പലായനം ചെയ്ത 18 വയസുകാരി സൗദി പെണ്‍കുട്ടി ഇനി യു.എന്‍ ഏജന്‍സിയുടെ സംരക്ഷണയില്‍; ബാങ്കോക്ക് വിമാനത്താവളത്തിലെ ആശയക്കുഴപ്പം തീര്‍ന്നു

Mon,Jan 07,2019


ബാങ്കോക്ക്: ഓസ്‌ട്രേലിയിലേക്കുള്ള യാത്രാ മധ്യേ വാരാന്ത്യത്തില്‍ ബാങ്കോക്ക് വിമാനത്താവളത്തില്‍ എത്തിയ 18 വയസുകാരി സൗദി പെണ്‍കുട്ടി റഹാഫ് മുഹമ്മദ് അല്‍ ക്വുനന്‍ സൃഷ്ടിച്ച പൊല്ലാപ്പിന് താത്കാലിക പരിഹാരം. സൗദിയില്‍ നിന്ന് പലായനം ചെയ്തതാണെന്ന അവാശപ്പെട്ട പെണ്‍കുട്ടിയെ തിരിച്ചയക്കാന്‍ ഇമിഗ്രേഷന്‍ അധികൃതര്‍ നടത്തിയ ശ്രമം നടത്തിയെങ്കിലും തിരിച്ചു പോകില്ലെന്ന തീരുമാനത്തില്‍ റഹാഫ് ഉറച്ചു നിന്നു. വിമാനത്താവളത്തിലെ ഹോട്ടല്‍ മുറിയില്‍ നിന്ന് പുറത്തു വരാന്‍ റഹാഫ് തയാറായില്ല. യു.എന്‍ അഭയാര്‍ഥി ഏജന്‍സിയുടെ സംരക്ഷണയില്‍ വിമാനത്താവളത്തിലെ ഹോട്ടലില്‍ നിന്ന് റഹാഫ് പുറത്തു പോയതായി ഇമിഗ്രേഷന്‍ പോലീസ് മേധാവി അറിയിച്ചു.
പെണ്‍കുട്ടിയുടെ കുടുംബം ഇപ്പോള്‍ കുവൈറ്റിലാണ് താമസിക്കുന്നത്. തന്റ സഹോദരന്മാരും കുടുംബാംഗങ്ങളും, സൗദി അധികൃതും കുവൈറ്റില്‍ തന്നെ കാത്തിരിക്കുന്നുണ്ടാവുമെന്നും, തന്റ #െജീവന്‍ അപകടത്തിലാണെന്നും, തിരിച്ചു ചെന്നാല്‍ കുടുംബാംഗങ്ങള്‍ തന്നെ കൊല്ലുമെന്ന് ഭീഷണിപ്പെടുത്തിയിട്ടുണ്ടെന്നും റഹാഫ് പറഞ്ഞു. ഓസ്‌ട്രേലിയയില്‍ അഭയം തേടുക എന്ന ലക്ഷ്യത്തോടെ പുറപ്പെട്ട തായ്‌ലന്‍ഡില്‍ എത്തിയ പെണ്‍കുട്ടിയുടെ സുരക്ഷയില്‍ ഹ്യൂമണ്‍ റൈറ്റ്‌സ് വാച്ച് ഉള്‍പ്പെടെയുള്ള മനുഷ്യാവകാശ സംഘടനകള്‍ ആശങ്ക പ്രകടിപ്പിച്ചിട്ടുണ്ട്. പരമാധികാര രാഷ്ട്രമായ തായ്‌ലന്‍ഡിലാണ് പെണ്‍കുട്ടി ഇപ്പോള്‍ ഉള്ളതെന്നു, ഒരു എംബസിക്കോ വേറെ ആര്‍ക്കെങ്കിലുമോ പെണ്‍കുട്ടിയെ ബലമായി തിരിച്ചയക്കാന്‍ കഴിയില്ലെന്നും, മരണത്തിന് പെണ്‍കുട്ടിയെ വിട്ടു നല്‍കില്ലെന്നും ഇമിഗ്രേഷന്‍ പോലീസ് മേധാവി വ്യക്തമാക്കി. സൗദി നയതന്ത്ര പ്രതിനിധികളോട് കാര്യങ്ങള്‍ ചൊവ്വാഴ്ച വ്യക്തമാക്കുമെന്നും അദ്ദേഹം അറിയിച്ചു. തന്റെ പിതാവ് ബാങ്കോക്കില്‍ എത്തിയിട്ടുണ്ടെന്നും, അത് തന്നെ പരിഭ്രമിക്കുന്നുവെന്നും റഹാഫ് ട്വീറ്റ് ചെയ്തു.
ശനിയാഴ്ചയാണ് പെണ്‍കുട്ടി ബാങ്കോക്കില്‍ എത്തിയത്. വിമാനത്തില്‍ നിന്ന് പുറത്തു വന്ന പെണ്‍കുട്ടിയില്‍ നിന്ന് ഒരു സൗദി നയതന്ത്ര പ്രതിനിധി ബലമായി പാസ്‌പോര്‍ട്ട് വാങ്ങിച്ചെടുക്കുകയായിരുന്നു. തായ് വിസയ്ക്ക് പെണ്‍കുട്ടി അര്‍ഹയല്ലാത്തതു കൊണ്ട് തിരിച്ചയക്കുന്നു എന്ന നിലപാടാണ് തായ്‌ലന്‍ഡ് അധികൃതര്‍ ആദ്യം പുലര്‍ത്തിയത്. എന്നാല്‍, തനിക്ക് ഓസ്‌ട്രേലിയന്‍ വിസ ഉണ്ടെന്നും, തായാലന്‍ഡില്‍ താമസിക്കുവാന്‍ ഉദ്ദേശിക്കുന്നില്ലെന്നും, മടങ്ങി പോകില്ലെന്നും പെണ്‍കുട്ടി ശഠിച്ചതോടെ കാര്യങ്ങള്‍ കുഴഞ്ഞു. മാതാപിതാക്കളില്‍ നിന്ന് ഓടിപ്പോയ പെണ്‍കുട്ടി എത്തുന്നു എന്നതു സംബന്ധിച്ച് സൗദി അധികൃതര്‍ തായ്‌ലന്‍ഡ് ഇമിഗ്രേഷന്‍ വിഭാഗത്തിന് മുന്‍കൂട്ടി സന്ദേശം നല്‍കിയിരുന്നു.
തന്റെ ട്വിറ്റര്‍ അക്കൗണ്ട് ഓപ്പറേറ്റ് ചെയ്യാന്‍ നൗറ എന്ന സുഹൃത്തിനെ ചുമതലപ്പെടുത്തിയ റഹാഫ് സോഷ്യല്‍ മീഡിയയിലൂടെ തന്റെ കഥ പുറത്തു വിടുകയായിരുന്നു. എന്റെ രാജ്യത്ത് പഠിച്ച് ജോലി ചെയ്യാന്‍ എനിക്ക് കഴിയില്ലെന്നും, സ്വതന്ത്രയായി എവിടെയങ്കിിലും പോയി പഠിച്ച് ജോലി ചെയ്യാനാണ് നാടു വിട്ടതെന്നും റഹാഫ് വെളിപ്പെടുത്തി. ഇസ്ലാം മതം ഉപേക്ഷിച്ച തന്നെ കുടുംബം കൊലപ്പെടുത്തുമെന്നാണ് പെണ്‍കുട്ടിയുടെ ഭയം. സൗദിയില്‍ ഇത് വധശിക്ഷ ലഭിക്കാവുന്ന കുറ്റമാണ്. റഹാഫ് സൗദി യൂണിവേഴ്‌സിറ്റി വിദ്യാര്‍ഥിനിയാണെന്നും, പിതാവ് സൗദി സര്‍ക്കാര്‍ ഉദ്യോഗസ്ഥനാണെന്നു കരുതുന്നതായും നൗറ ബി.ബി.സി യോട് വെളിപ്പെടുത്തി. സൗദിയില്‍ നിന്ന് 'രക്ഷപ്പെട്ട' താന്‍ ഒരു സൗദി ഫെമിനിസ്റ്റ് ഗ്രൂപ്പ് ഓണ്‍ലൈനിലൂടെയാണ് റഹാഫിനെ പരിചയപ്പെട്ടതെന്നും, താനും ഇസ്ലാം ഉപേക്ഷിച്ച വ്യക്തിയാണെന്നും നൗറ കൂട്ടിച്ചേര്‍ത്തു.

Other News

  • 'ലോക മുത്തച്ഛന്‍' നൂറ്റപ്പതിമ്മൂന്നാം വയസില്‍ ജപ്പാനില്‍ വിടവാങ്ങി
  • മെക്‌സിക്കോയില്‍ പൈപ്പ്‌ലൈനില്‍ പൊട്ടിത്തെറി; കുറഞ്ഞത് 66 പേര്‍ കൊല്ലപ്പെട്ടു
  • അവിശ്വാസപ്രമേയം അതിജീവിച്ച തെരേസ മെയ് ബ്രെക്‌സിറ്റ് ചര്‍ച്ചകളുമായി മുന്നോട്ട്‌
  • ലക്ഷ്യം കൈവരിക്കാത്ത ജീവനക്കാരെ ചൈനീസ് കമ്പനി റോഡിലൂടെ മുട്ടില്‍ ഇഴയിച്ച് ശിക്ഷിച്ചു
  • മോഡി ഉറുഗ്വേ സന്ദര്‍ശിച്ചിരുന്നുവെങ്കില്‍ ഗാന്ധിയന്‍ മൂല്യങ്ങള്‍ ജീവിതത്തില്‍ പകത്തിയ പ്രസിഡന്റിനെ കാണാന്‍ കഴിയുമായിരുന്നു
  • അവിശ്വാസ പ്രമേയത്തെ അതിജീവിച്ച് തെരേസ മേ; സമവായത്തിലൂടെ ബ്രെക്‌സിറ്റ് നടപ്പാക്കാന്‍ ശ്രമിക്കുമെന്ന് പ്രഖ്യാപനം
  • ഇന്തോനേഷ്യയില്‍ വനിതാ ശാസ്ത്രജ്ഞയെ മുതല ജീവനോടെ വിഴുങ്ങി; സംഭവം ഗവേഷണ കേന്ദ്രത്തില്‍
  • ബ്രെക്‌സിറ്റ്; തെരേസ മേയുടെ ഇടപാടിന് പാര്‍ലമെന്റില്‍ വമ്പന്‍ തോല്‍വി, ബുധനാഴ്ച അവിശ്വാസ വോട്ടെടുപ്പ്
  • നെയ്‌റോബിയിലെ പഞ്ചനക്ഷത്ര ഹോട്ടലില്‍ ഭീകരാക്രമണം ; നിരവധി പേര്‍ കൊല്ലപ്പെട്ടു
  • ടെഹ്‌റാനില്‍ ചരക്കു വിമാനം റണ്‍വേയില്‍ നിന്ന് തെന്നി മാറി റസിഡന്‍ഷ്യല്‍ മേഖലയിലേക്ക് ഇടിച്ചു കയറി; 15 പേര്‍ കൊല്ലപ്പെട്ടു
  • ഇസ്രായേലിന്റെ സുരക്ഷ ഉറപ്പാക്കാതെ സി​റി​യ​യി​ൽ​നി​ന്ന് പിന്മാറ്റമില്ലെന്ന്​ യു.എസ്
  • Write A Comment

     
    Reload Image
    Add code here