഗ്യമായിരുന്നില്ലെന്ന് ഇന്തോനേഷ്യന്‍ അന്വേഷണ സംഘം
  • ഇറാനിലും കുവൈത്തിലും ഭൂചലനം: 700ല്‍പരം പേര്‍ക്ക് പരിക്കേറ്റു
  • അല്‍ ഐയ്‌നില്‍ കാമുകനെ കൊലപ്പെടുത്തിയ മൊറോക്കന്‍ യുവതിക്ക് ഭര്‍ത്താവും മക്കളുമുണ്ടെന്ന് അഭിഭാഷകന്‍
  • കറാച്ചിയിലെ ചൈനീസ് കോണ്‍സുലേറ്റിനു നേരെയുള്ള ഭീകരാക്രമണം പാക്കിസ്ഥാനില്‍ ചൈന നടത്തുന്ന വന്‍ നിക്ഷേപ പദ്ധതികള്‍ ആശങ്കയിലാക്കുന്നു
  • Write A Comment

     
    Reload Image
    Add code here