മുന്‍ റഷ്യന്‍ സൗന്ദര്യ റാണിയെ ജീവിത സഖിയാക്കിയ മലേഷ്യന്‍ രാജാവിന് പദവി നഷ്ടപ്പെട്ടു

Mon,Jan 07,2019


കുലാലംപൂര്‍: മുന്‍ റഷ്യന്‍ സൗന്ദര്യ റാണിയെ ജീവിത സഖിയാക്കിയ മലേഷ്യന്‍ രാജാവിന് രാജപദവി നഷ്ടപ്പെട്ടു.
സുല്‍ത്താന്‍ മുഹമ്മദ് വി ആണ് രാജിവെച്ച് ഭരണാധികാരം ഒഴിഞ്ഞത്. റഷ്യന്‍ സുന്ദരിയുമായുള്ള സുല്‍ത്താന്റെ വിവാഹം വലിയ തോതില്‍ വിവാദം സൃഷ്ടിച്ചിരുന്നു.
രണ്ട് കൊല്ലം മുമ്പ് കിരീടധാരണം നടത്തിയ സുല്‍ത്താന്‍ മുഹമ്മദ് രാജ പദവി ഉപേക്ഷിക്കുകയാണ് എന്ന അറിയിപ്പ് ഞായറാഴ്ചയാണ് കൊട്ടാരത്തില്‍ നിന്ന് പുറത്തുവിട്ടത്. അറിയിപ്പില്‍ സ്ഥാന ത്യാഗത്തിന്റെ കൃത്യമായ കാരണങ്ങള്‍ വെളിപ്പെടുത്തിയിട്ടില്ല.
കഴിഞ്ഞ വര്‍ഷം അവസാനമാണ് സുല്‍ത്താന്‍ മുഹമ്മദ് തന്നെക്കാള്‍ പകുതി മാത്രം പ്രായമുള്ള മുന്‍ സിസ് മോസ്‌കോ ആയ ഒക്‌സാന വോയ് വോദിനയെ വിവാഹം ചെയ്ത വാര്‍ത്ത ചിത്രങ്ങള്‍ സഹിതം ഒരു ഓണ്‍ലൈന്‍ മാധ്യമം പുറത്തുവിട്ടത്. ഇതിനെ തുടര്‍ന്ന് സുല്‍ത്താനെതിരെ വലിയതോതില്‍ വിമര്‍ശനങ്ങള്‍ ഉയര്‍ന്നു. വാര്‍ത്തയെ സംബന്ധിച്ച് കൊട്ടാരം വൃത്തങ്ങള്‍ പൊതുവായ പ്രതികരണം നടത്തിയിട്ടില്ല. രാജാവിനോ രാജഭറണത്തിനോ എതിരായി വരുന്ന ജനവികാരം മലേഷ്യയുടെ രാഷ്ട്രീയ-സാമ്പത്തിക പ്രത്യാഘാതം സൃഷ്ടിക്കും.
മലേഷ്യയിലെ ഒമ്പതോളം രാജകുടുംബങ്ങളാണ് ഊഴം വെച്ച് രാജ്യഭരണം ഏറ്റെടുക്കാറുള്ളത്. അഞ്ചുവര്‍ഷം കൂടുമ്പോളാണ് പുതിയ രാജാവിനെ തെരഞ്ഞെടുക്കാറുള്ളത്. മൂന്നു വര്‍ഷം കൂടി അധികാര കാലയളവ് ബാക്കിനില്‍ക്കെയാണ് വിവാഹ വിവാദം സുല്‍ത്താന്‍ മുഹമ്മദിന്റെ സിംഹാസനം തെറിപ്പിച്ചത്.
ഒമ്പത് സുല്‍ത്താനേറ്റുകളുടെ പ്രതിനികള്‍ ഉള്‍പ്പെട്ട റോയല്‍ കൗണ്‍സില്‍ ആണ് പുതിയ രാജാവിനെ തെരഞ്ഞെടുക്കുന്നത്. ആചാരങ്ങള്‍ അനുസരിച്ചാണ് രാജാവിന്റെ തെരഞ്ഞെടുപ്പും ഭരണവും എങ്കിലും മനുഷ്യസഹജമായ അവകാശങ്ങള്‍ അദ്ദേഹത്തിനും അംഗീകരിച്ചുനല്‍കുന്നുണ്ട്. രാജ്യത്തെ മുസ്ലീം ഭൂരിപക്ഷമായ മലയ് വംശജരുടെ പ്രതീകമായാണ് രാജാവിനെ കരുതിപോരുന്നത്.
അതേ സമയം രാജഭരണത്തോടൊപ്പം മലേഷ്യയുടെ യഥാര്‍ത്ഥ ഭരണാധികാരം തെരഞ്ഞെടുക്കപ്പെട്ട സര്‍ക്കാരിലും നിക്ഷിപ്തമാണ്. 92 കാരനായ മഹാതിര്‍ മുഹമ്മദ് പ്രധാനമന്ത്രിയായുള്ള ഭരണകൂടം കഴിഞ്ഞ വര്‍ഷമാണ് വീണ്ടും അധികാരത്തിലെത്തിയത്.

Other News

  • എണ്ണ ടാങ്കറുകള്‍ക്കുനേരെയുണ്ടായ ആക്രമണം: പിന്നില്‍ ഇറാനെന്ന അമേരിക്കന്‍ ആരോപണം ആവര്‍ത്തിച്ച് സൗദിയും
  • കുറ്റവാളികളെ ചൈനയ്ക്ക് കൈമാറാനുള്ള വിവാദ ബില്‍ ഹോങ്കോങ് താല്‍ക്കാലികമായി നിര്‍ത്തിവെച്ചു
  • കുറ്റവാളി കൈമാറ്റ നിയമത്തിനെതിരെ ഹോങ്കോങ്ങില്‍ പ്രക്ഷോഭം: പ്രക്ഷോഭകര്‍ക്കുനേരെ പോലീസ് റബ്ബര്‍ ബുള്ളറ്റ് പ്രയോഗിച്ചു. 22 പേര്‍ക്ക് പരിക്കേറ്റു
  • സൗദി വിമാനത്താവളത്തിനുനേരെ ഹൂത്തി വിമതരുടെ മിസൈല്‍ ആക്രമണം; 26 പേര്‍ക്ക് പരിക്ക്
  • പാക്കിസ്ഥാന്‍ മുന്‍ പ്രസിഡന്റ് ആസിഫ് അലി സര്‍ദാരി സാമ്പത്തിക തിരിമറി കേസില്‍ അറസ്റ്റില്‍
  • തെ​രേ​സ മേ ക​ൺ​സ​ർ​വേ​റ്റി​വ്​ പാ​ർ​ട്ടി​യു​ടെ നേ​തൃ​സ്​​ഥാ​നം രാ​ജി​വെ​ച്ചു
  • തെക്കന്‍ സ്വീഡനിലെ ലിന്‍ശോപിംങ് നഗരത്തില്‍ സ്‌ഫോടനം: 25 പേര്‍ക്ക് പരിക്കേറ്റു
  • ഓട്ടിസത്തിനു കാരണം മാതാപിതാക്കളുടെ ജീവിതശൈലിയെന്ന് കുറ്റപ്പെടുത്തല്‍; ധ്യാനം നടത്താന്‍ ഫാ. ഡൊമിനിക് വാളന്മനാലിനു നല്‍കിയ ക്ഷണം റദ്ദാക്കണമെന്ന് ഡബ്ലിന്‍ ആര്‍ച്ച് ബിഷപ്
  • ഇന്ത്യയിലും ചൈനയിലും ചില നഗരങ്ങളില്‍ ശ്വാസവായു പോലും അശുദ്ധമെന്ന് ട്രംപ്
  • ഒ.ഐ.സി ഉച്ചകോടി കാഷ്മീരിന് പ്രത്യേക പ്രതിനിധിയെ നിയമിച്ചു; പ്രതിഷേധം ഉയര്‍ത്തി ഇന്ത്യ
  • ജപ്പാനിലെ ടോരിഷിമ ദ്വീപില്‍ ഭൂചലനം; 6.1 തീവ്രത രേഖപ്പെടുത്തി
  • Write A Comment

     
    Reload Image
    Add code here