ടോക്കിയോ മത്സ്യ മാര്‍ക്കറ്റില്‍ ഒരു ടൂണ മീന്‍ ലേലത്തില്‍ പോയത് മൂന്നു മില്യണ്‍ ഡോളറിന്

Sat,Jan 05,2019


ടോക്കിയോ: ടൂണ മീന്‍ വിലയേറിയതാണ് എന്ന കാര്യത്തില്‍ തര്‍ക്കമില്ല. എന്നാല്‍, ടോക്കിയോയിലെ പുതിയ മത്സ്യ മാര്‍ക്കറ്റില്‍ പുതുവര്‍ഷത്തില്‍ ആദ്യമായി നടന്ന ലേലത്തില്‍ ഒരു ബ്ലൂഫിന്‍ ടൂണ മീന്‍ ലേലത്തില്‍ പോയ തുക കേട്ടാല്‍ ഞെട്ടും. മൂന്നു മില്യണ്‍ ഡോളറിനാണ് ഈ മീന്‍ ലേലെ കൊണ്ടത്. ജപ്പാനിലെ സുഷിസന്‍മായി ചെയിന്‍ റസ്റ്റോറന്റുകളുടെ ഉടമ കിയോഷി കിമുറയാണ് 333.6 മില്യണ്‍ യെന്‍ (3.1 മില്യണ്‍ ഡോളര്‍) നല്‍കി ടൂണ മീന്‍ സ്വന്തമാക്കിയത്. ഇതിനു മുമ്പ് ഏറ്റവും കൂടുതല്‍ പണം നല്‍കി മീന്‍ വാങ്ങിയതിന്റെ ക്രെഡിറ്റും കിയോഷിക്കു തന്നെയാണ്. 2013 ലെ ഈ റിക്കാര്‍ഡാണ് ഇപ്പോള്‍ തിരുത്തിക്കുറിച്ചിരിക്കുന്നത്. ഈ ടൂണ വളരെ സ്വാദിഷ്ടമാണെന്നു തോന്നുന്നുവെന്നു പറഞ്ഞ കിയോഷി വില അല്‍പം കൂടിപ്പോയെന്നും കൂട്ടിച്ചേര്‍ത്തു.
വടക്കന്‍ ജപ്പാനിലെ അവോമരി മേഖലയില്‍ നിന്നു പിടിച്ച ഈ മീനിന് 278 കിലോ തൂക്കമുണ്ട്. ആറു വര്‍ഷം മുമ്പ് കിയോഷി നല്‍കിയ വിലയുടെ ഇരട്ടി തുകയ്ക്കാണ് ഇത്തവണ ലേലം നടന്നത്. അമ്പതോ അറുപതോ മില്യണ്‍ യെന്നിന് ലേലം നടക്കുമെന്നാണ് പ്രതീക്ഷിച്ചതെങ്കിലും അഞ്ചിരട്ടി കൂടുതല്‍ തുക വേണ്ടി വന്നുവെന്ന് കിയോഷി പറഞ്ഞു.
പുതുവത്സര അവസരത്തിലെ ലേലത്തില്‍ ഒരു മത്സ്യത്തിന് ഏറ്റവും കൂടുതല്‍ വില ആറു വര്‍ഷമായി നല്‍കി വന്നതിന്റെ ക്രെഡിറ്റ് കിയേഷിക്കായിരുന്നു. എന്നാല്‍, 2017 ല്‍ മറ്റൊരു ഫിഷ് റസ്റ്റോറന്റ് ശൃംഖല ഉടമ കിയോഷിയെ കടത്തി വെട്ടി. ഇക്കുറി കിയോഷി സ്ഥാനം തിരിച്ചു പിടിച്ചുവെന്നു മാത്രമല്ല വിലയുടെ കാര്യത്തില്‍ പുതിയ റിക്കാര്‍ഡിടുകയും ചെയ്തു. ആഗോള തലത്തില്‍ ടൂണ മീനിന് വലിയ ഡിമാന്‍ഡായിട്ടുണ്ട്. ടൂണ പിടിക്കാനുള്ള ത്വര കൂടിയത് ഈ മീനിന്റെ വംശനാശത്തിനു കാരണമായേക്കുമെന്ന ആശങ്കയും ഉയര്‍ന്നിട്ടുണ്ട്.

Other News

  • എണ്ണ ടാങ്കറുകള്‍ക്കുനേരെയുണ്ടായ ആക്രമണം: പിന്നില്‍ ഇറാനെന്ന അമേരിക്കന്‍ ആരോപണം ആവര്‍ത്തിച്ച് സൗദിയും
  • കുറ്റവാളികളെ ചൈനയ്ക്ക് കൈമാറാനുള്ള വിവാദ ബില്‍ ഹോങ്കോങ് താല്‍ക്കാലികമായി നിര്‍ത്തിവെച്ചു
  • കുറ്റവാളി കൈമാറ്റ നിയമത്തിനെതിരെ ഹോങ്കോങ്ങില്‍ പ്രക്ഷോഭം: പ്രക്ഷോഭകര്‍ക്കുനേരെ പോലീസ് റബ്ബര്‍ ബുള്ളറ്റ് പ്രയോഗിച്ചു. 22 പേര്‍ക്ക് പരിക്കേറ്റു
  • സൗദി വിമാനത്താവളത്തിനുനേരെ ഹൂത്തി വിമതരുടെ മിസൈല്‍ ആക്രമണം; 26 പേര്‍ക്ക് പരിക്ക്
  • പാക്കിസ്ഥാന്‍ മുന്‍ പ്രസിഡന്റ് ആസിഫ് അലി സര്‍ദാരി സാമ്പത്തിക തിരിമറി കേസില്‍ അറസ്റ്റില്‍
  • തെ​രേ​സ മേ ക​ൺ​സ​ർ​വേ​റ്റി​വ്​ പാ​ർ​ട്ടി​യു​ടെ നേ​തൃ​സ്​​ഥാ​നം രാ​ജി​വെ​ച്ചു
  • തെക്കന്‍ സ്വീഡനിലെ ലിന്‍ശോപിംങ് നഗരത്തില്‍ സ്‌ഫോടനം: 25 പേര്‍ക്ക് പരിക്കേറ്റു
  • ഓട്ടിസത്തിനു കാരണം മാതാപിതാക്കളുടെ ജീവിതശൈലിയെന്ന് കുറ്റപ്പെടുത്തല്‍; ധ്യാനം നടത്താന്‍ ഫാ. ഡൊമിനിക് വാളന്മനാലിനു നല്‍കിയ ക്ഷണം റദ്ദാക്കണമെന്ന് ഡബ്ലിന്‍ ആര്‍ച്ച് ബിഷപ്
  • ഇന്ത്യയിലും ചൈനയിലും ചില നഗരങ്ങളില്‍ ശ്വാസവായു പോലും അശുദ്ധമെന്ന് ട്രംപ്
  • ഒ.ഐ.സി ഉച്ചകോടി കാഷ്മീരിന് പ്രത്യേക പ്രതിനിധിയെ നിയമിച്ചു; പ്രതിഷേധം ഉയര്‍ത്തി ഇന്ത്യ
  • ജപ്പാനിലെ ടോരിഷിമ ദ്വീപില്‍ ഭൂചലനം; 6.1 തീവ്രത രേഖപ്പെടുത്തി
  • Write A Comment

     
    Reload Image
    Add code here