ചന്ദ്രന്റെ ഇരുണ്ട ഉപരിതലത്തില്‍ ആദ്യമായി പര്യവേഷണ വാഹനമിറക്കി ചൈന

Fri,Jan 04,2019


ബീജിംഗ്: ഇരുളടഞ്ഞ ചന്ദ്രന്റെ ഉപരിതലത്തില്‍ പര്യവേഷണ വാഹനമിറക്കി ചൈന. ആരും പഠനവിധേയമാക്കാത്ത ഇരുണ്ട മേഖലയിലാണ് ചാങ് ഇ4 എന്ന പേടകം ഇറങ്ങിയത്. ചൈനീസ് നാഷണല്‍ സ്പേയ്സ് അഡ്മിനിസ്ട്രേഷനാണ് പേടകം നിര്‍മിച്ചത്.
വന്‍ ഗര്‍ത്തങ്ങളും പര്‍വ്വതങ്ങളുമുള്ള ദക്ഷിണധ്രുവത്തിലെ എയ്ത്കെന്‍ ബേസിനിലാണ് ചാങ് ഇ4 പേടകം ഗവേഷണം നടത്തുന്നത്.
കുഴികളും പര്‍വ്വതങ്ങളുമായതിനാല്‍ ഈ പ്രദേശം പര്യവേഷണ വാഹനത്തിന്റെ സഞ്ചാരത്തിന് വെല്ലുവിളിയാകും. ചന്ദ്രനില്‍ നിരവധി രാജ്യങ്ങള്‍ പര്യവേഷണം നടത്തിയിട്ടുണ്ട്. എന്നാല്‍ പുതിയ കണ്ടെത്തലുകള്‍ക്കായാണ് ചൈനയുടെ ഗവേഷണം.
ഇരുളടഞ്ഞ ചന്ദ്ര ഉപരിതലത്തില്‍ ആദ്യമായി പേടകമിറക്കുന്നത് ചൈനയാണ്. ഇരുണ്ട ഭാഗത്തിന്റെ ചിത്രങ്ങള്‍ 1959 മുതല്‍ ബഹിരാകാശത്തു നിന്ന് എടുക്കുന്നുണ്ട്. ഇതിനായി സോവിയറ്റ് യൂണിയനാണ് ആദ്യപേടകം അയച്ചത്. എന്നാല്‍ ചന്ദ്രോപരിതലത്തിലിറങ്ങി ഒരു പേടകവും ഗവേഷണം നടത്താത്തതിനാല്‍ ദശാബ്ദങ്ങളായി 'ഇരുണ്ട ഭാഗത്തിന്റെ' മാപ്പിങ് നടത്താന്‍ ഗവേഷകര്‍ക്കു സാധിച്ചിട്ടില്ല. അതിനാണ് പരിഹാരമാകുന്നത്. ചന്ദ്രനിലേക്കു മനുഷ്യരെ അയയ്ക്കാനുള്ള ചൈനീസ് പദ്ധതിയുടെ ഭാഗമായുള്ള ഗവേഷണങ്ങളും ചാങ് ഇ4 നടത്തും. ഇരുണ്ട ഭാഗമായതിനാല്‍ ചില വിള്ളലുകളില്‍ ഐസ് രൂപത്തില്‍ ജലസാന്നിധ്യമുണ്ടാകും. മനുഷ്യര്‍ക്ക് ജീവിക്കാന്‍ ഏറ്റവും അനുയോജ്യമായ ഭാഗമാണിതെന്നു ചുരുക്കം.
ചന്ദ്രനില്‍ മനുഷ്യന് എത്രനാള്‍ തുടര്‍ച്ചയായി തങ്ങാനാകും എന്നറിയണമെങ്കില്‍ അവിടത്തെ മാരകമായ റേഡിയേഷന്റെ അളവും പരിശോധിക്കണം. ഇതിനായുള്ള ഉപകരണവും ചാങ് ഇ4ല്‍ ഉണ്ട്. പ്രപഞ്ചം സൃഷ്ടിക്കപ്പെട്ട 'ബിഗ് ബാങ്' കൂട്ടിയിടിക്കു ശേഷമുള്ള ഏതാനും കോടി വര്‍ഷങ്ങളിലെ 'ഇരുണ്ട കാലം' എങ്ങനെയായിരുന്നുവെന്നു തിരിച്ചറിയാനും ഈ റേഡിയേഷന്‍ പഠനം സഹായിക്കും. മനുഷ്യര്‍ക്കായി ചന്ദ്രനില്‍ ഭക്ഷ്യവസ്തുക്കള്‍ വളര്‍ത്തിയെടുക്കാനാകുമോയെന്ന സാധ്യതയും പരിശോധിക്കുന്നുണ്ട്.
ഇരുണ്ട ഭാഗത്തുനിന്നും നിഗ്‌നലുകള്‍ കിട്ടുന്നതിനായി ചന്ദ്രനിലേക്ക് നേരത്തെ ഒരു ഉപഗ്രഹം വിക്ഷേപിച്ചിരുന്നു. ഇതിനോടനുബന്ധിച്ചുള്ള ഗവേഷണങ്ങള്‍ക്കായി ചാങ് ഇ5 റോക്കറ്റ് അടുത്ത വര്‍ഷം ചൈന വിക്ഷേപിക്കും.

Other News

  • 'ലോക മുത്തച്ഛന്‍' നൂറ്റപ്പതിമ്മൂന്നാം വയസില്‍ ജപ്പാനില്‍ വിടവാങ്ങി
  • മെക്‌സിക്കോയില്‍ പൈപ്പ്‌ലൈനില്‍ പൊട്ടിത്തെറി; കുറഞ്ഞത് 66 പേര്‍ കൊല്ലപ്പെട്ടു
  • അവിശ്വാസപ്രമേയം അതിജീവിച്ച തെരേസ മെയ് ബ്രെക്‌സിറ്റ് ചര്‍ച്ചകളുമായി മുന്നോട്ട്‌
  • ലക്ഷ്യം കൈവരിക്കാത്ത ജീവനക്കാരെ ചൈനീസ് കമ്പനി റോഡിലൂടെ മുട്ടില്‍ ഇഴയിച്ച് ശിക്ഷിച്ചു
  • മോഡി ഉറുഗ്വേ സന്ദര്‍ശിച്ചിരുന്നുവെങ്കില്‍ ഗാന്ധിയന്‍ മൂല്യങ്ങള്‍ ജീവിതത്തില്‍ പകത്തിയ പ്രസിഡന്റിനെ കാണാന്‍ കഴിയുമായിരുന്നു
  • അവിശ്വാസ പ്രമേയത്തെ അതിജീവിച്ച് തെരേസ മേ; സമവായത്തിലൂടെ ബ്രെക്‌സിറ്റ് നടപ്പാക്കാന്‍ ശ്രമിക്കുമെന്ന് പ്രഖ്യാപനം
  • ഇന്തോനേഷ്യയില്‍ വനിതാ ശാസ്ത്രജ്ഞയെ മുതല ജീവനോടെ വിഴുങ്ങി; സംഭവം ഗവേഷണ കേന്ദ്രത്തില്‍
  • ബ്രെക്‌സിറ്റ്; തെരേസ മേയുടെ ഇടപാടിന് പാര്‍ലമെന്റില്‍ വമ്പന്‍ തോല്‍വി, ബുധനാഴ്ച അവിശ്വാസ വോട്ടെടുപ്പ്
  • നെയ്‌റോബിയിലെ പഞ്ചനക്ഷത്ര ഹോട്ടലില്‍ ഭീകരാക്രമണം ; നിരവധി പേര്‍ കൊല്ലപ്പെട്ടു
  • ടെഹ്‌റാനില്‍ ചരക്കു വിമാനം റണ്‍വേയില്‍ നിന്ന് തെന്നി മാറി റസിഡന്‍ഷ്യല്‍ മേഖലയിലേക്ക് ഇടിച്ചു കയറി; 15 പേര്‍ കൊല്ലപ്പെട്ടു
  • ഇസ്രായേലിന്റെ സുരക്ഷ ഉറപ്പാക്കാതെ സി​റി​യ​യി​ൽ​നി​ന്ന് പിന്മാറ്റമില്ലെന്ന്​ യു.എസ്
  • Write A Comment

     
    Reload Image
    Add code here