ശബരിമല;കേരളത്തിലേക്ക് യാത്ര പോകുന്നവര്‍ ജാഗ്രത പാലിക്കണമെന്ന് പൗരന്മാര്‍ക്ക് ബ്രിട്ടന്‍ മുന്നറിയിപ്പ് നല്‍കി

Sat,Jan 05,2019


ലണ്ടന്‍: ശബരിമലയിലെ യുവതി പ്രവേശനത്തെ തുടര്‍ന്ന് കേരളത്തിലുണ്ടായ അക്രമ സംഭവങ്ങള്‍ ആഗോള തലത്തില്‍ തന്നെ ശ്രദ്ധിക്കപ്പെടുന്നു. കേരളത്തിലേക്ക് യാത്ര പോകാന്‍ ഒരുങ്ങുന്നവര്‍ ജാഗ്രത പാലിക്കണമെന്ന് ബ്രിട്ടന്‍ പൗരന്മാര്‍ക്ക് മുന്നറിയിപ്പ് നല്‍കി.
ബ്രിട്ടനില്‍ ലോകത്തിന്റെ വിവിധ ഭാഗങ്ങളിലേക്കു യാത്ര പോകുന്നവര്‍ക്ക് ഉപദേശം നല്‍കുന്ന ഫോറിന്‍ ആന്‍ഡ് കോമണ്‍വെല്‍ത്ത് ഓഫീസാണ് കേരളത്തിലെ ക്രമസമാധാന പ്രശ്‌നം യാത്രക്കാരുടെ ശ്രദ്ധയില്‍ പെടുത്തിയത്. ശബരിമലയിലെ യുവതി പ്രവേശനവുമായി ബന്ധപ്പെട്ട് കേരളത്തിലെ പല പട്ടണങ്ങളിലും അതിരൂക്ഷമായ അക്രമ സംഭവങ്ങള്‍ നടക്കുന്നുണ്ടെന്ന് അവരുടെ റിപ്പോര്‍ട്ടില്‍ ഓര്‍മിപ്പിച്ചു.
ഇപ്പോള്‍ കേരളത്തില്‍ ഉള്ളവരും, കേരളത്തിലേക്ക് അടുത്ത ദിവസങ്ങളില്‍ പോകാന്‍ തയാറെടുക്കുന്നവരും മാധ്യമ റിപ്പോര്‍ട്ടുകള്‍ സസ്‌ക്ഷ്മം നിരീക്ഷിക്കണമെന്നും, പൊതുസ്ഥലങ്ങളില്‍ പോകുന്നത് കഴിയുന്നതും ഒഴിവാക്കണമെന്നും റിപ്പോര്‍ട്ടില്‍ പറയുന്നു. പോലീസും പ്രതിഷേധക്കാരും തമ്മിലുള്ള ഏറ്റുമുട്ടല്‍ മൂലം പല പൊതുഗതാഗത സര്‍വീസും തടസപ്പെട്ടിട്ടുണ്ടെന്നും റിപ്പോര്‍ട്ടില്‍ പറഞ്ഞു. കേരളത്തിലെ രാഷ്ട്രീയ പാര്‍ട്ടികള്‍ തങ്ങളുടെ രാഷ്ട്രീയ നേട്ടത്തിനു വേണ്ടി ഈ വിഷയം ഉപയോഗിക്കുമ്പോള്‍ ആത്യന്തികമായി കേരളത്തിന് വലിയ നഷ്ടമാണ് ഉണ്ടക്കാന്‍ പോകുന്നത്. പ്രളയക്കെടുത്തിക്കു ശേഷം വിനോദ സഞ്ചാര മേഖലയില്‍ ചെറിയൊരു ഉണര്‍വ് വന്ന അവസരത്തിലാണ് ശബരിമല പ്രശ്‌നം കത്തിപ്പടര്‍ന്നത്. കേരളത്തിലേക്കു വരാന്‍ ആഗ്രഹിക്കുന്നവരെ പിന്തിരിപ്പിക്കുന്ന കാര്യങ്ങളാണ് സംസ്ഥാനത്ത് അനുദിനം സംഭവിച്ചു കൊണ്ടിരിക്കുന്നത്.

Other News

  • ആഢംബര ജീവിതത്തിനു വിട; ജാമ്യം നിഷേധിക്കപ്പെട്ട നിരവ് മോഡിക്കു കഴിയേണ്ടി വന്നത് ബ്രിട്ടനിലെ ഏറ്റവും തിരക്കേറിയ ജയിലില്‍
  • എതിരാളികളുടെ പരസ്യങ്ങള്‍ നിയന്ത്രിച്ചു; ഗൂഗിളിന് 1.7 ബില്യണ്‍ ഡോളര്‍ പിഴ ചുമത്തി യൂറോപ്യന്‍ യൂണിയന്‍
  • ഇദായ് ചുഴലിക്കൊടുങ്കാറ്റ് തകര്‍ത്തെറിഞ്ഞ ദക്ഷിണ പൂര്‍വ ആഫ്രിക്ക; മരണം ആയിരം കവിഞ്ഞേക്കും
  • ക്രൈസ്റ്റ് ചര്‍ച്ച് വെടിവെപ്പില്‍ കൊല്ലപ്പെട്ടവരുടെ കബറടക്ക നടപടികള്‍ ആരംഭിച്ചു
  • യുഎഇ ഫെഡറല്‍ കോടതിയില്‍ ആദ്യ വനിതാ ജഡ്ജിമാരെ നിയമിച്ചു
  • മുംബൈ ഭീകരാക്രമണം ' ഏറ്റവും കുപ്രസിദ്ധമായ' ഭീകരാക്രമണമെന്ന് ചൈന; ഇത്തരമൊരു പരാമര്‍ശം ഇതാദ്യം
  • ചുഴലിക്കാറ്റ് 'ഇദായ്' വന്‍ നാശം വിതച്ചു; ആയിരം പേര്‍ മരിച്ചുവെന്ന് മൊസാമ്പിക്ക് പ്രസിഡന്റ്
  • സിന്‍ജിയാങ് മേഖലയില്‍ നിന്ന് 13000 'ഭീകരരെ' അറസ്റ്റു ചെയ്തതായി ചൈന
  • നിരവ് മോഡിക്കെതിരേ ലണ്ടനിലെ കോടതി അറസ്റ്റ് വാറന്റ് പുറപ്പെടുവിച്ചു
  • ഡച്ച് നഗരമായ ഉട്രക്ടില്‍ ഭീകരാക്രമണം; ട്രാമില്‍ യാത്ര ചെയ്തിരുന്ന മൂന്നു പേരെ വെടിവച്ചു കൊന്നു, അക്രമിയെ അറസ്റ്റ് ചെയ്തു
  • ന്യൂസിലന്‍ഡ് വെടിവെപ്പു നടത്തിയ ഭീകരന്‍ കോടതിയില്‍ സ്വയം വാദിക്കും ; മുന്‍ അഭിഭാഷകനെ നീക്കി
  • Write A Comment

     
    Reload Image
    Add code here